詩篇 119
Freedom Bible (フリーダム・バイブル)Translation
Freedom Bible (フリーダム・バイブル)
Bible Mutal (Kosraean)
1その歩みが非の打ちどころなく、 主の律法に従って歩む人たちは幸いである。
1Insewowo elos su wangin mwatalos, Su moul fal nu ke ma sap lun LEUM GOD .
2主の掟を守り、 心を尽くして主を求める人たちは幸いである。
2Insewowo elos su fahsr ke ma sap lal, Su aksol ke insialos nufon.
3まことに、彼らは悪を行わず、 主の道を歩む。
3Elos tiana oru ma koluk; A elos fahsr fal nu ke ma lungse lun LEUM GOD .
4あなたはご自分の戒めを定め、 それを十分に守るよう命じられた。
4LEUM GOD , kom ase tari ma sap lom Ac kom sapkin tuh kut in arulana akos.
5ああ、私の歩みが堅く定められ、 あなたの掟を守ることができますように。
5Saok ngan ku in arulana oaru In liyaung mwe luti lom!
6私があなたのすべての戒めに目を留めるとき、 私は恥を見ることがない。
6Nga fin liyaung ma sap lom nukewa, Na nga fah tia akmwekinyeyuk.
7あなたの義にかなった裁きを学ぶとき、 私はまっすぐな心であなたに感謝する。
7Ke nga lutlut ke nununku suwoswos lom Nga fah kaksakin kom ke inse nasnas.
8私はあなたの掟を守る。 どうか私を完全に見捨てないでください。
8Nga fah akos ma sap lom; Nikmet sisyula.
9若者はどのようにして、自分の道を清く保つことができるか。 あなたの言葉に従って歩むことによって。
9Sie mwet fusr ac liyaung fuka tuh in nasnas moul lal? Pa inge: el fin akos ma sap lom.
10私は心を尽くしてあなたを求めた。 あなたの戒めから迷い出ることのないようにしてください。
10Ke insiuk nufon nga srike in kulansupwekom; Nik kom lela nga in seakos ma sap lom.
11私はあなたに対して罪を犯さないために、 あなたの言葉を心に蓄えた。
11Nga likiya ma sap lom insiuk, Tuh nga in tia orekma koluk lain kom.
12主よ、あなたはほめたたえられる方である。 あなたの掟を私に教えてください。
12Nga kaksakin kom, O LEUM GOD , Lutiyu inkanek lom.
13この唇で、 あなたの口のすべての裁きを告げ知らせた。
13Nga fah kaskaskin Ma sap nukewa ma kom oakiya.
14私はすべての富を喜ぶのと同じように、 あなたのあかしの道を喜んだ。
14Nga engan in fahsr ke ma sap lom Liki na in eis mwe kasrup yohk.
15私はあなたの戒めを思い巡らし、 あなたの道に目を留める。
15Nga lutlut ke oakwuk lom; Nga lohang nu ke mwe luti lom.
16私はあなたの掟を喜ぶ。 私はあなたの言葉を忘れない。
16Nga insewowo ke ma sap lom, Nga fah tiana mulkunla kas lom.
17あなたのしもべを良くしてください。 そうすれば、私は生き、あなたの言葉を守る。
17Nga mwet kulansap lom, kom in kulang nu sik Tuh nga fah ku in moul ac akos mwe luti lom.
18私の目を開いてください。 そうすれば、あなたの律法にある不思議なことを見ることができる。
18Ikasla mutuk tuh nga fah ku in akilen Wolana lun mwe luti pwaye lom.
19私は地上の旅人である。 あなたの戒めを私から隠さないでください。
19Nga muta fin faclu ke kitin pacl na fototo; Nikmet okanla ma sap lom likiyu.
20私の魂は、あなたの裁きを絶えず慕い求めて力尽きそうである。
20Insiuk kena ma lulap In liye nununku lom pacl e nukewa.
21あなたは、戒めから迷い出る、 呪われた高ぶる者たちを叱責された。
21Kom kai mwet filang; Elos su tia akos ma sap lom elos selngawiyuk.
22そしりと侮蔑を私から取り除いてください。 私はあなたの掟を守ってきたからだ。
22Eisla kaskou ac aksruksruk lalos likiyu, Tuh nga liyaung na ma sap lom.
23君主たちが座って私をそしっても、 あなたのしもべはあなたの掟を思い巡らす。
23Mwet leum elos tukeni ac pwapa koluk lainyu, Tusruktu nga fah lutlut ke mwe luti lom.
