Halelu 69
Baibala Hemolele (Hawaiian Bible, 1868 revision)
World English Bible
1E HOOLA mai ia'u, e ke Akua; No ka mea, ua komo mai na wai i ko'u uhane.
1Save me, God, for the waters have come up to my neck!
2Ke palemo nei au i ka lepo poho hohonu, kahi e ku ole ai: Ua hiki mai nei au i na wai hohonu; Ke kahe nei no hoi na muliwai maluna o'u.
2I sink in deep mire, where there is no foothold. I have come into deep waters, where the floods overflow me.
3Ua luhi au i kuu kahea ana aku, ua maloo kuu puu: Pau e kuu mau maka i ko'u kali ana no kuu Akua.
3I am weary with my crying. My throat is dry. My eyes fail looking for my God.
4Ua lehulehu aku i na lauoho o kuu poo ka poe huhu hala ole mai ia'u; Ua ikaika hoi ka poe manao e pepehi mai ia'u, e ku e hewa mai ana ia'u: Alaila hoihoi aku au i ka mea a'u i kaili ole ai.
4Those who hate me without a cause are more than the hairs of my head. Those who want to cut me off, being my enemies wrongfully, are mighty. I have to restore what I didn’t take away.
5E ke Akua, ua ike mai oe i ko'u naaupo: Aole hoi i nalo ko'u mau hewa ia oe.
5God, you know my foolishness. My sins aren’t hidden from you.
6Mai noho a hoohilahilaia no'u nei ka poe hilinai ia oe, e ka Haku, Iehova Sabaota. Mai noho a hoohokaia no'u nei ka poe imi ia oe, e ke Akua o ka Iseraela.
6Don’t let those who wait for you be shamed through me, Lord GOD of Armies. Don’t let those who seek you be brought to dishonor through me, God of Israel.
7No ka mea, nou la i halihali ai au i ka hoinoia; Ua uhi mai ka hilahila i ko'u maka.
7Because for your sake, I have borne reproach. Shame has covered my face.
8Ua lilo au i malihini i ko'u mau hoahanau, He kanaka e hoi i na keiki a ko'u makuwahine.
8I have become a stranger to my brothers, an alien to my mother’s children.
9No ka mea, ua hoopauia au e ka manao ikaika no kou hale: A o na hoino ana o ka poe hoino ia oe, ua haule mai ia maluna iho o'u.
9For the zeal of your house consumes me. The reproaches of those who reproach you have fallen on me.
10A uwe au, a hahau hoi i kuu uhane me ka hookeai ana, Oia ka'u mea i hoinoia mai ai.
10When I wept and I fasted, that was to my reproach.
11A aahu iho la au i ke kapa ino; Lilo au i mea hoohiki wale ia.
11When I made sackcloth my clothing, I became a byword to them.
12Ua olelo ku e mai ia'u ka poe noho ma ka ipuka; A lilo hoi au i mele na ka poe inu i ka mea ona.
12Those who sit in the gate talk about me. I am the song of the drunkards.
13Aka, owau nei la, aia ia oe ka'u pule, o Iehova, I ka wa maliuia; E ke Akua, ma ka nui o kou aloha, e hoolohe mai ia'u, I ka oiaio o kou ola.
13But as for me, my prayer is to you, LORD, in an acceptable time. God, in the abundance of your loving kindness, answer me in the truth of your salvation.
14E hoopakele ia'u i ka lepo poho, aole hoi au e palemo: E hoopakeleia au i ka poe inaina mai ia'u, a i na wai hohonu.
14Deliver me out of the mire, and don’t let me sink. Let me be delivered from those who hate me, and out of the deep waters.
15Mai noho a kahe ka waikahe maluna o'u; Mai noho a ale mai ka hohonu ia'u; Aole hoi e pani ka lua i kona waha maluna o'u.
15Don’t let the flood waters overwhelm me, neither let the deep swallow me up. Don’t let the pit shut its mouth on me.
16E hoolohe mai ia'u, e Iehova, no ka mea, he pono kou lokomaikai; Mamuli o ka nui loa o kou aloha, e maliu mai ia'u.
16Answer me, LORD, for your loving kindness is good. According to the multitude of your tender mercies, turn to me.
17Mai hoonalo i kou maka i kau kauwa; No ka mea, ua pilikia au: E hoolohe koke mai oe ia'u.
