Psalm 10
Bible Mutal (Kosraean)Translation
Bible Mutal (Kosraean)
Modern Hebrew Bible
1O LEUM GOD , efu kom muta loesla? Efu kom wikinkomla liki kut in pacl upa nu sesr?
1למה יהוה תעמד ברחוק תעלים לעתות בצרה׃
2Mwet koluk elos filang ac akkeokye mwet sukasrup; Sruokolosi ke mwe kwasrip ma elos sifacna orala.
2בגאות רשע ידלק עני יתפשו במזמות זו חשבו׃
3Mwet koluk elos filangkin lungse koluk lalos; Mwet rapku elos fahk kas in selnga ac pilesru LEUM GOD .
3כי הלל רשע על תאות נפשו ובצע ברך נאץ יהוה׃
4Mwet koluk elos tia nunku ke LEUM GOD ; Ke inse fulat lalos elos nunku mu God El wangin sripa.
4רשע כגבה אפו בל ידרש אין אלהים כל מזמותיו׃
5Mwet koluk elos eis wo ouiya in ma nukewa. Elos tia ku in kalem ke nununku lun God; Elos israsrinkusrai mwet lokoalok lalos.
5יחילו דרכו בכל עת מרום משפטיך מנגדו כל צורריו יפיח בהם׃
6Elos sifacna nunku insialos mu, “Kut fah tiana sun koluk ouiya; Kut fah tiana muta in ongoiya.”
6אמר בלבו בל אמוט לדר ודר אשר לא ברע׃
7Sramsram lalos sessesla ke kas in selnga, kas kikiap, ac kas in aksangeng; Elos sa in fahk kas koluk ma srungayuk.
7אלה פיהו מלא ומרמות ותך תחת לשונו עמל ואון׃
8Elos wikwik in siti srisrik, Ac soano in akmuseya mwet wangin mwata. Elos kasriki mwet munas;
8ישב במארב חצרים במסתרים יהרג נקי עיניו לחלכה יצפנו׃
9Elos wikwik in nien wikwik lalos oana lion uh. Elos muta soano mwet sukasrup; Elos sruokolosi ke mwe kwasrip lalos ac amakunulosla.
9יארב במסתר כאריה בסכה יארב לחטוף עני יחטף עני במשכו ברשתו׃
10Mwet sulallal elos atuyang nu fin mwet munas Ac toasriyalos toanelosi na elos itungyuki oan.
10ודכה ישח ונפל בעצומיו חלכאים׃
11Mwet koluk elos sifacna nunku insialos, “God El pilesru ma inge! El kaliya mutal ac El tia ku in liye!”
11אמר בלבו שכח אל הסתיר פניו בל ראה לנצח׃
12O LEUM GOD , sang kaiyuk nu sin mwet koluk ingan! Esamulos su akkeokyeyuk!
12קומה יהוה אל נשא ידך אל תשכח עניים׃
13Fuka tuh mwet koluk uh ku in pilesru God Ac fahk insialos sifacna mu, “El ac fah tia kai kut”?
13על מה נאץ רשע אלהים אמר בלבו לא תדרש׃
14Tusruktu kom liye na. Kom akilen na ongoiya ac keok lun mwet, Ac kom akola in kasru pacl e nukewa. Mwet munas elos eisaloswot nu sum; Kom kasrelos su enenu in pacl e nukewa.
14ראתה כי אתה עמל וכעס תביט לתת בידך עליך יעזב חלכה יתום אתה היית עוזר׃
15Kunausla ku lun mwet koluk ac mwet sulallal; Kaelos ke ma koluk elos oru Nwe ke elos tia sifil oru.
15שבר זרוע רשע ורע תדרוש רשעו בל תמצא׃
16LEUM GOD El tokosra nu tok ma pahtpat. Elos su alu nu sin kutena god saya Ac fah wanginla liki facl sin God.
16יהוה מלך עולם ועד אבדו גוים מארצו׃
17O LEUM GOD , kom fah porongo pre lun mwet fakpap; Kom fah akpulaikyalos.
17תאות ענוים שמעת יהוה תכין לבם תקשיב אזנך׃
18Kom ac fah lohng tung lun mwet mwemelil ac mwet mukaimtal; Nununku lom ac fah wo nu selos, Tuh mwet faclu fah tia sifil aksangengyalos.
18לשפט יתום ודך בל יוסיף עוד לערץ אנוש מן הארץ׃
Tip: use the ← and → keys to turn chapters.