24あなたの掟は私の喜びであり、 私に助言を与えるものだ。
24Kas in luti lom akinsewowoyeyu Ac oana mwet kasru nu sik.
25私の魂はちりに伏している。 あなたの言葉にしたがって、私を生かしてください。
25Nga putatla nu infohk uh ke kutangyukla nga, Tukasyuyak, oana kom tuh wulela kac.
26私が自分の道を告げると、あなたは私に答えられた。 あなたの掟を私に教えてください。
26Nga fahkyuyak nu sum, ac kom topukyu; Luti nu sik inkanek lom.
27あなたの戒めの道を私に悟らせてください。 そうすれば、あなたの驚くべき御業を思い巡らす。
27Kasreyu tuh nga in kalem ke ma sap lom, Ac nga fah nunku yohk ke kas in luti wolana lom.
28私の魂は悲しみに疲れ果てている。 あなたの言葉にしたがって、私を強めてください。
28Insiuk munasla ke asor; Akkeyeyu, oana kom tuh wulela kac.
29偽りの道を私から遠ざけ、 恵みによって、あなたの律法を私に教えてください。
29Sruokyuwi liki inkanek tafongla; Ke kulang lom, luti nu sik ke ma sap lom.
30私は真実の道を選び、 あなたの裁きを私の前に置いた。
30Nga sulela tuh nga in akosten; Nga lohang nu ke nununku lom.
31私はあなたの掟にすがりつく。 主よ、私に恥を見させないでください。
31LEUM GOD nga liyaung na mwe luti lom, Nikmet lela tuh nga in akmwekinyeyuk.
32私はあなたの戒めの道を走る。 あなたが私の心を自由にしてくださるからだ。
32Nga arulana engan in akos ma sap lom, Mweyen kom ac fah akyokye etauk luk.
33主よ、あなたの掟の道を私に教えてください。 そうすれば、私は終わりまでそれを守る。
33O LEUM GOD , luti nu sik kalmen ma sap lom, Na nga fah akos in pacl e nukewa.
34私に悟りを与えてください。そうすれば、私はあなたの律法を守り、 心を尽くしてそれに従う。
34Aketeya ma sap lom nu sik, ac nga fah akos; Nga fah liyaung ke insiuk nufon.
35あなたの戒めの道を行くように、私を導いてください。 私はそれを喜んでいるからだ。
35Oru tuh nga in fahsr fal nu ke ma sap lom, Tuh nga konauk insewowo kac.
36私の心を自分の利益ではなく、 あなたの掟に向けてください。
36Oru tuh nga in lungse akos ma sap lom Yohk liki na tuh nga in kasrup.
37むなしいものを見ないように、私の目をそらし、 あなたの道において私を生かしてください。
37Furokla mutuk liki ma lusrongten; Liyeyume oana kom tuh wulela kac.
38あなたを恐れる者となるように、 しもべへの約束を果たしてください。
38Nga mwet kulansap lom, akfalye wulela lom nu sik, In oana wulela su kom oru nu selos su akos kom.
39私が恐れているそしりを取り除いてください。 あなたの裁きは良いからだ。
39Moliyula liki kaskas kou su nga sangeng kac; Fuka woiyen nununku lom!
40見よ、私はあなたの戒めを慕い求めている。 あなたの義によって私を生かしてください。
40Nga kena akos ma sap lom; Ase moul sasu nu sik, tuh kom suwoswos.
41主よ、あなたの言葉にしたがって、 あなたの慈しみと、あなたの救いが私に臨みますように。
41LEUM GOD , akkalemye lupan lungse lom nu sik, Ac moliyula oana kom wulela kac.
42そうすれば、私をそしる者に私は答えることができる。 私はあなたの言葉に信頼しているからだ。
42Na nga fah ku in topkolos su kaskas kou keik, Mweyen nga lulalfongi ke kas lom.
43真理の言葉を私の口から決して奪い去らないでください。 私はあなたの裁きを待ち望んでいるからだ。
43Oru tuh nga in ku in kaskas pwaye pacl e nukewa, Tuh finsrak luk oan in nununku lom.
44そうすれば、私は常にあなたの律法を守り、 世々限りなく守る。
44Nga ac fah liyaung ma sap lom pacl e nukewa, Nu tok ma pahtpat.
45私は自由に歩む。 私はあなたの戒めを求めたからだ。
45Nga fah muta in sukosok pwaye, Mweyen nga srike in akos kas in luti lom.