17Don’t hide your face from your servant, for I am in distress. Answer me speedily!
18E hookokoke mai i kuu uhane, a e hoola mai ia ia: E hoopakele ia'u no ko'u poe enemi.
18Draw near to my soul and redeem it. Ransom me because of my enemies.
19Ua ike ae nei oe i ko'u hoinoia, ko'u hoohilahilaia, a me ko'u heneheneia: Imua no hoi ou ko'u mau enemi a pau.
19You know my reproach, my shame, and my dishonor. My adversaries are all before you.
20Ua haehae ko'u naau i ka hoinoia mai, a kaumaha loa au; Kali aku la au i mea e menemene mai, aole hoi; A i mau mea hooluolu mai, aole i loaa ia'u.
20Reproach has broken my heart, and I am full of heaviness. I looked for some to take pity, but there was none; for comforters, but I found none.
21Ua haawi mai la lakou i ka mea awahia i ai na'u; A i kuu makewai ana ua hoohainu mai lakou ia'u i ka vinega.
21They also gave me poison for my food. In my thirst, they gave me vinegar to drink.
22E lilo no ko lakou papaaina i pahele imua o lakou: A o ko lakou uku i mea e hihia ai.
22Let their table before them become a snare. May it become a retribution and a trap.
23E hoopouliia ko lakou mau maka i ike ole lakou; A e hoohaalulu mau no hoi oe i ko lakou mau puhaka.
23Let their eyes be darkened, so that they can’t see. Let their backs be continually bent.
24E ninini iho no oe i kou inaina maluna o lakou; A e loohia lakou i kou huhu wela.
24Pour out your indignation on them. Let the fierceness of your anger overtake them.
25E neoneo no hoi ko lakou hale; Aohe mea e noho iloko o ko lakou mau halelewa.
25Let their habitation be desolate. Let no one dwell in their tents.
26No ka mea, ua alualu hewa lakou i ka mea au i hahau ai; A kamailio lakou he mea kaumaha no na mea au e hoeha mai.
26For they persecute him whom you have wounded. They tell of the sorrow of those whom you have hurt.
27E hookui i ka hewa maluna o ko lakou hewa: Aole hoi lakou e komo iloko o kou hoaponoia.
27Charge them with crime upon crime. Don’t let them come into your righteousness.
28E hoonaloia lakou mailoko aku o ka buke a ka poe ola, Aole lakou e kakau pu ia me ka poe pono.
28Let them be blotted out of the book of life, and not be written with the righteous.
29Aka, ua ilihune au a ua kaumaha no hoi; E hookiekie kou ola ia'u, e ke Akua.
29But I am in pain and distress. Let your salvation, God, protect me.
30E hoolea aku au i ka inoa o ke Akua, ma ka himeni; A e hoonui aku ia ia me ka hoomaikai ana.
30I will praise the name of God with a song, and will magnify him with thanksgiving.
31Ua oi aku ka pono o keia ia Iehova mamua o ka bipi kane, A o ka bipi opiopio mea pepeiaohao me na maiuu.
31It will please the LORD better than an ox, or a bull that has horns and hoofs.
32E ike hoi ka poe hoohaahaa, a e hauoli hoi: E imi ana i ke Akua, e ola ko oukou naau.
32The humble have seen it, and are glad. You who seek after God, let your heart live.
33No ka mea, ua hoolohe mai o Iehova i ka poe ilihune; Aole hoi ia i hoowahawaha i kona poe i hoopaaia.
33For the LORD hears the needy, and doesn’t despise his captive people.
34E hoomaikai ka lani a me ka honua ia ia; O na kai, a me na mea a pau e holo ana maloko olaila.
34Let heaven and earth praise him; the seas, and everything that moves therein!
35No ka mea, e hoola no ke Akua ia Ziona, A e kukulu hoi i na kulanakauhale o Iuda; I noho lakou ilaila, a e lilo ia no lakou.
35For God will save Zion, and build the cities of Judah. They shall settle there, and own it.
36E loaa mai no hoi ia i na hua a kana mau kauwa: A malaila e noho ai ka poe makemake i kona inoa.
36The children also of his servants shall inherit it. Those who love his name shall dwell therein.
Tip: use the ← and → keys to turn chapters.