Psalm 94
Bible Mutal (Kosraean)Translation
Bible Mutal (Kosraean)
Modern Hebrew Bible
1LEUM GOD , kom sie God su kai ma koluk; Fahkak mulat lom!
1אל נקמות יהוה אל נקמות הופיע׃
2Kom mwet nununku lun mwet nukewa faclu; Tuyak ac oru nu sin mwet filang ma fal nu selos!
2הנשא שפט הארץ השב גמול על גאים׃
3Mwet koluk inge ac engan putaka? LEUM GOD , elos ac konkin nwe ngac?
3עד מתי רשעים יהוה עד מתי רשעים יעלזו׃
4Mwet orekma koluk elos ac inse fulat Ac tungakkin ma koluk lalos nwe ngac?
4יביעו ידברו עתק יתאמרו כל פעלי און׃
5Elos itungya mwet lom, LEUM GOD , Ac akkeokye mwet su ma lom.
5עמך יהוה ידכאו ונחלתך יענו׃
6Elos uniya katinmas ac tulik mukaimtal, Ac akmuseya mwetsac su muta in facl sesr.
6אלמנה וגר יהרגו ויתומים ירצחו׃
7Elos fahk, “ LEUM GOD El tia liye kut; God lun Israel El tia akilen ma inge.”
7ויאמרו לא יראה יה ולא יבין אלהי יעקב׃
8Mwet luk, efu ku kowos arulana lalfon? Kowos ac etala ngac?
8בינו בערים בעם וכסילים מתי תשכילו׃
9God El orala insrasr — ya El ku in tia lohng? El orala mutasr — ya El ku in tia liye?
9הנטע אזן הלא ישמע אם יצר עין הלא יביט׃
10El mulat nu sin mutunfacl — ya el ac tia kaelos? El su luti mwet nukewa — ya pwaye wangin etu lal?
10היסר גוים הלא יוכיח המלמד אדם דעת׃
11LEUM GOD El etu ma elos nunku; El etu lah wangin kalmen nunak lalos.
11יהוה ידע מחשבות אדם כי המה הבל׃
12O LEUM GOD , insewowo mwet se su kom luti, El su kom luti ke ma sap lom.
12אשרי הגבר אשר תיסרנו יה ומתורתך תלמדנו׃
13Kom sang mongla nu sel ke len in ongoiya, Nwe ke pacl se pukpukyak sie luf in sruokya mwet koluk.
13להשקיט לו מימי רע עד יכרה לרשע שחת׃
14LEUM GOD El ac fah tia sisla mwet lal, Ac El ac fah tia som lukelos.
14כי לא יטש יהוה עמו ונחלתו לא יעזב׃
15Ac fah sifil koneyukyak nununku suwohs ke iwen nununku; Ac mwet suwoswos nukewa ac fah akkeye.
15כי עד צדק ישוב משפט ואחריו כל ישרי לב׃
16Ku su ac tuyak keik in lain mwet koluk? Ac su ac wiyuyak lain elos su orek ma koluk?
16מי יקום לי עם מרעים מי יתיצב לי עם פעלי און׃
17LEUM GOD El funu tia kasreyu Na ngunik lukun sa na som nu ke facl se wangin pusra lohngyuk we.
17לולי יהוה עזרתה לי כמעט שכנה דומה נפשי׃
18Nga fahk, “Nga ikori,” Na lungse kawil lom, O LEUM GOD , tapukyuyak.
18אם אמרתי מטה רגלי חסדך יהוה יסעדני׃
19Ke pacl nga fohsak ke nunak pus insiuk, Kom akwoyeyu ac akenganye ngunik.
19ברב שרעפי בקרבי תנחומיך ישעשעו נפשי׃
20Kom tia welulos su oru nununku sesuwos, Su oru mu ma koluk uh wo —
20היחברך כסא הוות יצר עמל עלי חק׃
21Su pwapa sulallal lain mwet suwohs Ac wotela tuh mwet wangin mwata in anwuki.
21יגודו על נפש צדיק ודם נקי ירשיעו׃
22A LEUM GOD El loangeyu; God luk El nien moul luk.
22ויהי יהוה לי למשגב ואלהי לצור מחסי׃
23El ac fah kaelos ke koluk lalos, Ac kunauselosla ke ma koluk lalos; LEUM GOD lasr El ac fah kunauselosla.
23וישב עליהם את אונם וברעתם יצמיתם יצמיתם יהוה אלהינו׃
Tip: use the ← and → keys to turn chapters.