Halelu 107
Baibala Hemolele (Hawaiian Bible, 1868 revision)
World English Bible
1E MILILANI aku ia Iehova, no ka mea, ua maikai ia; Ua mau loa no hoi kona lokomaikai.
1Give thanks to the LORD, for he is good, for his loving kindness endures forever.
2E olelo mai no ka poe i hoolapanaiia e Iehova, Ka poe hoi ana i hoolapanai ai, mai ka lima mai o ka enemi.
2Let the redeemed by the LORD say so, whom he has redeemed from the hand of the adversary,
3No ka mea, ua hooili mai oia ia lakou mai na aina mai, Mai ka hikina, a me ke komohana mai, E mai ke kukulu akau, a mai ke kai mai.
3and gathered out of the lands, from the east and from the west, from the north and from the south.
4Kuewa wale lakou ma ka waonahele, Ma ke ala waoakua hoi; Aole i loaa ia lakou ke kulanakauhale kahi e noho ai.
4They wandered in the wilderness in a desert way. They found no city to live in.
5Pololi iho la lakou, a makewai hoi, A maule ko lakou uhane iloko o lakou.
5Hungry and thirsty, their soul fainted in them.
6Alaila, kahea aku lakou ia Iehova iloko o ko lakou pilikia, A hoopakele mai oia ia lakou i ko lakou popilikia ana.
6Then they cried to the LORD in their trouble, and he delivered them out of their distresses.
7Alakai mai la oia ia lakou ma ke ala pono, I hiki ai lakou i ke kulanakauhale, kahi e noho ai.
7He led them also by a straight way, that they might go to a city to live in.
8E mililani aku na kanaka ia Iehova no kona lokomaikai, A no kana mau hana kupanaha i na keiki a kanaka!
8Let them praise the LORD for his loving kindness, for his wonderful deeds to the children of men!
9No ka mea, nana no i hookena i ka uhane makewai, A nana hoi i hoomaona i ka uhane pololi i ka maikai.
9For he satisfies the longing soul. He fills the hungry soul with good.
10O ka poe i noho ma ka pouli, ma ka malu hoi o ka make, A paa no hoi i ka popilikia a me ka hao;
10Some sat in darkness and in the shadow of death, being bound in affliction and iron,
11No ka mea, ua kipi lakou i na olelo a ke Akua, A ua hoowahawaha i ke ao ana mai o ka Mea kiekie;
11because they rebelled against the words of God, and condemned the counsel of the Most High.
12Alaila hookulou oia i ko lakou naau i ka luhi, Hina iho la lakou ilalo, aohe mea nana e kokua.
12Therefore he brought down their heart with labor. They fell down, and there was no one to help.
13Alaila, hea aku lakou ia Iehova i ko lakou pilikia ana, A hoola mai oia ia lakou i ko lakou popilikia ana.
13Then they cried to the LORD in their trouble, and he saved them out of their distresses.
14Hoopuka mai la oia ia lakou mailoko mai o ka pouli a me ka malu o ka make, A uhai hoi i ko lakou mea i paa ai.
14He brought them out of darkness and the shadow of death, and broke away their chains.
15E hoalohaloha aku na kanaka ia Iehova, no kona lokomaikai, A no kana mau hana kupanaha i na keiki a kanaka!
15Let them praise the LORD for his loving kindness, for his wonderful deeds to the children of men!
16No ka mea, ua wawahi oia i na pani keleawe o na pukapa A ua uhai no hoi oia i na kaola kipuka hao.
16For he has broken the gates of bronze, and cut through bars of iron.
17O ka poe i lalau ma ka aoao o ka poe hewa, A me ka lawehala, ua hoopilikiaia lakou.
17Fools are afflicted because of their disobedience, and because of their iniquities.
18Hoopailua no ko lakou uhane i na mea ai a pau; A hookokoke no lakou i na pukapa o ka make.
18Their soul abhors all kinds of food. They draw near to the gates of death.
19Alaila, hea aku no lakou ia Iehova i ko lakou pilikia ana, A hoola mai no oia ia lakou i ko lakou popilikia.
19Then they cry to the LORD in their trouble, and he saves them out of their distresses.
20Haawi mai la oia i kana olelo, a hoala iho la ia lakou, A hoopakele no hoi ia lakou, mai ko lakou lua aku.
20He sends his word, and heals them, and delivers them from their graves.
21E hoalohaloha aku na kanaka ia Iehova no kona lokomaikai, A no kana mau hana kupanaha i na keiki a kanaka!
