Halelu 145
Baibala Hemolele (Hawaiian Bible, 1868 revision)
JPS Tanakh (Jewish Publication Society, 1917)
1E HIILANI aku no au ia oe, e ko'u Akua, e ke Alii, E hoomaikai aku no wau i kou inoa, A hiki a kau, a mau loa aku no.
1A Psalm of praise; of David. I will extol Thee, my God, O King; and I will bless Thy name for ever and ever.
2I na la a pau, e hoomaikai aku no au ia oe; A e halelu aku i kou inoa, A hiki a kau, a mau loa aku no.
2Every day will I bless Thee; and I will praise Thy name for ever and ever.
3He nui no o Iehova, a ua pono ke halelu nui ia'ku oia; Aole e pau kona nui i ka ikeia ma ka huli ana.
3Great is the LORD, and highly to be praised; and His greatness is unsearchable.
4E hookaulana aku kekahi hanauna i kau mau hana a i kekahi hanauna, A e hoike aku hoi i kou mau mea nui.
4One generation shall laud Thy works to another, and shall declare Thy mighty acts.
5E hoike aku no wau i ka nani ihiihi o kou hanohano, A me na mea o kau mau hana kupanaha.
5The glorious splendour of Thy majesty, and Thy wondrous works, will I rehearse.
6E hai aku no hoi lakou i ka mana o kau mau hana weliweli; A e hoike aku no wau i kou nui.
6And men shall speak of the might of Thy tremendous acts; and I will tell of Thy greatness.
7E hoikeike no lakou i ka hoomanao i kou maikai nui, A e hauoli no lakou i kou pono.
7They shall utter the fame of Thy great goodness, and shall sing of Thy righteousness.
8He aloha, a he lokomaikai o Iehova; He lohi ma ka huhu, a nui wale hoi kona aloha.
8The LORD is gracious, and full of compassion; slow to anger, and of great mercy.
9He maikai no o Iehova i na mea a pau; A aia hoi kona lokomaikai maluna o kana mau hana a pau.
9The LORD is good to all; and His tender mercies are over all His works.
10E mililani aku kau mau hana a pau ia oe, e Iehova, A e hoomaikai aku kou poe haipule ia oe.
10All Thy works shall praise Thee, O LORD; and Thy saints shall bless Thee.
11E olelo no lakou i ka nani o kou aupuni, A e kamailio no hoi i kou mana;
11They shall speak of the glory of Thy kingdom, and talk of Thy might;
12E hoikeike aku i kona mau mea nui i na keiki a kanaka, A me ka nani hanohano o kona aupuni.
12To make known to the sons of men His mighty acts, and the glory of the majesty of His kingdom.
13He aupuni mau loa no kou aupuni, A ua mau hoi kou alii ana, a i na hanauna a pau.
13Thy kingdom is a kingdom for all ages, and Thy dominion endureth throughout all generations.
14Ua kokua no o Iehova i ka poe hina a pau, A hoala mai no hoi oia i ka poe a pau i kulou ilalo.
14The LORD upholdeth all that fall, and raiseth up all those that are bowed down.
15Kakali no na maka o na mea a pau ia oe, A haawi mai oe i ka lakou ai i ka wa pono.
15The eyes of all wait for Thee, and Thou givest them their food in due season.
16Hohola aku oe i kou poholima, A hoomaona mai i ka makemake o na mea ola a pau.
16Thou openest Thy hand, and satisfiest every living thing with favour.
17He pono no o Iehova i kona mau aoao a pau, A ua lokomaikai hoi ma na hana ana a pau.
17The LORD is righteous in all His ways, and gracious in all His works.
18Ua kokoke mai o Iehova i ka poe a pau e kahea aku ia ia, I ka poe hoi i kahea aku ia ia ma ka oiaio.
18The LORD is nigh unto all them that call upon Him, to all that call upon Him in truth.
19E hana mai no o Iehova i ka makemake o ka poe i makau aku ia ia, E hoolohe mai no hoi oia i ka lakou pule a e hoola ia lakou.
19He will fulfil the desire of them that fear Him; He also will hear their cry, and will save them.
20Malama mai no o Iehova i ka poe a pau i aloha aku ia ia; Aka, e luku mai no oia i ka poe hewa a pau.
20The LORD preserveth all them that love Him; but all the wicked will He destroy.
21E hai aku no ko'u waha i na halelu o Iehova; A e hoomaikai aku hoi na mea ola a pau i kona inoa hoano, A hiki a kau, a mau loa aku no.
21My mouth shall speak the praise of the LORD; and let all flesh bless His holy name for ever and ever.
Tip: use the ← and → keys to turn chapters.