Halelu 119
Baibala Hemolele (Hawaiian Bible, 1868 revision)
World English Bible
1POMAIKAI ka poe i pono ka noho ana, A hele hoi ma ke kanawai o Iehova.
1Blessed are those whose ways are blameless, who walk according to the LORD’s law.
2Pomaikai ka poe malama i kana mau kauoha, E imi aku no lakou ia ia me ka naau a pau.
2Blessed are those who keep his statutes, who seek him with their whole heart.
3Aole lakou e hana hewa, Ma kona aoao no lakou e hele ai.
3Yes, they do nothing wrong. They walk in his ways.
4Ua kauoha mai oe, E malama loa i kau mau olelo ao.
4You have commanded your precepts, that we should fully obey them.
5Ina i hoomakaukauia ko'u mau aoao, E malama i kau mau kauoha!
5Oh that my ways were steadfast to obey your statutes!
6Alaila, aole au e hilahila, I ko'u nana pono ana i kau mau kanoha a pau.
6Then I wouldn’t be disappointed, when I consider all of your commandments.
7E mililani aku au ia oe, me ko kupono o ka naau, Ia'u e hoomaopopo ai i kou hooponopono pololei ana.
7I will give thanks to you with uprightness of heart, when I learn your righteous judgments.
8E malama no wau i kau mau kauoha: Mai haalele mai oe ia'u, aole loa.
8I will observe your statutes. Don’t utterly forsake me.
9Pehea la e hoomaemae ai ke kanaka ui i kona aoao? I ka malama ana, e like me kau olelo.
9How can a young man keep his way pure? By living according to your word.
10Ua imi aku au ia oe me kuu naau a pau; Mai kuu mai oe ia'u, e ae maluna o kau mau kauoha.
10With my whole heart I have sought you. Don’t let me wander from your commandments.
11Ua huna no wau i kau olelo iloko o ko'u naau, I ole au e hana hewa aku ia oe.
11I have hidden your word in my heart, that I might not sin against you.
12E hoomaikaiia oe, e Iehova; E ao mai oe ia'u i kau mau olelopaa.
12Blessed are you, LORD. Teach me your statutes.
13Ua hoike aku au, ma ko'u mau Iehelehe, I na olelo hoopono a kou waha.
13With my lips, I have declared all the ordinances of your mouth.
14Ua olioli no wau ma ka aoao o kau mau kauoha, Mamua o ko ka waiwai a pau.
14I have rejoiced in the way of your testimonies, as much as in all riches.
15Ma kou mau kanawai wau e noonoo ai, A e haliu hoi i kou mau kuamoo.
15I will meditate on your precepts, and consider your ways.
16E hauoli no wau i kau mau kauoha, Aole hoi e hoopoina i kau olelo.
16I will delight myself in your statutes. I will not forget your word.
17E hana maikai mai oe ia'u, i ola au, A e malama hoi i kau olelo.
17Do good to your servant. I will live and I will obey your word.
18E hookaakaa mai oe i ko'u mau maka, Alaila, e ike aku au i na mea kupanaha noloko mai o kou mau kanawai.
18Open my eyes, that I may see wondrous things out of your law.
19He malihini au ma ka honua; Mai huna oe i kau mau kauoha ia'u.
19I am a stranger on the earth. Don’t hide your commandments from me.
20Ua haehae ko'u uhane i ka iini aku I kou hooponopono ana i na manawa a pau.
20My soul is consumed with longing for your ordinances at all times.
21Ua papa mai no oe i ka poe kaena wale, a poino, Ka poe i hele hewa mai kou mau kauoha aku.
21You have rebuked the proud who are cursed, who wander from your commandments.
22E lawe aku oe i ka hoinoia, a me ka hoowahawahaia, mai o'u aku; No ka mea, ua malama au i kou mau kanawai.
22Take reproach and contempt away from me, for I have kept your statutes.
23Noho mai la na'lii e olelo ku e ia'u; Ua noonoo nae kau kauwa i kau mau olelopaa.
23Though princes sit and slander me, your servant will meditate on your statutes.
24O kou mau kanawai ka'u e hauoli nei, A o ko'u poe kanaka ia nana wau e ao mai.
24Indeed your statutes are my delight, and my counselors.
25Ua pipili ae ko'u uhane i ka lepo; E hoola mai oe ia'u, e like me kau olelo.
25My soul is laid low in the dust. Revive me according to your word!
26Ua hai aku au i ko'u aoao, a ua ae mai oe ia'u; E ao mai hoi oe i kau mau olelopaa.
26I declared my ways, and you answered me. Teach me your statutes.
27E hoike mai oe ia'u i ke ano o kau mau kauoha; A e hookaulana au i kau mau hana kupanaha.
27Let me understand the teaching of your precepts! Then I will meditate on your wondrous works.
28Uwe no kuu uhane no ke kaumaha; E hoala mai oe ia'u, e like me kau olelo.
28My soul is weary with sorrow; strengthen me according to your word.
