Halelu 69
Baibala Hemolele (Hawaiian Bible, 1868 revision)
Berean Standard Bible
1E HOOLA mai ia'u, e ke Akua; No ka mea, ua komo mai na wai i ko'u uhane.
1Save me, O God, for the waters are up to my neck.
2Ke palemo nei au i ka lepo poho hohonu, kahi e ku ole ai: Ua hiki mai nei au i na wai hohonu; Ke kahe nei no hoi na muliwai maluna o'u.
2I have sunk into the miry depths, where there is no footing; I have drifted into deep waters, where the flood engulfs me.
3Ua luhi au i kuu kahea ana aku, ua maloo kuu puu: Pau e kuu mau maka i ko'u kali ana no kuu Akua.
3I am weary from my crying; my throat is parched. My eyes fail, looking for my God.
4Ua lehulehu aku i na lauoho o kuu poo ka poe huhu hala ole mai ia'u; Ua ikaika hoi ka poe manao e pepehi mai ia'u, e ku e hewa mai ana ia'u: Alaila hoihoi aku au i ka mea a'u i kaili ole ai.
4Those who hate me without cause outnumber the hairs of my head; many are those who would destroy me— my enemies for no reason. Though I did not steal, I must repay.
5E ke Akua, ua ike mai oe i ko'u naaupo: Aole hoi i nalo ko'u mau hewa ia oe.
5You know my folly, O God, and my guilt is not hidden from You.
6Mai noho a hoohilahilaia no'u nei ka poe hilinai ia oe, e ka Haku, Iehova Sabaota. Mai noho a hoohokaia no'u nei ka poe imi ia oe, e ke Akua o ka Iseraela.
6May those who hope in You not be ashamed through me, O Lord GOD of Hosts; may those who seek You not be dishonored through me, O God of Israel.
7No ka mea, nou la i halihali ai au i ka hoinoia; Ua uhi mai ka hilahila i ko'u maka.
7For I have endured scorn for Your sake, and shame has covered my face.
8Ua lilo au i malihini i ko'u mau hoahanau, He kanaka e hoi i na keiki a ko'u makuwahine.
8I have become a stranger to my brothers and a foreigner to my mother’s sons,
9No ka mea, ua hoopauia au e ka manao ikaika no kou hale: A o na hoino ana o ka poe hoino ia oe, ua haule mai ia maluna iho o'u.
9because zeal for Your house has consumed me, and the insults of those who insult You have fallen on me.
10A uwe au, a hahau hoi i kuu uhane me ka hookeai ana, Oia ka'u mea i hoinoia mai ai.
10I wept and fasted, but it brought me reproach.
11A aahu iho la au i ke kapa ino; Lilo au i mea hoohiki wale ia.
11I made sackcloth my clothing, and I was sport to them.
12Ua olelo ku e mai ia'u ka poe noho ma ka ipuka; A lilo hoi au i mele na ka poe inu i ka mea ona.
12Those who sit at the gate mock me, and I am the song of drunkards.
13Aka, owau nei la, aia ia oe ka'u pule, o Iehova, I ka wa maliuia; E ke Akua, ma ka nui o kou aloha, e hoolohe mai ia'u, I ka oiaio o kou ola.
13But my prayer to You, O LORD, is for a time of favor. In Your abundant loving devotion, O God, answer me with Your sure salvation.
14E hoopakele ia'u i ka lepo poho, aole hoi au e palemo: E hoopakeleia au i ka poe inaina mai ia'u, a i na wai hohonu.
14Rescue me from the mire and do not let me sink; deliver me from my foes and out of the deep waters.
15Mai noho a kahe ka waikahe maluna o'u; Mai noho a ale mai ka hohonu ia'u; Aole hoi e pani ka lua i kona waha maluna o'u.
15Do not let the floods engulf me or the depths swallow me up; let not the Pit close its mouth over me.
16E hoolohe mai ia'u, e Iehova, no ka mea, he pono kou lokomaikai; Mamuli o ka nui loa o kou aloha, e maliu mai ia'u.
16Answer me, O LORD, for Your loving devotion is good; turn to me in keeping with Your great compassion.
17Mai hoonalo i kou maka i kau kauwa; No ka mea, ua pilikia au: E hoolohe koke mai oe ia'u.