46私は王たちの前でもあなたの掟について語り、 恥を見ることはない。
46Nga fah fahkak nu sin tokosra uh ma kom sapkin, Ac nga fah tia akmwekinyeyuk.
47私が愛するあなたの戒めを、 私は喜ぶ。
47Nga pulakin insewowo ke nga akos ma sap lom, Mweyen nga arulana lungse kas lom.
48愛するあなたの戒めに両手を差し伸べ、 あなたの掟を思い巡らす。
48Nga sunakin ac lungse ma sap lom, Ac nga fah nunku yohk ke mwe luti lom.
49あなたのしもべへの言葉を思い出してください。 あなたがその言葉によって私に希望を与えてくださったからだ。
49Esam wulela lom nu sik, mwet kulansap lom, Tuh ma inge ase finsrak nu sik.
50これは苦難の中での私の慰めである。 あなたの言葉が私を生かしたからだ。
50Finne in pacl in keok luk, nga akwoyeyuk Mweyen wulela lom ase moul nu sik.
51高ぶる者たちはひどく私をあざけったが、 私はあなたの律法からそれなかった。
51Mwet filang elos aksruksrukiyu pacl nukewa, Tusruktu nga tiana fahsr liki ma sap lom.
52主よ、私はあなたの昔からの裁きを思い出し、 自らを慰めた。
52Nga esam nununku lom in pacl oemeet, Ac ma inge akwoyeyu, O LEUM GOD .
53あなたの律法を捨てる悪者たちのゆえに、 憤りが私を捕らえた。
53Ke nga liye mwet koluk ke elos lain ma sap lom, Nga arulana kasrkusrak.
54私が旅人として住む家で、 あなたの掟は私の歌となった。
54In pacl fototo luk fin faclu Nga kinala on ke sap lom.
55主よ、私は夜にあなたの御名を思い出し、 あなたの律法を守った。
55Ke fong uh nga esam kom, O LEUM GOD , Ac nga nunku ke ma sap lom.
56これこそ私の受けた恵み。 私はあなたの戒めを守っている。
56Nga pulakin insewowo Ke nga akos ma sap lom.
57主こそ私の受ける分。 私はあなたの言葉を守ると言った。
57O LEUM GOD , kom na pa nga enenu, Ac nga wulela tuh nga fah akos ma sap lom.
58私は心を尽くしてあなたの恵みを求めた。 あなたの言葉にしたがって、私をあわれんでください。
58Nga siyuk sum ke insiuk nufon Tuh kom in pakomutuk, in oana wulela lom.
59私は自分の道を振り返り、 あなたの掟に向かって歩みを変えた。
59Ke nga nunku ke ouiyen moul luk, Nga wulela nga in sifil forla ac fahsr tukun mwe luti lom.
60私はあなたの戒めを守ることを急ぎ、 遅れなかった。
60Nga sulaklak, ac tia tuptupan In akos ma kom sapkin.
61悪者の縄が私に巻きついても、 私はあなたの律法を忘れなかった。
61Mwet koluk elos filiya mwe kwasrip nu sik, Tusruktu nga tiana mulkunla ma sap lom.
62真夜中に私は起きて、あなたに感謝する。 あなたの義にかなった裁きのゆえに。
62Ke infulwen fong nga tukakek Ac kaksakin kom ke nununku suwoswos lom.
63私は、あなたを恐れるすべての者たちと、 あなたの戒めを守る者たちの友である。
63Nga mwet kawuk lun mwet nukewa su kulansupwekom, Aok, elos nukewa su akos ma sap lom.
64主よ、地はあなたの慈しみで満ちている。 あなたの掟を私に教えてください。
64LEUM GOD , faclu sessesla ke lungkulang lom; Lutiyu ke ma sap lom.
65主よ、あなたは言葉のとおりに、 しもべを良くしてくださった。
65LEUM GOD , kom oru wo nu sik, mwet kulansap lom, Fal nu ke wulela lom.
66良い判断力と知識を私に教えてください。 私はあなたの戒めを信じたからだ。
66Ase etauk ac lalmwetmet nu sik, Tuh nga lulalfongi ke sap lom.
67私は苦しめられる前は迷い出ていたが、 今はあなたの言葉を守っている。
67Meet liki kom tuh kaiyu, nga fahsr sayen ma sap lom, A inge nga akos kas lom.
68あなたは良い方であり、良いことを行われる。 あなたの掟を私に教えてください。
68Kom arulana wo ac arulana kulang! Lutiyu ke sap lom.
69高ぶる者たちは私について偽りを言い広めたが、 私は心を尽くしてあなたの戒めを守る。
69Mwet filang elos tuh fahk kas kikiap keik, Tusruktu nga akos mwe luti lom ke insiuk nufon.
