Halelu 107
Baibala Hemolele (Hawaiian Bible, 1868 revision)
JPS Tanakh (Jewish Publication Society, 1917)
1E MILILANI aku ia Iehova, no ka mea, ua maikai ia; Ua mau loa no hoi kona lokomaikai.
1BOOK V 'O give thanks unto the LORD, for He is good, for His mercy endureth for ever.'
2E olelo mai no ka poe i hoolapanaiia e Iehova, Ka poe hoi ana i hoolapanai ai, mai ka lima mai o ka enemi.
2So let the redeemed of the LORD say, whom He hath redeemed from the hand of the adversary;
3No ka mea, ua hooili mai oia ia lakou mai na aina mai, Mai ka hikina, a me ke komohana mai, E mai ke kukulu akau, a mai ke kai mai.
3And gathered them out of the lands, from the east and from the west, from the north and from the sea.
4Kuewa wale lakou ma ka waonahele, Ma ke ala waoakua hoi; Aole i loaa ia lakou ke kulanakauhale kahi e noho ai.
4They wandered in the wilderness in a desert way; they found no city of habitation.
5Pololi iho la lakou, a makewai hoi, A maule ko lakou uhane iloko o lakou.
5Hungry and thirsty, their soul fainted in them.
6Alaila, kahea aku lakou ia Iehova iloko o ko lakou pilikia, A hoopakele mai oia ia lakou i ko lakou popilikia ana.
6Then they cried unto the LORD in their trouble, and He delivered them out of their distresses.
7Alakai mai la oia ia lakou ma ke ala pono, I hiki ai lakou i ke kulanakauhale, kahi e noho ai.
7And He led them by a straight way, that they might go to a city of habitation.
8E mililani aku na kanaka ia Iehova no kona lokomaikai, A no kana mau hana kupanaha i na keiki a kanaka!
8Let them give thanks unto the LORD for His mercy, and for His wonderful works to the children of men!
9No ka mea, nana no i hookena i ka uhane makewai, A nana hoi i hoomaona i ka uhane pololi i ka maikai.
9For He hath satisfied the longing soul, and the hungry soul He hath filled with good.
10O ka poe i noho ma ka pouli, ma ka malu hoi o ka make, A paa no hoi i ka popilikia a me ka hao;
10Such as sat in darkness and in the shadow of death, being bound in affliction and iron —
11No ka mea, ua kipi lakou i na olelo a ke Akua, A ua hoowahawaha i ke ao ana mai o ka Mea kiekie;
11Because they rebelled against the words of God, and contemned the counsel of the Most High.
12Alaila hookulou oia i ko lakou naau i ka luhi, Hina iho la lakou ilalo, aohe mea nana e kokua.
12Therefore He humbled their heart with travail, they stumbled, and there was none to help —
13Alaila, hea aku lakou ia Iehova i ko lakou pilikia ana, A hoola mai oia ia lakou i ko lakou popilikia ana.
13They cried unto the LORD in their trouble, and He saved them out of their distresses.
14Hoopuka mai la oia ia lakou mailoko mai o ka pouli a me ka malu o ka make, A uhai hoi i ko lakou mea i paa ai.
14He brought them out of darkness and the shadow of death, and broke their bands in sunder.
15E hoalohaloha aku na kanaka ia Iehova, no kona lokomaikai, A no kana mau hana kupanaha i na keiki a kanaka!
15Let them give thanks unto the LORD for His mercy, and for His wonderful works to the children of men!
16No ka mea, ua wawahi oia i na pani keleawe o na pukapa A ua uhai no hoi oia i na kaola kipuka hao.
16For He hath broken the gates of brass, and cut the bars of iron in sunder.
17O ka poe i lalau ma ka aoao o ka poe hewa, A me ka lawehala, ua hoopilikiaia lakou.
17Crazed because of the way of their transgression, and afflicted because of their iniquities —
18Hoopailua no ko lakou uhane i na mea ai a pau; A hookokoke no lakou i na pukapa o ka make.
18Their soul abhorred all manner of food, and they drew near unto the gates of death —
19Alaila, hea aku no lakou ia Iehova i ko lakou pilikia ana, A hoola mai no oia ia lakou i ko lakou popilikia.
19They cried unto the LORD in their trouble, and He saved them out of their distresses;
20Haawi mai la oia i kana olelo, a hoala iho la ia lakou, A hoopakele no hoi ia lakou, mai ko lakou lua aku.
20He sent His word, and healed them, and delivered them from their graves.
21E hoalohaloha aku na kanaka ia Iehova no kona lokomaikai, A no kana mau hana kupanaha i na keiki a kanaka!
