Psalm 104
Bible Mutal (Kosraean)Translation
Bible Mutal (Kosraean)
Modern Hebrew Bible
1Kaksakin LEUM GOD , O ngunik. O LEUM GOD luk, kom fulatlana! Kom nuknukyang ke sunak ac wolana.
1ברכי נפשי את יהוה יהוה אלהי גדלת מאד הוד והדר לבשת׃
2Kom afinkomi ke kalem. Kom laknelik kusrao oana sie lohm nuknuk,
2עטה אור כשלמה נוטה שמים כיריעה׃
3Ac musaela nien muta fulat lom fin kof uh lucng liki kusrao. Kom orekmakin pukunyeng uh oana chariot nutum Ac kasrusr fin eng uh.
3המקרה במים עליותיו השם עבים רכובו המהלך על כנפי רוח׃
4Kom oru tuh eng uh in mwe utuk kas lom, Ac sarmelik lun sarom uh oana mwet kulansap lom.
4עשה מלאכיו רוחות משרתיו אש להט׃
5Kom oakiya faclu fin pwelung ku la — Ac fah tiana mukuikui.
5יסד ארץ על מכוניה בל תמוט עולם ועד׃
6Kom filiya meoa uh fac oana sie nuknuk, Ac kof uh afinya eol uh.
6תהום כלבוש כסיתו על הרים יעמדו מים׃
7Ke kai lom, kof uh kaingelik, Ac ke pusren sap lom, elos sa na kaing.
7מן גערתך ינוסון מן קול רעמך יחפזון׃
8Kof uh sororla fineol uh me nu infahlfal uh, Nu yen kom orala nu selos.
8יעלו הרים ירדו בקעות אל מקום זה יסדת להם׃
9Kom oakiya sie masrol ma elos tia ku in alukela, Tuh elos in tia sifil afinya faclu.
9גבול שמת בל יעברון בל ישובון לכסות הארץ׃
10Kom oru tuh infacl srisrik in sororma infahlfal uh, Ac infacl lulap in ut inmasrlon inging uh.
10המשלח מעינים בנחלים בין הרים יהלכון׃
11Kof inge orala mwe nim nimen kosro nukewa inimae, Ac kosro donkey nimnim we ac tila malu.
11ישקו כל חיתו שדי ישברו פראים צמאם׃
12Won yen engyeng uh elos oru ahng lalos Ac on ulun sak sisken infacl.
12עליהם עוף השמים ישכון מבין עפאים יתנו קול׃
13Kom supwama af inkusrao me nu fineol uh, Ac faclu sessesla ke mwe insewowo sum me.
13משקה הרים מעליותיו מפרי מעשיך תשבע הארץ׃
14Kom akkapye mah nu sin cow uh, Ac sacn nu sin mwet uh Tuh elos in yukwiya ac konauk mongo nalos kac,
14מצמיח חציר לבהמה ועשב לעבדת האדם להוציא לחם מן הארץ׃
15Ac in orala wain in akenganyalos, Ac oil in olive tuh in mwe akmusra, Ac mwe mongo in sang ku nu sin mwet.
15ויין ישמח לבב אנוש להצהיל פנים משמן ולחם לבב אנוש יסעד׃
16Yokna af in aksroksrokye sak cedar ke inging Lebanon — Sak sunun LEUM GOD , ma El sifacna yukwiya.
16ישבעו עצי יהוה ארזי לבנון אשר נטע׃
17Won elos orek ahng lalos olo, Won stork elos oru ahng lalos ulun sak fir.
17אשר שם צפרים יקננו חסידה ברושים ביתה׃
18Nani lemnak elos muta fineol fulat, Ac kosro coney elos wikwik ye fulu uh.
18הרים הגבהים ליעלים סלעים מחסה לשפנים׃
19Kom orala tuh malem uh in mwe akilen kais sie malem; Ac faht uh etu na pacl in tili la.
19עשה ירח למועדים שמש ידע מבואו׃
20Kom orala fong, na ke pacl lohsr Kosro lemnak ac oatume.
20תשת חשך ויהי לילה בו תרמש כל חיתו יער׃
21Lion fusr elos ngutngut ke elos forfor In suk ma nalos su God El akoo nu selos.
21הכפירים שאגים לטרף ולבקש מאל אכלם׃
22Na ke faht uh takak, elos ac folokla Ac ona ke luf lalos.
22תזרח השמש יאספון ואל מעונתם ירבצון׃
23Mwet uh ac som nu ke orekma lalos Ac elos ac orekma nwe ke ekela.
23יצא אדם לפעלו ולעבדתו עדי ערב׃
24LEUM GOD , puslana ma kom orala! Ke lalmwetmet lom kom orala ma inge nukewa! Faclu sessesla ke ma kom orala.
24מה רבו מעשיך יהוה כלם בחכמה עשית מלאה הארץ קנינך׃
25Meoa uh pa ingo, yohk ac sralap, Yen kain in ma moul puspis muta we — Kewana ma yohk ac ma srihk.
25זה הים גדול ורחב ידים שם רמש ואין מספר חיות קטנות עם גדלות׃
26Oak palang uh kasrusr fac, Ac Leviathan, wet lulap soko ma kom orala, el srital we.
26שם אניות יהלכון לויתן זה יצרת לשחק בו׃
27Ma inge nukewa elos filiya lulalfongi lalos in kom Tuh kom fah sang mwe mongo nalos ke pacl fal.
27כלם אליך ישברון לתת אכלם בעתו׃
28Kom sang ma nalos ac elos mongo kac, Kom kitalos ac elos kihpkin.
28תתן להם ילקטון תפתח ידך ישבעון טוב׃
29Ke pacl kom ngetla lukelos, elos sangeng; Ke kom tulokinya momong lom lukelos, elos misa Ac folokla nu ke kutkut ma elos orekla kac.
29תסתיר פניך יבהלון תסף רוחם יגועון ואל עפרם ישובון׃
30Tuh ke kom sang ngunum, elos orekla ma moul; Kom sang moul sasu nu fin fohk uh.
30תשלח רוחך יבראון ותחדש פני אדמה׃
31Lela wolana lun LEUM GOD in oan ma pahtpat! Lela tuh LEUM GOD Elan engan ke ma El orala!
31יהי כבוד יהוה לעולם ישמח יהוה במעשיו׃
32El ngetang nu ke faclu, na faclu rarrar; El kahlye fineol uh, na fosryak.
32המביט לארץ ותרעד יגע בהרים ויעשנו׃
33Nga fah on nu sin LEUM GOD ke moul luk nufon; Nga fah onkakin on in kaksak nu sin God luk ke lusenna moul luk.
33אשירה ליהוה בחיי אזמרה לאלהי בעודי׃
34Finsrak tuh on luk in mwe akinsewowoyal, Mweyen engan luk tuku sel me.
34יערב עליו שיחי אנכי אשמח ביהוה׃
35Lela tuh mwet koluk in kunausyukla liki faclu. Lela elos in wanginla nwe tok. Kaksakin LEUM GOD , O ngunik! Kaksakin LEUM GOD !
35יתמו חטאים מן הארץ ורשעים עוד אינם ברכי נפשי את יהוה הללו יה׃
Tip: use the ← and → keys to turn chapters.