Psalm 89
Bible Mutal (Kosraean)Translation
Bible Mutal (Kosraean)
Modern Hebrew Bible
1O LEUM GOD , nga ac fah onkakin lungse kawil lom pacl e nukewa. Nga ac fah fahkak oaru lom nwe tok.
1משכיל לאיתן האזרחי חסדי יהוה עולם אשירה לדר ודר אודיע אמונתך בפי׃
2Nga etu lah wangin saflaiyen lungse lom, Ac oaru lom oakwuki ku, oana kusrao.
2כי אמרתי עולם חסד יבנה שמים תכן אמונתך בהם׃
3Kom fahk, “Nga orala sie wulela inmasrlok ac sie su nga sulela. Pa inge ma nga tuh wulela nu sel David, mwet kulansap luk:
3כרתי ברית לבחירי נשבעתי לדוד עבדי׃
4‘Sie sin mwet in fwil nutum ac fah tokosra in pacl nukewa; Nga fah oakiya tuh tokosrai lom in oan nwe tok.’”
4עד עולם אכין זרעך ובניתי לדר ודור כסאך סלה׃
5Kusrao onkakin ma wolana kom oru, Elos su mutal fah onkakin oaru lom, LEUM GOD .
5ויודו שמים פלאך יהוה אף אמונתך בקהל קדשים׃
6Wangin sie inkusrao oana kom, O LEUM GOD ; Wangin inmasrlon mwet inkusrao ku in lumweyuk nu sum.
6כי מי בשחק יערך ליהוה ידמה ליהוה בבני אלים׃
7Inmasrlon u mutal lom, elos sangeng sum; Elos nukewa pasrla ye motom.
7אל נערץ בסוד קדשים רבה ונורא על כל סביביו׃
8LEUM GOD Kulana, wangin sie su ku oana kom, Tuh kom oaru in ma nukewa, O LEUM GOD .
8יהוה אלהי צבאות מי כמוך חסין יה ואמונתך סביבותיך׃
9Kom leum fin ku lun meoa, Kom akmisye noa lulap we.
9אתה מושל בגאות הים בשוא גליו אתה תשבחם׃
10Kom itungya kosro lulap Rahab, ac unilya; Ke ku lulap lom kom kutangla mwet lokoalok lom.
10אתה דכאת כחלל רהב בזרוע עזך פזרת אויביך׃
11Kusrao ac faclu ma lom, Kom orala faclu ac ma nukewa loac.
11לך שמים אף לך ארץ תבל ומלאה אתה יסדתם׃
12Kom orala epang ac eir, Fineol Tabor ac Fineol Hermon on nu sum ke engan.
12צפון וימין אתה בראתם תבור וחרמון בשמך ירננו׃
13Fuka lupan ku lom! Fuka pwengpengiyen ku lulap lom!
13לך זרוע עם גבורה תעז ידך תרום ימינך׃
14Tokosrai lom oakwuk fin suwoswos ac nununku pwaye, Lungse ac oaru akkalemyeyuk in ma nukewa kom oru.
14צדק ומשפט מכון כסאך חסד ואמת יקדמו פניך׃
15Fuka lupan insewowo lalos su alu nu sum ke on, Su moul ke kalmen kulang lom!
15אשרי העם יודעי תרועה יהוה באור פניך יהלכון׃
16Ke sripom elos engan ke len nufon, Ac elos kaksakin kom ke wolana lom.
16בשמך יגילון כל היום ובצדקתך ירומו׃
17Kom ase kutangla yohk nu sesr, Ac ke lungse lom kom oru tuh kut in kutangla.
17כי תפארת עזמו אתה וברצנך תרים קרננו׃
18Kom, O LEUM GOD , kom sulela mwet in loangekut; Ac kom, God Mutal lun Israel, ase tokosra lasr.
18כי ליהוה מגננו ולקדוש ישראל מלכנו׃
19Kom kaskas nu sin mwet kulansap oaru lom in sie aruruma in pacl meet ah, ac fahk, “Nga sang kasru nu sin sie mwet mweun pwengpeng, Nga akleumye sie su nga sulela liki inmasrlon mwet uh.
19אז דברת בחזון לחסידיך ותאמר שויתי עזר על גבור הרימותי בחור מעם׃
20Nga oru tuh David, mwet kulansap luk, elan tokosra Ke nga mosrwella ke mwe akmusra mutal.
20מצאתי דוד עבדי בשמן קדשי משחתיו׃
21Ku luk fah welul pacl e nukewa, Ac ku luk fah oru elan ku.
21אשר ידי תכון עמו אף זרועי תאמצנו׃
22Mwet lokoalok lal fah tia kutangulla, Ac mwet koluk fah tia ku facl.
22לא ישא אויב בו ובן עולה לא יעננו׃
23Nga ac fah itungya mwet lokoalok lal Ac onelosi nukewa su srungal.
23וכתותי מפניו צריו ומשנאיו אגוף׃
24Nga ac fah lungse el ac pwaye nu sel, Nga ac fah oru tuh elan ku fin mwet lokoalok lal pacl e nukewa.
24ואמונתי וחסדי עמו ובשמי תרום קרנו׃
25Nga ac fah tafwela tokosrai lal, Mutawauk Meoa Mediterranean lac nwe Infacl Euphrates.
