Psalmaro 147
Londona Biblio (Esperanto, 1910)Translation
Londona Biblio (Esperanto, 1910)
Modern Hebrew Bible
1Haleluja! Ĉar estas bone kanti al nia Dio, Ĉar agrabla estas la glorkantado.
1הללו יה כי טוב זמרה אלהינו כי נעים נאוה תהלה׃
2La Eternulo konstruas Jerusalemon, La elpelitojn de Izrael Li kolektas.
2בונה ירושלם יהוה נדחי ישראל יכנס׃
3Li sanigas la korprematojn Kaj bandaĝas iliajn vundojn.
3הרפא לשבורי לב ומחבש לעצבותם׃
4Li kalkulas la stelojn, Kaj al ili ĉiuj Li donas nomojn.
4מונה מספר לכוכבים לכלם שמות יקרא׃
5Granda estas nia Sinjoro kaj tre forta; Lia saĝo estas nemezurebla.
5גדול אדונינו ורב כח לתבונתו אין מספר׃
6La Eternulo altigas la humilulojn; Sed la malvirtulojn Li malaltigas ĝis la tero.
6מעודד ענוים יהוה משפיל רשעים עדי ארץ׃
7Kantu al la Eternulo gloradon, Muziku al nia Dio per harpo.
7ענו ליהוה בתודה זמרו לאלהינו בכנור׃
8Li kovras la ĉielon per nuboj, Pretigas por la tero pluvon, Kreskigas sur la montoj herbon.
8המכסה שמים בעבים המכין לארץ מטר המצמיח הרים חציר׃
9Li donas al la bruto ĝian nutraĵon, Kaj al la korvidoj, kiuj krias.
9נותן לבהמה לחמה לבני ערב אשר יקראו׃
10Ne la forton de ĉevalo Li ŝatas; Ne la femuroj de homo al Li plaĉas:
10לא בגבורת הסוס יחפץ לא בשוקי האיש ירצה׃
11Plaĉas al la Eternulo Liaj timantoj, Kiuj fidas Lian bonecon.
11רוצה יהוה את יראיו את המיחלים לחסדו׃
12Laŭdu, ho Jerusalem, la Eternulon; Gloru vian Dion, ho Cion.
12שבחי ירושלם את יהוה הללי אלהיך ציון׃
13Ĉar Li fortikigis la riglilojn en viaj pordegoj, Li benis viajn filojn interne de vi.
13כי חזק בריחי שעריך ברך בניך בקרבך׃
14Li donas pacon al viaj limoj, Li satigas vin per la plej bona el la tritiko.
14השם גבולך שלום חלב חטים ישביעך׃
15Li sendas Sian ordonon al la tero; Tre rapide kuras Lia vorto.
15השלח אמרתו ארץ עד מהרה ירוץ דברו׃
16Li donas neĝon kiel lanon, Li ŝutas prujnon kiel cindron.
16הנתן שלג כצמר כפור כאפר יפזר׃
17Li ĵetas Sian glacion kiel pecojn; Kiu kontraŭstaros al Lia frosto?
17משליך קרחו כפתים לפני קרתו מי יעמד׃
18Li sendas Sian vorton, kaj ĉio degelas; Li blovas per Sia vento, kaj ekfluas akvo.
18ישלח דברו וימסם ישב רוחו יזלו מים׃
19Li sciigas al Jakob Sian vorton, Siajn leĝojn kaj decidojn al Izrael.
19מגיד דברו ליעקב חקיו ומשפטיו לישראל׃
20Tiel Li ne faras al iu alia popolo; Kaj Liajn decidojn ili ne scias. Haleluja!
20לא עשה כן לכל גוי ומשפטים בל ידעום הללו יה׃
Tip: use the ← and → keys to turn chapters.