70彼らの心は脂肪に覆われて鈍くなっているが、 私はあなたの律法を喜ぶ。
70Wanginna kalem lun mwet inge, A funu nga, nga insewowo ke ma sap lom.
71私が苦しめられたことは、私にとって良いことであった。 それは私があなたの掟を学ぶためであった。
71Kaiyuk lom nu sik mwe akwoyeyu, Mweyen ke sripa sac nga lutlut ke ma sap lom.
72あなたの口から出る律法は、幾千の金銀にも勝る。
72Ma sap su kom ase nu sik, yohk kalmac nu sik Liki mani nukewa fin faclu.
73あなたの御手が私を造り、形作られた。 私に悟りを与えてください。そうすれば、私はあなたの戒めを学ぶだろう。
73Kom oreyula ac karinginyu; Ase etauk nu sik tuh nga fah luti ma sap lom.
74あなたを恐れる者たちは私を見て喜ぶ。 私はあなたの言葉を待ち望んだからだ。
74Elos su akfulatye kom elos ac engan ke elos liyeyu, Mweyen nga lulalfongi ke wulela lom.
75主よ、私はあなたの裁きが正しいことと、 あなたが真実のうちに私を苦しめられたことを知っている。
75LEUM GOD , nga etu tuh nununku lom suwohs, Ac kom kaiyu mweyen kom inse pwaye.
76どうかあなたの慈しみが私の慰めとなりますように。 あなたのしもべに与えられた約束のとおりに。
76Lela lungse kawil lom in akwoyeyu, Oana kom tuh wulela nu sik, mwet kulansap lom.
77あなたのあわれみが私に臨み、私が生きることができますように。 あなたの律法は私の喜びだからだ。
77Pakomutuk, ac nga fah moul, Tuh nga insewowo ke ma sap lom.
78高ぶる者たちが恥を見ますように。彼らは理由もなく私を打ち倒したからだ。 私はあなたの戒めを思い巡らす。
78Lela mwet filang in mwekin lah elos akkolukyeyu ke kikiap; A funu nga, nga fah arulana nunku ke kas in luti lom.
79あなたを恐れる者たちが私のもとに立ち返りますように。 そうすれば、彼らはあなたの掟を知るだろう。
79Lela tuh elos su akfulatye kom in tuku nu yuruk — Elos nukewa su etu ke ma sap lom.
80私の心があなたの掟において非の打ちどころのないものとなりますように。 それは私が恥を見ないためである。
80Lela nga in akos na pwaye ma sap lom Tuh nga fah tia akmwekinyeyuk.
81私の魂はあなたの救いを慕って力尽きそうである。 私はあなたの言葉を待ち望んでいる。
81LEUM GOD , nga totola in soano molela lom nu sik; Nga filiya lulalfongi luk ke kas lom.
82私の目はあなたの言葉を慕って衰える。 私は言う。「いつあなたは私を慰めてくださるのか」と。
82Mutuk totola in tupan ma kom tuh wulela kac, Ac nga fahk, “Kom ac kasreyu ngac?”
83私は煙にさらされたぶどう酒の革袋のようになっても、 あなたの掟を忘れない。
83Nga oana sie pak in neinyuk wain ma sisila ac wanginla sripa, Tusruktu nga tiana mulkunla ma sap lom.
84あなたのしもべの日は、あとどれほどあるのだろうか。 いつあなたは私を迫害する者たちに裁きを下されるのか。
84Nga ac soano putaka? Kom ac kai mwet su akkeokyeyu ngac?
85高ぶる者たちは私のために落とし穴を掘った。 彼らはあなたの律法に従わない。
85Mwet filang su tia akos ma sap lom, Elos pukanak luf in sruokyuwi.
86あなたのすべての戒めは真実である。 彼らは理由もなく私を迫害する。 どうか私を助けてください。
86Ma sap lom nukewa fal in lulalfongiyuk; Mwet elos akkeokyeyu ke kas kikiap — kasreyu!
87彼らは私を地上からほとんど消し去りそうになったが、 私はあなたの戒めを捨てなかった。
87Elos apkuranna in uniyuwi, Tusruk nga tiana pilesrala ma sap lom.
88あなたの慈しみにしたがって、私を生かしてください。 そうすれば、私はあなたの口から出る掟を守る。
88Ke lungse kawil lom, oru wo nu sik, Tuh nga fah akos ma sap lom.
