Halelu 9
Baibala Hemolele (Hawaiian Bible, 1868 revision)
JPS Tanakh (Jewish Publication Society, 1917)
1E HOONANI aku au ia oe, e Iehova, me ko'u naau a pau; E heluhelu aku au i kau mau hana kupaianaha a pau.
1(9-1) For the Leader; upon Muthlabben. A Psalm of David. (9-2) I will give thanks unto the LORD with my whole heart; I will tell of all Thy marvellous works.
2E olioli no au, a e hauoli no hoi ia oe: E hoolea aku hoi au i kou inoa, e ke Mea Kiekie loa.
2(9-3) I will be glad and exult in Thee; I will sing praise to Thy name, O Most High:
3I ka hoi hope ana o ko'u poe enemi, E haule no lakou a make ma kou alo.
3(9-4) When mine enemies are turned back, they stumble and perish at Thy presence;
4Ua hoopono mai oe ia'u, ua hooko mai oe i ko'u, Ua noho oe ma ka nohoalii e hoopai pololei ana.
4(9-5) For Thou hast maintained my right and my cause; Thou sattest upon the throne as the righteous Judge.
5Ua papa oe i na lahuikanaka e; Ua luku iho no hoi oe i ka poe hewa; Ua hokai mau loa oe i ko lakou inoa i ka wa pau ole.
5(9-6) Thou hast rebuked the nations, Thou hast destroyed the wicked, Thou hast blotted out their name for ever and ever.
6A o ka enemi, ua pau ia i ka make mau loa; Ua pau ua kulanakauhale ia oe i ka lukuia; Ua lilo hoi ko lakou kaulana i ka make.
6(9-7) O thou enemy, the waste places are come to an end for ever; and the cities which thou didst uproot, their very memorial is perished.
7Aka, o mau loa ana no o Iehova: Ua hoomakaukau oia i kona nohoalii no ka hookolokolo ana.
7(9-8) But the LORD is enthroned for ever; He hath established His throne for judgment.
8E hookolokolo mai no ia i ko ke ao nei ma ka pono; E hoopai mai no ia i kanaka me ka ewaewa ole.
8(9-9) And He will judge the world in righteousness, He will minister judgment to the peoples with equity.
9E lilo ana no o Iehova i puuhonua no ka poe i hooluhihewaia, I mea e pakele ai i ka manawa popilikia.
9(9-10) The LORD also will be a high tower for the oppressed, a high tower in times of trouble;
10O ka poe i ike i kou inoa e hilinai aku lakou ia oe; O ka poe i imi aku ia oe, aole oe, e Iehova, i haalele ia lakou.
10(9-11) And they that know Thy name will put their trust in Thee; for thou, LORD, hast not forsaken them that seek Thee.
11E hoolea aku ia Iehova i ka mea e noho ana ma Ziona: E hai aku iwaena o na kanaka i kana mau hana.
11(9-12) Sing praises to the LORD, who dwelleth in Zion; declare among the peoples His doings.
12A i imi mai oia i ke koko e hoopai mai, E manao mai no ia ia lakou; Aole oia i hoopoina i ka ulono ana a ka poe haahaa.
12(9-13) For He that avengeth blood hath remembered them; He hath not forgotten the cry of the humble.
13E aloha mai oe ia'u, e Iehova; E manao oe i ka hoino ana mai o ka poe inaina mai ia'u, O oe ka mea nana i hoala au mai ka puka mai o ka make;
13(9-14) Be gracious unto me, O LORD, behold mine affliction at the hands of them that hate me; Thou that liftest me up from the gates of death;
14I hoike aku au i kou nani a pau, Ma na pukapahale o ke kaikamahine a Ziona; E hauoli no hoi au i kou ola.
14(9-15) That I may tell of all Thy praise in the gates of the daughter of Zion, that I may rejoice in Thy salvation.
15Ua poho ilalo ko na aina e i ka lua a lakou i hana'i, I ka upena a lakou i huna ai i hei ai ko lakou wawae.
15(9-16) The nations are sunk down in the pit that they made; in the net which they hid is their own foot taken.
16Ua ikea o Iehova, ua hana mai ia i ka pono; Ua punihei ka mea kolohe i ka hana a kona mau lima iho. Hikaiona. Sila.
16(9-17) The LORD hath made Himself known, He hath executed judgment, the wicked is snared in the work of his own hands. Higgaion. Selah
17E auhulihia ka poe hewa ilalo i ka malu o ka make, A me na lahuikanaka a pau i hoopoina i ke Akua.
17(9-18) The wicked shall return to the nether-world, even all the nations that forget God.
18Aka, aole e hoopoina mau ia mai ka poe i hooluhiia, A o ka manaolana o ka ilihune aole loa ia e hoka.
18(9-19) For the needy shall not alway be forgotten, nor the expectation of the poor perish for ever.
19E ku ae oe, e Iehova; mai lanakila kanaka; E hookolokoloia mai na lahuikanaka imua o kou alo.
19(9-20) Arise, O LORD, let not man prevail; let the nations be judged in Thy sight.
20E hooweliweli mai oe ia lakou, e Iehova: I ike pono ko na aina, he mau kanaka wale no lakou. Sila.
20(9-21) Set terror over them, O LORD; let the nations know they are but men. Selah
Tip: use the ← and → keys to turn chapters.