25ושמתי בים ידו ובנהרות ימינו׃
26David el ac fah fahk nu sik, ‘Kom papa tumuk ac God luk, Kom eot ku luk ac lango luk.’
26הוא יקראני אבי אתה אלי וצור ישועתי׃
27Nga fah oayapa oru tuh elan wounse mukul nutik, El pa fulat liki tokosra nukewa.
27אף אני בכור אתנהו עליון למלכי ארץ׃
28Nga fah karingin wuleang luk nu sel, Ac wulela luk fah welul nwe tok.
28לעולם אשמור לו חסדי ובריתי נאמנת לו׃
29Tokosrai lal ac fah oakwuki ku oana kusrao. Sie sin mwet in fwil natul ac fah tokosra in pacl nukewa.
29ושמתי לעד זרעו וכסאו כימי שמים׃
30“Tusruktu, mwet in fwil natul fin tia akos ma sap luk, Ac tia moul fal nu ke oakwuk luk,
30אם יעזבו בניו תורתי ובמשפטי לא ילכון׃
31Elos fin seakos mwe luti luk Ac tia karingin ma sap luk,
31אם חקתי יחללו ומצותי לא ישמרו׃
32Na nga ac fah srunglulos ke sripen ma koluk lalos; Nga ac fah akkeokyalos ke ma sutuu lalos.
32ופקדתי בשבט פשעם ובנגעים עונם׃
33Tusruktu, lungse luk nu sel David ac fah tia tui, Oayapa nga fah tia mulkunla wulela luk nu sel.
33וחסדי לא אפיר מעמו ולא אשקר באמונתי׃
34Nga ac fah tiana kunausla wulela inmasrlok el, Ku sisla siefanna ma nga tuh wuleang nu sel.
34לא אחלל בריתי ומוצא שפתי לא אשנה׃
35“Wulela sefanna nga fah orala ke Inek: Nga fah tiana kikiap nu sel David.
35אחת נשבעתי בקדשי אם לדוד אכזב׃
36Ac fah oasr na fwil natul, Ac nga fah karingin tokosrai lal ke lusenna pacl faht uh kalem.
36זרעו לעולם יהיה וכסאו כשמש נגדי׃
37Ac fah sie ma oakwuk oana malem uh Su liye ma nukewa inkusrao me.”
37כירח יכון עולם ועד בשחק נאמן סלה׃
38Tuh pa inge kom kasrkusrak sin tokosra su kom sulela; Kom fahsr lukel ac sisella.
38ואתה זנחת ותמאס התעברת עם משיחך׃
39Kom kunausla wulela lom nu sin mwet kulansap lom Ac sisla tefuro lal nu infohk uh.
39נארתה ברית עבדך חללת לארץ נזרו׃
40Kom kunausya kalkal in siti sel Ac filiya pot ku lal in musalsalu.
40פרצת כל גדרתיו שמת מבצריו מחתה׃
41Elos nukewa su fahsr we, elos pisre ma lal, Ac mwet tulan lal nukewa elos isrunul.
41שסהו כל עברי דרך היה חרפה לשכניו׃
42Kom sang kutangla nu sin mwet lokoalok lal; Kom oru tuh elos nukewa in engan.
42הרימות ימין צריו השמחת כל אויביו׃
43Kom oru tuh in wangin sripen mwe mweun natul, Ac kom lela in kutangyukla el ke mweun uh.
43אף תשיב צור חרבו ולא הקימתו במלחמה׃
44Kom eisla scepter lal lukel Ac ikruiya tron lal nu infohk uh.
44השבת מטהרו וכסאו לארץ מגרתה׃
45Kom oru tuh elan matuoh meet liki pacl fal lal, Ac afinilya ke mwekin.
45הקצרת ימי עלומיו העטית עליו בושה סלה׃
46O LEUM GOD , ya kom fah wikinkomla nwe tok? Putaka mulat lom uh fah firir oana sie e?
46עד מה יהוה תסתר לנצח תבער כמו אש חמתך׃
47Esam lah moul luk arulana fototo, Esam lah kom orekutla, moul lasr in sukawil.
47זכר אני מה חלד על מה שוא בראת כל בני אדם׃
48Su ku in moul ac tia misa? Mea mwet uh ku in oru in kaingkunla kulyuk uh?
48מי גבר יחיה ולא יראה מות ימלט נפשו מיד שאול סלה׃
49Leum, ku pia akpwayeyen lungse lom su kom akkalemye meet ah? Pia wulela kom tuh oru nu sel David?
49איה חסדיך הראשנים אדני נשבעת לדוד באמונתך׃
50Nik kom mulkunla lah akkolukyeyuk nga, mwet kulansap lom, Ac nga muteng kas in selnga nukewa lun mwet pegan nu sik.
50זכר אדני חרפת עבדיך שאתי בחיקי כל רבים עמים׃
51Mwet lokoalok lom elos aksruksrukye tokosra su kom sulela, O LEUM GOD ! Elos akkolukyal yen nukewa el fahsr we.
51אשר חרפו אויביך יהוה אשר חרפו עקבות משיחך׃
52Kaksakin LEUM GOD nwe tok ma pahtpat! Amen! Amen!
52ברוך יהוה לעולם אמן ואמן׃
Tip: use the ← and → keys to turn chapters.