89主よ、あなたの言葉は天に永遠に堅く立っている。
89Kas lom, O LEUM GOD , oan ma pahtpat, Aok, oan ma pahtpat inkusrao.
90あなたの真実は代々にわたる。 あなたは地を堅く立てられ、地はとどまっている。
90Oaru lom oanna ke fwil nukewa; Kom tuh oakiya faclu, ac faclu srakna oan.
91あなたの定めによって、すべては今日まで立っている。 すべてのものがあなたのしもべだからである。
91Ma nukewa oanna nwe misenge ke sripen sap lom, Ac ma nukewa kulansapwekom.
92あなたの律法が私の喜びでなかったなら、 私は苦難の中で滅びていたことだろう。
92Ma sap lom funu tia ase insewowo nu sik, Nga lukun misa tari ke mwe keok nu sik.
93私は永遠にあなたの戒めを忘れない。 あなたはそれらによって私を生かしてくださったからである。
93Nga fah tiana pilesru kas in luti lom; Tuh ke ma inge kom moliyula.
94私はあなたのものだ。私を救ってください。 私はあなたの戒めを求めたからだ。
94Nga ma lom — moliyula! Nga srike na in akos ma sap lom.
95悪者たちは私を滅ぼそうと待ち構えているが、 私はあなたの掟を思い巡らす。
95Mwet koluk elos soano in uniyuwi, Tusruktu nga fah arulana nunku ke ma sap lom.
96どれほど完全なものにも限界があるのを見たが、 あなたの戒めは計り知れなく広い。
96Nga etu tari lah oasr saflaiyen ma nukewa; Tusruktu ma sap lom wangin saflaiya.
97私はあなたの律法をどれほど愛していることだろう。 それは一日中、私の思い巡らすものである。
97Arulana yohk lungse luk ke ma sap lom! Nga nunku kac ke len nufon.
98あなたの戒めは、私を敵よりも賢くする。 それらがいつも私と共にあるからだ。
98Ma sap lom wiyu pacl e nukewa Ac oru nga lalmwetmet liki mwet lokoalok luk.
99私はすべての教師たちよりも悟りがある。 あなたのあかしが私の思い巡らすものだからである。
99Nga kalem kac yohk liki mwet luti luk nukewa, Mweyen nga arulana nunku ke kas in luti lom.
100私は年長者たちよりも理解している。 私はあなたの戒めを守っているからである。
100Yohk lalmwetmet luk liki mwet matu, Mweyen nga akos ma sap lom.
101私はあなたの言葉を守るために、 あらゆる悪の道から私の足を引き止めた。
101Nga taranyu liki orekma koluk nukewa, Mweyen nga lungse akos kas lom.
102私はあなたの裁きからそれなかった。 あなたが私を教えられたからである。
102Nga tiana pilesrala kas in luti lom, Mweyen kom na pa lutiyu.
103あなたのみことばは、私の口になんと甘いことか。 そうだ、私の口には蜜よりも甘い。
103Kas in luti lom arulana emwem, Aok, emwem liki na honey nu ke oalik!
104あなたの戒めによって私は悟りを得る。 それゆえ、私はすべての偽りの道を憎む。
104Nga eis lalmwetmet ke ma sap lom, Ke ma inge nga srunga inkanek koluk nukewa.
105あなたの言葉は私の足のともしび、 私の道の光である。
105Kas lom lam nu ke niuk Ac kalem nu ke inkanek luk.
106私はあなたの義にかなった裁きを守ると誓い、 それを確かなものとした。
106Nga orala sie wulela na ku Tuh nga in akos kas in luti suwoswos lom.
107私は大いに苦しんでいる。 主よ、あなたの言葉にしたがって、私を生かしてください。
107LEUM GOD , pwayena lah mwe keok luk arulana upa; Sruokya moul luk, oana ke kom wulela.
108主よ、この口から進んでささげる賛美を受け入れ、 あなたの裁きを私に教えてください。
108Eis pre in sang kulo luk, O LEUM GOD , Ac lutiyu ke ma sap lom.
109私の命はいつもこの手にあるが、 私はあなたの律法を忘れない。
109Nga akola pacl nukewa in pilesrala moul luk, Tuh nga tiana mulkunla ma sap lom.
110悪者たちは私のために罠を仕掛けたが、 私はあなたの戒めから迷い出なかった。
110Mwet koluk elos filiya mwe kwasrip nu sik, Tuh nga tiana pilesrala ma sap lom.
111私はあなたのあかしを永遠に受け継ぐものとした。 それらは私の心の喜びだからである。
111Ma sap lom mwe usru luk nwe tok, Aok, mwe engan lun insiuk.