21Let them give thanks unto the LORD for His mercy, and for His wonderful works to the children of men!
22E mohai aku no hoi lakou i ka mohai o ke aloha, A e hoike aku i kana mau hana me ka hauoli.
22And let them offer the sacrifices of thanksgiving, and declare His works with singing.
23O ka poe iho ilalo i ka moana, ma na moku, A hana i ka hana ma na moana nui;
23They that go down to the sea in ships, that do business in great waters —
24Ua ike no keia poe i na hana o Iehova, A mo kana mau mea kupanaha ma ka hohonu.
24These saw the works of the LORD, and His wonders in the deep;
25No ka mea, olelo wale mai oia, a hoala i ka makani kupikipikio, A piipii aku la na ale.
25For He commanded, and raised the stormy wind, which lifted up the waves thereof;
26Pii aku la lakou i ka lani, a iho ilalo i ka hohonu: A hehee ko lakou uhane i ka ino.
26They mounted up to the heaven, they went down to the deeps; their soul melted away because of trouble;
27Hikaka lakou i o, a ia nei, a kunewanewa hoi e like me ke kanaka ona, A pau wale aku no ko lakou akamai.
27They reeled to and fro, and staggered like a drunken man, and all their wisdom was swallowed up —
28Alaila, hea aku lakou ia Iehova i ko lakou pilikia ana, A hoopakele mai oia ia lakou, mailoko mai o ko lakou popilikia.
28They cried unto the LORD in their trouble, and He brought them out of their distresses.
29Hoolilo no oia i ka ino i pohu, A malie loa iho la na ale.
29He made the storm a calm, so that the waves thereof were still.
30Alaila, lealea lakou, no ka mea, ua malie; A hoopae no oia ia lakou ma ke awa a lakou e makemake ai.
30Then were they glad because they were quiet, and He led them unto their desired haven.
31E mililani aku na kanaka ia Iehova no kona lokomaikai, A no kana mau hana kupanaha i na keiki a kanaka!
31Let them give thanks unto the LORD for His mercy, and for His wonderful works to the children of men!
32E hapai no hoi ia ia ma ka ahakanaka, A e halelu aku ia ia ma ke anaina o ka poe kahiko.
32Let them exalt Him also in the assembly of the people, and praise Him in the seat of the elders.
33Hoolilo no oia i na muliwai i waonahele, A me na waipuna i aina maloo;
33He turneth rivers into a wilderness, and watersprings into a thirsty ground;
34A me ka aina hua nui, i aina hua ole, No ka hewa o ka poe e noho ana malaila.
34A fruitful land into a salt waste, for the wickedness of them that dwell therein.
35A hoolilo no hoi oia i ka waonahele, i wai lana, A me ka aina maloo hoi i wai puna.
35He turneth a wilderness into a pool of water, and a dry land into watersprings.
36Malaila no oia e hoonoho ai i ka poe pololi, A hoomakaukau no hoi lakou i kulanakauhale, kahi e noho ai;
36And there He maketh the hungry to dwell, and they establish a city of habitation;
37A lulu no hoi lakou ma na mahinaai, A kauu iho no i na mala waina, A haawiia mai ka hua i hoohuaia'i.
37And sow fields, and plant vineyards, which yield fruits of increase.
38Hoomaikai mai la oia ia lakou, a kawowo nui ae la; Aole ia i hoemi i ka lakou poe holoholona.
38He blesseth them also, so that they are multiplied greatly, and suffereth not their cattle to decrease.
39A mahope, hooemiia lakou, a hoohaahania no hoi, No ka hookaumahaia, a me ka hewa, a me ka pilikia.
39Again, they are minished and dwindle away through oppression of evil and sorrow.
40Ninini mai oia i ka hoomaau maluna o na'lii, A alakai no hoi oia ia lakou ma kahi mehameha, ala ole.
40He poureth contempt upon princes, and causeth them to wander in the waste, where there is no way.
41Hookiekie nae oia i ka poe hune mailoko aku o ka pilikia, A hoolilo i kona mau ohana, me he ohana hipa la.
41Yet setteth He the needy on high from affliction, and maketh his families like a flock.
42E ike aku no ka poe pono, a e lealea lakou; A e paa no ka nuku o ka hewa a pau.
42The upright see it, and are glad; and all iniquity stoppeth her mouth.
43Owai la ka mea akamai, a malama i keia mau mea! O lakou ka i hoomaopopo i ka lokomaikai o Iehova.
43Whoso is wise, let him observe these things, and let them consider the mercies of the LORD.
Tip: use the ← and → keys to turn chapters.