Halelu 83
Baibala Hemolele (Hawaiian Bible, 1868 revision)
Modern Hebrew Bible
1E KE Akua e, mai noho wale oe; Mai hookuli iho, aole hoi e noho leo ole, e ke Akua.
1שיר מזמור לאסף אלהים אל דמי לך אל תחרש ואל תשקט אל׃
2No ka mea, aia hoi, ua hoohaunaelo kou poe enemi, A o ka poe inaina aku ia oe, ua hookiekie lakou i ke poo.
2כי הנה אויביך יהמיון ומשנאיך נשאו ראש׃
3Ua imi maalea lakou e ku e i kou poe kanaka, Ua kukakuka lakou e ku e i ka poe au i huna'i.
3על עמך יערימו סוד ויתיעצו על צפוניך׃
4I ae la lakou, E hele mai, e hooki kakou i ko lakou noho aupuni ana, I hoomanao hou ole ia ka inoa o ka Iseraela.
4אמרו לכו ונכחידם מגוי ולא יזכר שם ישראל עוד׃
5No ka mea, ua kukakuka lokahi pu lakou; Ua hana no lakou i berita ku e ia oe.
5כי נועצו לב יחדו עליך ברית יכרתו׃
6O ko ka halelewa o Edoma, a me ko Isemaela; O ko Moaba, a me ko Hagara;
6אהלי אדום וישמעאלים מואב והגרים׃
7O ko Gebela, a me ko Amona, a me ko Amaleka; O ko Pilisetia pu, a me ka poe e noho ma Turo;
7גבל ועמון ועמלק פלשת עם ישבי צור׃
8Ua hui pu hoi ko Asuria me lakou; O lakou ka i hooikaika i na moopuna a Lota. Sila.
8גם אשור נלוה עמם היו זרוע לבני לוט סלה׃
9E hana aku oe ia lakou, e like me ko Midiana; E like hoi me Sisera, a me Iabina, Ma ke kahawai o Kisona:
9עשה להם כמדין כסיסרא כיבין בנחל קישון׃
10Na mea i lukuia ma Enedora, A lilo lakou i kipulu no ka aina.
10נשמדו בעין דאר היו דמן לאדמה׃
11E hoohalike oe i ko lakou poe koikoi me Oreba, a me Zeeba; I ko lakou poe alii hoi, me Zeba a me Zalemuna:
11שיתמו נדיבמו כערב וכזאב וכזבח וכצלמנע כל נסיכמו׃
12Na mea i olelo, E lawe kakou no kakou iho Na wahi noho o ke Akua.
12אשר אמרו נירשה לנו את נאות אלהים׃
13E ko'u Akua e, e hoohalike oe ia lakou me ka opala, Me ke oka palaoa hoi imua o ka makani.
13אלהי שיתמו כגלגל כקש לפני רוח׃
14E like me ke ahi i hoopau i na ululaau, A me ka lapalapa ahi i hoa i na kuahiwi;
14כאש תבער יער וכלהבה תלהט הרים׃
15Pela oe e hahai ia lakou i kou ino, A e hooweliweli ia lakou i kou puahiohio.
15כן תרדפם בסערך ובסופתך תבהלם׃
16E hoopiha oe i ko lakou maka i ka hilahila; Alaila, e imi lakou i kou inoa, e Iehova.
16מלא פניהם קלון ויבקשו שמך יהוה׃
17E hoohilahilaia mai lakou, me ka hoopilikia mau loa ia; E hoohilahilaia mai lakou, a make hoi:
17יבשו ויבהלו עדי עד ויחפרו ויאבדו׃
18I ike lakou, o oe, ka mea wale no nona ka inoa o IEHOVA; O oe no ka Mea kiekie loa maluna o ka honua a pau.
18וידעו כי אתה שמך יהוה לבדך עליון על כל הארץ׃
Tip: use the ← and → keys to turn chapters.