112私は終わりまで、永遠に、 あなたの掟を行うことに心を定めた。
112Nga sulela tari tuh nga in akos ma sap lom Nwe ke na nga misa.
113私は二心を持つ者たちを憎み、 あなたの律法を愛する。
113Nga srungalos su tia inse pwaye nu sum, A nga lungse ma sap lom.
114あなたは私の隠れ場であり、私の盾である。 私はあなたの言葉を待ち望む。
114Kom nien wikla luk ac lango luk; Nga filiya finsrak luk in wuleang lom.
115悪を行う者たちよ、私から離れ去れ。 私はわが神の戒めを守る。
115Mwet koluk, kowos fahla likiyu. Nga ac fah akos ma sap lun God luk.
116あなたの言葉にしたがって私を支え、私が生きるようにしてください。 私の望みを裏切らないでください。
116Akkeyeyu, oana kom wulela, ac nga fah moul; Nikmet lela tuh nga in toasrla ke sripen tia sun mwe finsrak luk!
117私を支えてください。そうすれば私は安全であり、 常にあなたの掟に目を留める。
117Sruokyuwi tuh nga fah tu na ku, Ac nga fah lohang nu ke ma sap lom pacl e nukewa.
118あなたは、あなたの掟から迷い出るすべての者を拒まれる。 彼らの欺きはむなしいからである。
118Kom ngetla liki mwet nukewa su seakos ma sap lom; Pwapa kutasrik lalos wangin sripa.
119あなたは地のすべての悪者を金属のかすのように取り除かれる。 それゆえ、私はあなたのあかしを愛する。
119Kom oru mwet koluk nukewa oana kutkut, Ke ma inge nga lungse kas in luti lom.
120私の肉体はあなたへの恐れで震え、 私はあなたの裁きを恐れる。
120Ke sripom nga sangeng; Nga arulana sangeng ke sripen nununku lom.
121私は公正と義を行った。 私を虐げる者たちに私を委ねないでください。
121Nga oru ma suwohs ac pwaye; Nikmet filiyula nu inpoun mwet lokoalok luk.
122あなたのしもべの幸いを請け負ってください。 高ぶる者たちが私を虐げないようにしてください。
122Wulela nu sik lah kom ac kasru mwet kulansap lom; Nikmet lela mwet inse fulat in akkeokyeyu.
123私の目はあなたの救いと、 あなたの義の言葉を慕って衰える。
123Mutuk totola in soano molela lom nu sik Su kom tuh wulela kac.
124あなたの慈しみにしたがって、しもべを扱い、 あなたの掟を私に教えてください。
124Oru nu sik fal nu ke lungse kawil lom, Ac luti nu sik sap ku lom.
125私はあなたのしもべである。私に悟りを与えてください。 そうすれば、私はあなたのあかしを知るだろう。
125Nga mwet kulansap lom; ase etauk nu sik Tuh nga fah etu kas in luti lom.
126今は主が行動される時である。 彼らはあなたの律法を破ったからである。
126LEUM GOD , pacl fal kom in kai mwet uh, Mweyen elos seakos ma sap lom.
127それゆえ、私は金よりも、そうだ、純金よりも、 あなたの戒めを愛する。
127Nga lungse ma sap lom yohk liki gold, Yohk liki gold ma arulana nasnas.
128それゆえ、私はあなたのすべての戒めを正しいと認め、 あらゆる偽りの道を憎む。
128Ke ma inge nga fahsr ke inkanek in luti lom nukewa; Ac nga srunga inkanek sutuu nukewa.
129あなたのあかしは驚くべきものである。 それゆえ、私の魂はそれを守る。
129Kas in luti lom wolana; Nga akos ke insiuk nufon.
130あなたの言葉が開かれると光を放ち、 わきまえのない者たちに悟りを与える。
130Aketeyen mwe luti lom ase kalem, Ac sang etauk nu sin mwet nikin.
131私は口を大きく開けてあえいだ。 私はあなたの戒めを慕い求めたからである。
131In kena luk nu ke sap ku lom Nga mangelik na ke malak luk.
132御名を愛する者にいつもなさるように、 私に御顔を向け、あわれんでください。
132Forma nu sik ac pakomutuk, Oana kom oru nu selos nukewa su lungse kom.
133あなたの言葉によって私の歩みを堅くし、 どんな不義も私を支配しないようにしてください。
133Sruokyuwi nga in tia ikori, fal nu ke wulela lom, Ac tia lela tuh ma koluk in kutangyula.
