Psalmaro 26
Londona Biblio (Esperanto, 1910)Translation
Londona Biblio (Esperanto, 1910)
Modern Hebrew Bible
1Juĝu min, ho Eternulo, ĉar mi iris en sincereco kaj la Eternulon mi fidis; Mi ne ŝanceliĝos.
1לדוד שפטני יהוה כי אני בתמי הלכתי וביהוה בטחתי לא אמעד׃
2Esploru min, ho Eternulo, kaj elprovu min; Refandu mian internaĵon kaj mian koron.
2בחנני יהוה ונסני צרופה כליותי ולבי׃
3Ĉar Via favorkoreco estas antaŭ miaj okuloj; Kaj mi marŝas en Via vero.
3כי חסדך לנגד עיני והתהלכתי באמתך׃
4Mi ne sidas kun homoj malveremaj, Kaj kun falsemuloj mi ne iros.
4לא ישבתי עם מתי שוא ועם נעלמים לא אבוא׃
5Mi malamas societon de malbonfarantoj, Kaj kun malpiuloj mi ne sidos.
5שנאתי קהל מרעים ועם רשעים לא אשב׃
6Mi lavas miajn manojn per senkulpeco; Kaj mi moviĝas ĉirkaŭ Via altaro, ho Eternulo,
6ארחץ בנקיון כפי ואסבבה את מזבחך יהוה׃
7Por aŭdigi laŭte gloradon Kaj famigi ĉiujn Viajn miraklojn.
7לשמע בקול תודה ולספר כל נפלאותיך׃
8Ho Eternulo, mi amas la ejon de Via domo, Kaj la lokon, en kiu loĝas Via gloro.
8יהוה אהבתי מעון ביתך ומקום משכן כבודך׃
9Ne pereigu mian animon kune kun la pekuloj, Nek mian vivon kun la sangaviduloj,
9אל תאסף עם חטאים נפשי ועם אנשי דמים חיי׃
10En kies manoj estas krimo Kaj kies dekstra mano estas plena de subaĉetaj donacoj.
10אשר בידיהם זמה וימינם מלאה שחד׃
11Kaj mi iras en senkulpeco; Liberigu min kaj korfavoru min.
11ואני בתמי אלך פדני וחנני׃
12Mia piedo staras sur ebena loko; En kunvenoj mi benos la Eternulon.
12רגלי עמדה במישור במקהלים אברך יהוה׃
Tip: use the ← and → keys to turn chapters.