Psalmaro 88

Londona Biblio (Esperanto, 1910)

Modern Hebrew Bible

1Ho Eternulo, Dio de mia savo! Tage kaj nokte mi krias antaŭ Vi.

1שיר מזמור לבני קרח למנצח על מחלת לענות משכיל להימן האזרחי יהוה אלהי ישועתי יום צעקתי בלילה נגדך׃

2Mia preĝo venu antaŭ Vian vizaĝon; Klinu Vian orelon al mia ploro.

2תבוא לפניך תפלתי הטה אזנך לרנתי׃

3Ĉar mia animo trosatiĝis de malbonoj Kaj mia vivo atingis Ŝeolon.

3כי שבעה ברעות נפשי וחיי לשאול הגיעו׃

4Mi similiĝis al la forirantoj en la tombon; Mi fariĝis kiel viro sen fortoj,

4נחשבתי עם יורדי בור הייתי כגבר אין איל׃

5Etendita inter mortintoj; Kiel mortigitoj, kuŝantaj en la tombo, Kiujn Vi jam ne rememoras Kaj kiuj estas forigitaj for de Via mano.

5במתים חפשי כמו חללים שכבי קבר אשר לא זכרתם עוד והמה מידך נגזרו׃

6Vi metis min en la plej profundan foson, En mallumon, en abismon.

6שתני בבור תחתיות במחשכים במצלות׃

7Pezas sur mi Via furiozo, Kaj per ĉiuj Viaj ondoj Vi min premas. Sela.

7עלי סמכה חמתך וכל משבריך ענית סלה׃

8Vi malproksimigis de mi miajn konatojn, Vi faris min abomenaĵo por ili; Mi estas enŝlosita, kaj mi ne povas eliri.

8הרחקת מידעי ממני שתני תועבות למו כלא ולא אצא׃

9Mia okulo mallumiĝis de malĝojo; Mi vokas Vin, ho Eternulo, ĉiutage, Mi etendas al Vi miajn manojn.

9עיני דאבה מני עני קראתיך יהוה בכל יום שטחתי אליך כפי׃

10Ĉu por mortintoj Vi faros miraklojn? Ĉu malvivuloj leviĝos kaj gloros Vin? Sela.

10הלמתים תעשה פלא אם רפאים יקומו יודוך סלה׃

11Ĉu en la tombo estos rakontata Via boneco, Kaj fidindeco en la abismo?

11היספר בקבר חסדך אמונתך באבדון׃

12Ĉu en la mallumo estos konataj Viaj mirakloj, Kaj Via justeco en la lando de forgeso?

12היודע בחשך פלאך וצדקתך בארץ נשיה׃

13Sed mi vokas al Vi, ho Eternulo, Kaj matene mia preĝo Vin renkontas.

13ואני אליך יהוה שועתי ובבקר תפלתי תקדמך׃

14Kial, ho Eternulo, Vi forpuŝas mian animon? Kial Vi kaŝas Vian vizaĝon de mi?

14למה יהוה תזנח נפשי תסתיר פניך ממני׃

15Mi estas mizera kaj senforta detempe de la juneco; Mi portas Viajn terurojn, mi konsumiĝas.

15עני אני וגוע מנער נשאתי אמיך אפונה׃

16Venis sur min Via furiozo, Viaj timigoj min dispremas.

16עלי עברו חרוניך בעותיך צמתותני׃

17Ili ĉirkaŭas min, kiel akvo, ĉiutage; Ili tute min ĉirkaŭsieĝas.

17סבוני כמים כל היום הקיפו עלי יחד׃

18Vi malproksimigis de mi amanton kaj amikon; Miaj konatoj estas en mallumo.

18הרחקת ממני אהב ורע מידעי מחשך׃

Tip: use the ← and → keys to turn chapters.