29E hookaawale oe i ka aoao o ka wahahee mai o'u aku, A e hoike lokomaikai mai ia'u i kou mau kanawai.
29Keep me from the way of deceit. Grant me your law graciously!
30Ua wae au ma ka aoao o ka oiaio, Ua kau wau i kou hoopono ana imua o'u.
30I have chosen the way of truth. I have set your ordinances before me.
31Ua hoopili aku au me kou mau kanawai; E Iehova, mai hoohilahila mai oe ia'u.
31I cling to your statutes, LORD. Don’t let me be disappointed.
32E holo no wau ma ke ala o kau mau kauoha; No ka mea, e hoomahuahua mai no oe i ko'u manao.
32I run in the path of your commandments, for you have set my heart free.
33E ao mai oe ia'u, e Iehova, i ka aoao o kau mau kauoha, A e malama no wau, a hiki i ka hopena.
33Teach me, LORD, the way of your statutes. I will keep them to the end.
34E hoonaauao mai oe ia'u, a e malama no au i kou kanawai; E malama no au ia me ko'u naau a pau.
34Give me understanding, and I will keep your law. Yes, I will obey it with my whole heart.
35E alakai oe ia'u ma ke alanui o kau mau kauoha; No ka mea, malaila no wau e lealea nei.
35Direct me in the path of your commandments, for I delight in them.
36E hoohuli oe i ko'u naau mamuli o kou mau kanawai, Aole mamuli o ka makee waiwai.
36Turn my heart toward your statutes, not toward selfish gain.
37E hoohuli oe i ko'u mau maka, mai ka ike ana i ka mea lapuwale; A e hoola mai oe ia'u ma kou aoao.
37Turn my eyes away from looking at worthless things. Revive me in your ways.
38E hooko oe i kau olelo, i kau kauwa nei, Ka mea i makau aku ia oe.
38Fulfill your promise to your servant, that you may be feared.
39E pale ae oe i ko'u hoinoia, a'u e makau nei; No ka mea, he maikai kou hoopono ana.
39Take away my disgrace that I dread, for your ordinances are good.
40Aia hoi, ua iini au i kau mau kauoha; E hooikaika mai oe ia'u ma kou pono.
40Behold, I long for your precepts! Revive me in your righteousness.
41E hookau mai i kou lokomaikai maluna o'u, e Iehova, I kou hoola ana hoi e like me kau olelo.
41Let your loving kindness also come to me, LORD, your salvation, according to your word.
42Alaila e pane aku au i kekahi olelo i ka mea hoowahawaha mai ia'u: No ka mea, ke hilinai aku nei au ia oe.
42So I will have an answer for him who reproaches me, for I trust in your word.
43Mai kaili oe i ka olelo o kou oiaio, mai ko'u waha aku, a i ka manawa pau ole; No ka mea, ke kakali nei au i kou hoopono ana.
43Don’t snatch the word of truth out of my mouth, for I put my hope in your ordinances.
44Alaila, e malama mau no wau i kou kanawai, A hiki a kau a mau loa aku.
44So I will obey your law continually, forever and ever.
45E holoholo no wau, maloko o kahi akea, No ka mea, ke imi nei au i kau olelo.
45I will walk in liberty, for I have sought your precepts.
46E kamakamailio no wau ma kou mau kanawai imua o na'lii, Aole hoi au e hilahila.
46I will also speak of your statutes before kings, and will not be disappointed.
47E hauoli no wau ma kou mau kanawai, Na mea au i makemake ai.
47I will delight myself in your commandments, because I love them.
48E hapai no wau i ko'u mau lima i kau mau kauoha, I na mea a'u i makemake ai: A e noonoo wau ma kau mau kauoha.
48I reach out my hands for your commandments, which I love. I will meditate on your statutes.
49E hoomanao oe i ka olelo au i kau kauwa, Malaila no oe i hoolana'i i kou manao ia'u.
49Remember your word to your servant, because you gave me hope.
50Eia ko'u mea e maha'i, iloko o ko'u pilikia; No ka mea, ua hoola kau olelo ia'u.
50This is my comfort in my affliction, for your word has revived me.
51Ua hoowahawaha nui loa mai ka poe hookiekie ia'u; Aole nae au i haalele i kou kanawai.
51The arrogant mock me excessively, but I don’t swerve from your law.
52Hoomanao no wau i kou hoopono ana, e Iehova, mai kahiko loa mai, A ua hoomaha hoi au.
52I remember your ordinances of old, LORD, and have comforted myself.
53Lohia au i ka wewela nui, no ka poe hewa, I haalele i kou kanawai.
53Indignation has taken hold on me, because of the wicked who forsake your law.
54Ua lilo kau mau kauoha i mea na'u e hoolea aku ai, Ma ka hale o ko'u malihini ana.
54Your statutes have been my songs in the house where I live.
55Hoomanao no wau i kou inoa i ka po, e Iehova, A malama hoi i kou kanawai.