17Hide not Your face from Your servant, for I am in distress. Answer me quickly!
18E hookokoke mai i kuu uhane, a e hoola mai ia ia: E hoopakele ia'u no ko'u poe enemi.
18Draw near to my soul and redeem me; ransom me because of my foes.
19Ua ike ae nei oe i ko'u hoinoia, ko'u hoohilahilaia, a me ko'u heneheneia: Imua no hoi ou ko'u mau enemi a pau.
19You know my reproach, my shame and disgrace. All my adversaries are before You.
20Ua haehae ko'u naau i ka hoinoia mai, a kaumaha loa au; Kali aku la au i mea e menemene mai, aole hoi; A i mau mea hooluolu mai, aole i loaa ia'u.
20Insults have broken my heart, and I am in despair. I looked for sympathy, but there was none, for comforters, but I found no one.
21Ua haawi mai la lakou i ka mea awahia i ai na'u; A i kuu makewai ana ua hoohainu mai lakou ia'u i ka vinega.
21They poisoned my food with gall and gave me vinegar to quench my thirst.
22E lilo no ko lakou papaaina i pahele imua o lakou: A o ko lakou uku i mea e hihia ai.
22May their table become a snare; may it be a retribution and a trap.
23E hoopouliia ko lakou mau maka i ike ole lakou; A e hoohaalulu mau no hoi oe i ko lakou mau puhaka.
23May their eyes be darkened so they cannot see, and their backs be bent forever.
24E ninini iho no oe i kou inaina maluna o lakou; A e loohia lakou i kou huhu wela.
24Pour out Your wrath upon them, and let Your burning anger overtake them.
25E neoneo no hoi ko lakou hale; Aohe mea e noho iloko o ko lakou mau halelewa.
25May their place be deserted; let there be no one to dwell in their tents.
26No ka mea, ua alualu hewa lakou i ka mea au i hahau ai; A kamailio lakou he mea kaumaha no na mea au e hoeha mai.
26For they persecute the one You struck and recount the pain of those You wounded.
27E hookui i ka hewa maluna o ko lakou hewa: Aole hoi lakou e komo iloko o kou hoaponoia.
27Add iniquity to their iniquity; let them not share in Your righteousness.
28E hoonaloia lakou mailoko aku o ka buke a ka poe ola, Aole lakou e kakau pu ia me ka poe pono.
28May they be blotted out of the Book of Life and not listed with the righteous.
29Aka, ua ilihune au a ua kaumaha no hoi; E hookiekie kou ola ia'u, e ke Akua.
29But I am in pain and distress; let Your salvation protect me, O God.
30E hoolea aku au i ka inoa o ke Akua, ma ka himeni; A e hoonui aku ia ia me ka hoomaikai ana.
30I will praise God’s name in song and exalt Him with thanksgiving.
31Ua oi aku ka pono o keia ia Iehova mamua o ka bipi kane, A o ka bipi opiopio mea pepeiaohao me na maiuu.
31And this will please the LORD more than an ox, more than a bull with horns and hooves.
32E ike hoi ka poe hoohaahaa, a e hauoli hoi: E imi ana i ke Akua, e ola ko oukou naau.
32The humble will see and rejoice. You who seek God, let your hearts be revived!
33No ka mea, ua hoolohe mai o Iehova i ka poe ilihune; Aole hoi ia i hoowahawaha i kona poe i hoopaaia.
33For the LORD listens to the needy and does not despise His captive people.
34E hoomaikai ka lani a me ka honua ia ia; O na kai, a me na mea a pau e holo ana maloko olaila.
34Let heaven and earth praise Him, the seas and everything that moves in them.
35No ka mea, e hoola no ke Akua ia Ziona, A e kukulu hoi i na kulanakauhale o Iuda; I noho lakou ilaila, a e lilo ia no lakou.
35For God will save Zion and rebuild the cities of Judah, that they may dwell there and possess it.
36E loaa mai no hoi ia i na hua a kana mau kauwa: A malaila e noho ai ka poe makemake i kona inoa.
36The descendants of His servants will inherit it, and those who love His name will settle in it.
Tip: use the ← and → keys to turn chapters.