134人の虐げから私を贖い出してください。 そうすれば、私はあなたの戒めを守る。
134Moliyula liki mwet su akkeokyeyu, Tuh nga fah akos sap lom.
135あなたの御顔をあなたのしもべの上に光り輝かせ、 あなたの掟を私に教えてください。
135Kom in akinsewowoyeyu ke kalem lun motom, Ac lutiyu ke oakwuk lom.
136涙の川が私の目から流れる。 彼らがあなたの律法を守らないからである。
136Sroninmutuk sororla oana soko infacl Mweyen mwet uh elos tia akos ma sap lom.
137主よ、あなたは義にかなっており、 あなたの裁きはまっすぐである。
137LEUM GOD , kom suwoswos, Ac ma sap lom suwosna.
138あなたは義をもって掟を命じられ、 それらはまことに真実である。
138Oakwuk ma kom ase tari Arulana fal ac suwohs.
139あなたへの熱情が私を食い尽くす。 私の敵があなたの言葉を忘れたからである。
139Kasrkusrak luk tayak in nga oana sie e, Mweyen mwet lokoalok luk elos tia akilen ma sap lom.
140あなたの約束は十分に試されており、 それゆえ、あなたのしもべはそれを愛する。
140Wulela lom pwayena! Nga arulana lungse!
141私は小さく、軽蔑されているが、 私はあなたの戒めを忘れない。
141Nga mwet lusrongten, ac kwaseyuk nga, Tusruktu nga tia pilesru kas in luti lom.
142あなたの義は永遠の義であり、 あなたの律法は真理である。
142Suwoswos lom ac fah oan ma pahtpat, Ac ma sap lom pwaye pacl e nukewa.
143苦難と苦悩が私に降りかかったが、 あなたの戒めは私の喜びである。
143Nga arulana keok ac fosrnga, Tusruktu ma sap lom akinsewowoyeyu.
144あなたのあかしは永遠に正しい。 私に悟りを与えてください。そうすれば私は生きるだろう。
144Kas in luti lom suwosna in pacl e nukewa; Ase nu sik etauk ac nga fah moul.
145私は心を尽くして呼び求める。 主よ、私に答えてください。 私はあなたの掟を守る。
145Nga pang nu sum ke insiuk nufon. Topukyu, O LEUM GOD , ac nga fah akos ma sap lom.
146私はあなたを呼び求めた。私を救ってください。 私はあなたの掟を守る。
146Nga pang nu sum, Moliyula, ac nga fah liyaung ma sap lom.
147私は夜明け前に起きて、助けを求めて叫んだ。 私はあなたの言葉を待ち望んだ。
147Meet liki lenelik nga pang nu sum in kasreyu; Nga filiya finsrak luk in wulela lom.
148夜の見張りの間も、私の目は開いている。 それはあなたの言葉を思い巡らすためである。
148In fong nufon se nga oanna ngetnget, Ac nunku yohk ke kas in luti lom.
149あなたの慈しみにしたがって私の声を聞いてください。 主よ、あなたの裁きにしたがって私を生かしてください。
149Lohngyu, O LEUM GOD , ke sripen lungse lom kawil; Pakomutuk ac moliyula.
150悪を追い求める者たちが近づいて来る。 彼らはあなたの律法から遠く離れている。
150Mwet su akkeokyeyu elos apkuranme, Aok, elos su tiana karinganang ma sap lom.
151主よ、あなたは近くにおられ、 あなたのすべての戒めは真理である。
151Tusruk kom apkuran nu yuruk, LEUM GOD , Ac ma sap lom nukewa oanna nwe tok.
152昔から、私はあなたのあかしについて知っている。 あなたがそれを永遠に堅く立てられたことを。
152In pacl loeloes somla nga lutlut ke mwe luti lom, Tuh kom oakiya in oan ma pahtpat.
153私の苦難を見て、私を救い出してください。 私はあなたの律法を忘れていないからだ。
153Liye keok luk, ac moliyula, Mweyen nga tiana pilesru ma sap lom.
154私の言い分を弁護し、私を贖い出してください。 あなたの約束にしたがって、私を生かしてください。
154Loangeyu ac aksukosokyeyu; Moliyula, oana kom tuh wulela.
155救いは悪者たちから遠く離れている。 彼らはあなたの掟を求めないからである。
155Mwet koluk ac fah tia moliyukla, Mweyen elos tia akos ma sap lom.
