Halelu 109
Baibala Hemolele (Hawaiian Bible, 1868 revision)
World English Bible
1E KE Akua a'u i halelu ai, mai hookuli mai oe;
1God of my praise, don’t remain silent,
2No ka mea, o ka waha o ka mea hewa, A me ka waha wahahee, ua hamama mai laua e ku e ia'u; Ua olelo ku e mai lakou ia'u, me ke elelo wahahee.
2for they have opened the mouth of the wicked and the mouth of deceit against me. They have spoken to me with a lying tongue.
3Hoopuni mai lakou ia'u i na olelo huhu; A hakaka mai lakou ia'u me ka hala ole o'u.
3They have also surrounded me with words of hatred, and fought against me without a cause.
4No ko'u aloha enemi mai lakou ia'u; E pule aku no nae au.
4In return for my love, they are my adversaries; but I am in prayer.
5Hookau mai lakou i ka hewa maluna o'u no ka maikai, A me ka inaina no ko'u aloha.
5They have rewarded me evil for good, and hatred for my love.
6E hoonoho oe i ka mea hewa maluna ona; A e hooku mai ia Satana ma kona lima akau.
6Set a wicked man over him. Let an adversary stand at his right hand.
7Ia ia e hookolokoloia'i, E puka mai no kona hewa, A e lilo no kana pule i mea e hewa'i.
7When he is judged, let him come out guilty. Let his prayer be turned into sin.
8E uuku no kona mau la, E lawe hoi kekahi i kana oihana.
8Let his days be few. Let another take his office.
9E makua ole auanei kana poe keiki, A e lilo auanei kana wahine i wahinekanemake.
9Let his children be fatherless, and his wife a widow.
10E kuewa, e kuewa wale aku no kana poe keiki, a e nonoi wale; E imi wale lakou ma ko lakou wahi neoneo.
10Let his children be wandering beggars. Let them be sought from their ruins.
11Na ka makee waiwai e kaili wale i kana mau mea a pau, A na na malihini e hao wale i kona waiwai.
11Let the creditor seize all that he has. Let strangers plunder the fruit of his labor.
12Aohe mea nana e hoomau i ka lokomaikai ia ia; Aohe hoi mea aloha i kana mau huahaule.
12Let there be no one to extend kindness to him, neither let there be anyone to have pity on his fatherless children.
13E hookiia kana poe mamo; A ia hanauna aku e holoiia ko lakou inoa.
13Let his posterity be cut off. In the generation following let their name be blotted out.
14E hoomanaoia ka hewa o kona poe kupuna imua o Iehova; Aole hoi e kalaia na hewa o kona makuwahine.
14Let the iniquity of his fathers be remembered by the LORD. Don’t let the sin of his mother be blotted out.
15E mau loa ana no lakou imua o Iehova; I hookiia ka manao ana ia lakou mai ka honua aku.
15Let them be before the LORD continually, that he may cut off their memory from the earth;
16No ka mea, aole ia i hoomanao e hana i ka lokomaikai, A hoomaau oia i ke kanaka nele, a ilihune hoi, I pepehi oia i ka mea naau ehaeha.
16because he didn’t remember to show kindness, but persecuted the poor and needy man, the broken in heart, to kill them.
17Me ia i makemake ai i ka hailiili, pela no e hiki mai ai ia maluna ona; Me ia i makemake ole ai i ka hoomaikai, e mamao loa ia mai ona aku.
17Yes, he loved cursing, and it came to him. He didn’t delight in blessing, and it was far from him.
18Kahiko no oia ia ia iho i ka hailiili me he kapa la, E komo no hoi ia iloko o kona opu me he wai la, A e like hoi me ka aila iloko o kona mau iwi.
18He clothed himself also with cursing as with his garment. It came into his inward parts like water, like oil into his bones.
19A e like no auanei ia me he kapa la ia ia, A me ke kaei hoi ana e kaei mau ai.
19Let it be to him as the clothing with which he covers himself, for the belt that is always around him.
20O keia no ka uku o ko'u poe enemi mai o Iehova mai, A me ko ka poe hoi e olelo ino mai i ko'u uhane.
20This is the reward of my adversaries from the LORD, of those who speak evil against my soul.
21Aka, e hana mai oe mamuli o'u, e Iehova ka Haku, no kou inoa iho: No ka mea, ua maikai kou lokomaikai, e hoopakele mai ia'u.
21But deal with me, GOD the Lord, for your name’s sake, because your loving kindness is good, deliver me;
22No ka mea, ua nele, a ua ilihune hoi au, A ua houia ko'u naau iloko ou.
22for I am poor and needy. My heart is wounded within me.
23Ua hele aku au e like me ke aka i kona auwi ana, Ua kuehuehuia au me he uhini la.
23I fade away like an evening shadow. I am shaken off like a locust.
24Kulanalana ko'u mau kuli no ka hookeai, A hookii no hoi ko'u kino ma ke kelekele.
24My knees are weak through fasting. My body is thin and lacks fat.
25Ua lilo wau i mea hoomaewaewa no lakou; Nana mai lakou ia'u, a kunokunou i ko lakou poo.
25I have also become a reproach to them. When they see me, they shake their head.
26E kokua mai oe ia'u, e Iehova, ko'u Akua; E hoola mai oe ia'u e like me kou lokomaikai ana.
26Help me, LORD, my God. Save me according to your loving kindness;
27I ike mai hoi lakou, o kou lima keia; O oe hoi e Iehova, ka mea nana i hana ia mea.
27that they may know that this is your hand; that you, LORD, have done it.
28Na lakou e hailiili mai, aka, e hoomaikai mai oe, A ku mai lakou iluna, e hoohilahilaia lakou; Aka, e hoohauoli mai oe i kau kauwa.
28They may curse, but you bless. When they arise, they will be shamed, but your servant shall rejoice.
29E kahikoia ko'u poe enemi i ka hoopalaimaka, A e uhi no lakou ia lakou iho i ka hilahila me he holoku la.
29Let my adversaries be clothed with dishonor. Let them cover themselves with their own shame as with a robe.
30E mililani nui aka au ia Iehova, ma ko'u waha; A e halelu aku ia ia mawaena o ka lehulehu.
30I will give great thanks to the LORD with my mouth. Yes, I will praise him among the multitude.
31No ka mea, e ku mai auanei oia ma ka lima akau o ka mea hune, E hoopakele i kona uhane mai ka poe hoohewa ia ia.
31For he will stand at the right hand of the needy, to save him from those who judge his soul.
Tip: use the ← and → keys to turn chapters.