21Let them praise the LORD for his loving kindness, for his wonderful deeds to the children of men!
22E mohai aku no hoi lakou i ka mohai o ke aloha, A e hoike aku i kana mau hana me ka hauoli.
22Let them offer the sacrifices of thanksgiving, and declare his deeds with singing.
23O ka poe iho ilalo i ka moana, ma na moku, A hana i ka hana ma na moana nui;
23Those who go down to the sea in ships, who do business in great waters,
24Ua ike no keia poe i na hana o Iehova, A mo kana mau mea kupanaha ma ka hohonu.
24these see the LORD’s deeds, and his wonders in the deep.
25No ka mea, olelo wale mai oia, a hoala i ka makani kupikipikio, A piipii aku la na ale.
25For he commands, and raises the stormy wind, which lifts up its waves.
26Pii aku la lakou i ka lani, a iho ilalo i ka hohonu: A hehee ko lakou uhane i ka ino.
26They mount up to the sky; they go down again to the depths. Their soul melts away because of trouble.
27Hikaka lakou i o, a ia nei, a kunewanewa hoi e like me ke kanaka ona, A pau wale aku no ko lakou akamai.
27They reel back and forth, and stagger like a drunken man, and are at their wits’ end.
28Alaila, hea aku lakou ia Iehova i ko lakou pilikia ana, A hoopakele mai oia ia lakou, mailoko mai o ko lakou popilikia.
28Then they cry to the LORD in their trouble, and he brings them out of their distress.
29Hoolilo no oia i ka ino i pohu, A malie loa iho la na ale.
29He makes the storm a calm, so that its waves are still.
30Alaila, lealea lakou, no ka mea, ua malie; A hoopae no oia ia lakou ma ke awa a lakou e makemake ai.
30Then they are glad because it is calm, so he brings them to their desired haven.
31E mililani aku na kanaka ia Iehova no kona lokomaikai, A no kana mau hana kupanaha i na keiki a kanaka!
31Let them praise the LORD for his loving kindness, for his wonderful deeds for the children of men!
32E hapai no hoi ia ia ma ka ahakanaka, A e halelu aku ia ia ma ke anaina o ka poe kahiko.
32Let them exalt him also in the assembly of the people, and praise him in the seat of the elders.
33Hoolilo no oia i na muliwai i waonahele, A me na waipuna i aina maloo;
33He turns rivers into a desert, water springs into a thirsty ground,
34A me ka aina hua nui, i aina hua ole, No ka hewa o ka poe e noho ana malaila.
34and a fruitful land into a salt waste, for the wickedness of those who dwell in it.
35A hoolilo no hoi oia i ka waonahele, i wai lana, A me ka aina maloo hoi i wai puna.
35He turns a desert into a pool of water, and a dry land into water springs.
36Malaila no oia e hoonoho ai i ka poe pololi, A hoomakaukau no hoi lakou i kulanakauhale, kahi e noho ai;
36There he makes the hungry live, that they may prepare a city to live in,
37A lulu no hoi lakou ma na mahinaai, A kauu iho no i na mala waina, A haawiia mai ka hua i hoohuaia'i.
37sow fields, plant vineyards, and reap the fruits of increase.
38Hoomaikai mai la oia ia lakou, a kawowo nui ae la; Aole ia i hoemi i ka lakou poe holoholona.
38He blesses them also, so that they are multiplied greatly. He doesn’t allow their livestock to decrease.
39A mahope, hooemiia lakou, a hoohaahania no hoi, No ka hookaumahaia, a me ka hewa, a me ka pilikia.
39Again, they are diminished and bowed down through oppression, trouble, and sorrow.
40Ninini mai oia i ka hoomaau maluna o na'lii, A alakai no hoi oia ia lakou ma kahi mehameha, ala ole.
40He pours contempt on princes, and causes them to wander in a trackless waste.
41Hookiekie nae oia i ka poe hune mailoko aku o ka pilikia, A hoolilo i kona mau ohana, me he ohana hipa la.
41Yet he lifts the needy out of their affliction, and increases their families like a flock.
42E ike aku no ka poe pono, a e lealea lakou; A e paa no ka nuku o ka hewa a pau.
42The upright will see it, and be glad. All the wicked will shut their mouths.
43Owai la ka mea akamai, a malama i keia mau mea! O lakou ka i hoomaopopo i ka lokomaikai o Iehova.
43Whoever is wise will pay attention to these things. They will consider the loving kindnesses of the LORD.
Tip: use the ← and → keys to turn chapters.