156主よ、あなたのあわれみは大いなるものである。 あなたの裁きにしたがって、私を生かしてください。
156A pakoten lom yoklana, LEUM GOD . Akkalemye pakoten lom ac moliyula.
157私を迫害する者たちと敵は多いが、 私はあなたのあかしからそれていない。
157Pus mwet lokoalok luk ac mwet kalyeiyu, Tusruktu nga tiana mulkunla in akos ma sap lom.
158私は裏切り者たちを見て嫌悪した。 彼らがあなたの言葉を守らないからである。
158Ke nga liye mwet kutasrik inge, nga arulana toasr selos, Mweyen elos tia liyaung sap lom.
159私がどれほどあなたの戒めを愛しているかを見てください。 主よ、あなたの慈しみにしたがって私を生かしてください。
159LEUM GOD , liye lupan lungse luk nu ke kas in luti lom. Lungse lom uh tiana ekyek, ke ma inge moliyula!
160あなたの言葉のすべては真理であり、 あなたの義にかなった一つ一つの裁きは永遠に続く。
160Kas nukewa in ma sap lom arulana pwaye, Ac nununku suwoswos nukewa lom oan ma pahtpat.
161君主たちは理由もなく私を迫害したが、 私の心はあなたの言葉を畏れている。
161Mwet leum elos kalyeiyu ke wangin mwetik, Tusruktu nga akfulatye ma sap lom.
162大いなる獲物を見つけた者のように、 私はあなたの言葉を喜ぶ。
162Nga arulana engan ke wuleang lom Oana sie mwet su konauk mwe kasrup yohk lal.
163私は偽りを憎み、忌み嫌うが、 あなたの律法を愛する。
163Nga srunga ac kwase ma kikiap nukewa, A nga lungse ma sap lom.
164あなたの義にかなった裁きのゆえに、 私は一日に七度、あなたを賛美する。
164Pacl itkosr in len se nga fahkak kulo luk nu sum, Ke sripen nununku suwohs lom.
165あなたの律法を愛する者たちには豊かな平和があり、 彼らをつまずかせるものは何もない。
165Elos su lungse ma sap lom elos muta in misla wo, Ac wangin kutena ma ac fah aktukulkulyelos.
166主よ、私はあなたの救いを待ち望み、 あなたの戒めを行った。
166LEUM GOD , nga soano kom in moliyula, Ac nga oru ma kom sapkin.
167私の魂はあなたのあかしを守り、 私はそれを大いに愛する。
167Nga akos kas in luti lom, Ac lungse ma inge ke insiuk nufon.
168私はあなたの戒めとあなたのあかしを守った。 私のすべての道はあなたの御前にあるからである。
168Nga akos ma sap lom ac mwe luti lom; Kom liye ma nukewa nga oru.
169主よ、私の叫びがあなたの御前に届きますように。 あなたの言葉にしたがって、私に悟りを与えてください。
169Lela pusren pang luk nu sum in sun kom, LEUM GOD ! Ase etauk nu sik, oana kom tuh wulela.
170私の願いがあなたの御前に届きますように。 あなたの言葉にしたがって、私を救い出してください。
170Porongo pre luk, Ac moliyula, fal nu ke wulela lom!
171私の唇から賛美があふれますように。 あなたが掟を教えてくださるからだ。
171Nga fah kaksakin kom pacl e nukewa, Mweyen kom lutiyu ke ma sap lom.
172私の舌にあなたの言葉を歌わせてください。 あなたのすべての戒めは義だからだ。
172Nga fah onkakin ma sap lom, Mweyen ma sap lom suwohs.
173あなたの手が私を助けますように。 私はあなたの戒めを選んだからだ。
173Akola pacl nukewa in kasreyu, Tuh nga sulela in fahsr tukun ma sap lom.
174主よ、私はあなたの救いを慕い求め、 あなたの律法は私の喜びである。
174O LEUM GOD , nga kena eis kasru sum in moliyula. Nga konauk engan in ma sap lom.
175私の魂を生かしてください。そうすれば、私はあなたを賛美する。 あなたの裁きが私を助けますように。
175Lela nga in moul, tuh nga fah ku in kaksakin kom; Lela tuh mwe luti lom in kasreyu.
176私は失われた羊のように迷い出た。あなたのしもべを探し求めてください。 私はあなたの戒めを忘れないからだ。
176Nga nikinyula in fufahsryesr luk oana soko sheep tuhlac; Ke ma inge fahsru ac sukyu, mwet kulansap lom, Mweyen nga tiana pilesru ma sap lom.
Tip: use the ← and → keys to turn chapters.