Psalm 34
Bible Mutal (Kosraean)Translation
Bible Mutal (Kosraean)
Modern Hebrew Bible
1Nga ac fah sang kulo nu sin LEUM GOD pacl e nukewa; Nga ac fah tiana tui in kaksakunul.
1לדוד בשנותו את טעמו לפני אבימלך ויגרשהו וילך אברכה את יהוה בכל עת תמיד תהלתו בפי׃
2Nga ac fah kaksakunul ke ma nukewa El orala; Lela tuh elos su pulakin keok in lohng ac in enganak!
2ביהוה תתהלל נפשי ישמעו ענוים וישמחו׃
3Kom in wiyu fahkak pwengpeng lun LEUM GOD ; Ac lela kut in tukeni kaksakin Inel!
3גדלו ליהוה אתי ונרוממה שמו יחדו׃
4Ke nga pre nu sin LEUM GOD , El topukyu; El aksukosokyeyu liki sangeng luk nukewa.
4דרשתי את יהוה וענני ומכל מגורותי הצילני׃
5Mwet su keok elos nget nu sel ac enganak; Elos ac fah tiana supwarla insialos.
5הביטו אליו ונהרו ופניהם אל יחפרו׃
6Mwet munas elos pang nu sel, ac El topkolos. El molelosla liki mwe ongoiya lalos nukewa.
6זה עני קרא ויהוה שמע ומכל צרותיו הושיעו׃
7Lipufan lun LEUM GOD karinganulos su akfulatyal Ac molelosla liki mwe fosrnga nu selos.
7חנה מלאך יהוה סביב ליראיו ויחלצם׃
8Kom in sifacna akilenak lupan woiyen LEUM GOD . Insewowo elos su konauk misla in El.
8טעמו וראו כי טוב יהוה אשרי הגבר יחסה בו׃
9Akfulatye LEUM GOD , kowos mwet lal; Elos su aksol elos eis mwe enenu lalos nukewa.
9יראו את יהוה קדשיו כי אין מחסור ליראיו׃
10Finne lion, elos ac masrinsral ke wangin mongo nalos, A elos su akos LEUM GOD , ma wo elos enenu tia ku in wangin.
10כפירים רשו ורעבו ודרשי יהוה לא יחסרו כל טוב׃
11Fahsru, mwet fusr nutik, ac porongeyu, Ac nga ac fah luti kowos in akfulatye LEUM GOD .
11לכו בנים שמעו לי יראת יהוה אלמדכם׃
12Ya kowos lungse engankin moul lowos? Ya kowos lungse moul paht ac engan?
12מי האיש החפץ חיים אהב ימים לראות טוב׃
13Na taran kowos liki kas fohkfok Ac kas kikiap.
13נצר לשונך מרע ושפתיך מדבר מרמה׃
14Forla liki ma koluk ac oru ma wo; Sang insiowos nufon in suk moul misla.
14סור מרע ועשה טוב בקש שלום ורדפהו׃
15Mutun LEUM GOD suiya mwet suwoswos, Ac sracl porongo tung lalos.
15עיני יהוה אל צדיקים ואזניו אל שועתם׃
16A El lainulos su oru ma koluk, Ke ma inge elos fin misa, ac sa na in mulkinyukla elos.
16פני יהוה בעשי רע להכרית מארץ זכרם׃
17Ke mwet suwoswos elos pang nu sin LEUM GOD , El porongalos; El molelosla liki ongoiya lalos nukewa.
17צעקו ויהוה שמע ומכל צרותם הצילם׃
18LEUM GOD El apkuran nu selos su inse musalla, Ac El molelos su wanginla finsrak la.
18קרוב יהוה לנשברי לב ואת דכאי רוח יושיע׃
19Mwet wo elos keok ke mwe ongoiya pus, Tusruktu LEUM GOD El molelos liki ma inge nukewa.
19רבות רעות צדיק ומכלם יצילנו יהוה׃
20LEUM GOD El arulana karinganulos; Tia sokofanna sri kaclos fah kaptelik.
20שמר כל עצמותיו אחת מהנה לא נשברה׃
21Ma koluk fah uniya mwet koluk; Elos su srunga mwet suwoswos ac fah kalyeiyuk.
21תמותת רשע רעה ושנאי צדיק יאשמו׃
22LEUM GOD El ac fah molela mwet lal; Elos su fahsr nu yorol in suk moul, fah karinginyuk.
22פודה יהוה נפש עבדיו ולא יאשמו כל החסים בו׃
Tip: use the ← and → keys to turn chapters.