Psalmaro 85
Londona Biblio (Esperanto, 1910)Translation
Londona Biblio (Esperanto, 1910)
Modern Hebrew Bible
1Vi korfavoris, ho Eternulo, Vian landon, Vi revenigis la forkaptitojn de Jakob;
1למנצח לבני קרח מזמור רצית יהוה ארצך שבת שבות יעקב׃
2Vi pardonis la kulpon de Via popolo, Vi kovris ĉiujn ĝiajn pekojn. Sela.
2נשאת עון עמך כסית כל חטאתם סלה׃
3Vi retenis Vian tutan koleron, Forlasis Vian furiozon.
3אספת כל עברתך השיבות מחרון אפך׃
4Turnu Vin al ni, ho Dio de nia savo, Kaj ĉesigu Vian koleron kontraŭ ni.
4שובנו אלהי ישענו והפר כעסך עמנו׃
5Ĉu eterne Vi nin koleros, Daŭrigos Vian koleron de generacio al generacio?
5הלעולם תאנף בנו תמשך אפך לדר ודר׃
6Ĉu Vi ne revivigos nin denove, Ke Via popolo ĝoju per Vi?
6הלא אתה תשוב תחינו ועמך ישמחו בך׃
7Aperigu al ni, ho Eternulo, Vian favoron, Kaj Vian helpon donu al ni.
7הראנו יהוה חסדך וישעך תתן לנו׃
8Mi aŭdu, kion diras Dio, la Eternulo; Ĉar Li deklaros pacon al Sia popolo kaj al Siaj fideluloj, Ke ili ne reiru al malsaĝeco.
8אשמעה מה ידבר האל יהוה כי ידבר שלום אל עמו ואל חסידיו ואל ישובו לכסלה׃
9Jam proksima estas Lia helpo al tiuj, kiuj Lin timas, Por ke ekregu honoro en nia lando.
9אך קרוב ליראיו ישעו לשכן כבוד בארצנו׃
10Bono kaj vero renkontiĝas, Justeco kaj paco sin kisas.
10חסד ואמת נפגשו צדק ושלום נשקו׃
11Vero elkreskas el la tero, Kaj justeco rigardas el la ĉielo.
11אמת מארץ תצמח וצדק משמים נשקף׃
12Kaj la Eternulo donos bonon, Kaj nia tero donos siajn produktojn.
12גם יהוה יתן הטוב וארצנו תתן יבולה׃
13Justeco iros antaŭ Li Kaj faros vojon por Liaj paŝoj.
13צדק לפניו יהלך וישם לדרך פעמיו׃
Tip: use the ← and → keys to turn chapters.