55I have remembered your name, LORD, in the night, and I obey your law.
56Loaa o keia ia'u, No ka mea, malama no wau i kau mau kauoha.
56This is my way, that I keep your precepts.
57O ko'u puu no, e Iehova, Ua olelo no wau, e malama aku au i kau mau olelo.
57The LORD is my portion. I promised to obey your words.
58Ua nonoi aku au imua o kou maka me ko'u naau a pau; E lokomaikai mai oe ia'u, e like me kau olelo.
58I sought your favor with my whole heart. Be merciful to me according to your word.
59Noonoo ae la au i ko'u mau aoao, A hoohuli aku la i ko'u mau wawae i kau hoike ana.
59I considered my ways, and turned my steps to your statutes.
60Wikiwiki aku la au, aole hoi i hookaulua, I ko'u malama ana i kau mau kauoha.
60I will hurry, and not delay, to obey your commandments.
61Ua hoopani mai na kaula o ka poe hewa ia'u; Aole nae au i hoopoina i kou kanawai.
61The ropes of the wicked bind me, but I won’t forget your law.
62Iwaena konu o ka po, e ala no wau e mililani aku ia oe, No kou hoopono pololei ana.
62At midnight I will rise to give thanks to you, because of your righteous ordinances.
63He makamaka au no ka poe a pau i makau aku ia oe, A no ka poe malama i kau mau kauoha.
63I am a friend of all those who fear you, of those who observe your precepts.
64Ua piha ka honua, e Iehova, i kou lokomaikai; E ao mai oe i kau mau olelopaa.
64The earth is full of your loving kindness, LORD. Teach me your statutes.
65Ua hana maikai mai oe i kau kauwa, E Iehova, e like me kau olelo.
65You have treated your servant well, according to your word, LORD.
66E ao mai oe ia'u i ke akamai maikai, a me ka ike; No ka mea, ua hooiaio wau i kau mau kauoha.
66Teach me good judgment and knowledge, for I believe in your commandments.
67Mamua o ko'u hoopilikiaia, hele hewa au; I keia wa, ke malama nei au i kau olelo.
67Before I was afflicted, I went astray; but now I observe your word.
68He maikai no oe, a ke hana maikai mai nei; E ao mai oe i kau mau olelopaa.
68You are good, and do good. Teach me your statutes.
69O ka poe hookiekie, ua epa wahahee mai lakou ia'u; Aka, e malama au i kau mau kauoha me ko'u naau a pau.
69The proud have smeared a lie upon me. With my whole heart, I will keep your precepts.
70Ua momona ko lakou naau me he kelekele la; Aka, ke hauolioli nei au ma kou kanawai.
70Their heart is as callous as the fat, but I delight in your law.
71He mea maikai ia'u ko'u hoopilikiaia, I mea e ao ai au i kau mau olelopaa.
71It is good for me that I have been afflicted, that I may learn your statutes.
72He mea maikai ia'u ke kanawai o ko'u waha, Mamua o na tausani gula, a me ke kala.
72The law of your mouth is better to me than thousands of pieces of gold and silver.
73Na kou mau lima wau i hana'i, a hooponopono mai hoi ia'u; E hoonaauao mai oe ia'u, i ao wau i kau mau kauoha.
73Your hands have made me and formed me. Give me understanding, that I may learn your commandments.
74E ike mai no ia'u, ka poe makau aku ia oe, a e lealea mai; No ka mea, ua hoolana au ma kau olelo.
74Those who fear you will see me and be glad, because I have put my hope in your word.
75Ua ike no wau, e Iehova, he pololei no kou hoopono ana, A ma ka oiaio no kou hoopilikia ana mai ia'u.
75LORD, I know that your judgments are righteous, that in faithfulness you have afflicted me.
76Ke noi aku nei au ia oe e hoolilo i kou lokomaikai i mea e maha'i au, Me kau i olelo mai ai i kau kauwa.
76Please let your loving kindness be for my comfort, according to your word to your servant.
77I hiki mai kou aloha ia'u, i ola au; No ka mea, o kou kanawai ka'u e hauolioli nei.
77Let your tender mercies come to me, that I may live; for your law is my delight.
78E hoohilahilaia ka poe hookiekie, no ka mea, ua hana kekee wahahee mai lakou ia'u; Aka, e noonoo no wau i kau mau olelopaa.
78Let the proud be disappointed, for they have overthrown me wrongfully. I will meditate on your precepts.
79E huli mai mamuli o'u, ka poe e makau aku ia oe, A e ike no lakou i kau hoike ana.
79Let those who fear you turn to me. They will know your statutes.
80E hoolilo oe i ko'u naau i pono ma kau mau olelopaa; Alaila, aole au e hilahila.
80Let my heart be blameless toward your decrees, that I may not be disappointed.
81Ua maule ko'u uhane no ka iini i kau hoola ana; Ua hoolana hoi au ma kau olelo.
81My soul faints for your salvation. I hope in your word.
82Ua poopoo ko'u mau maka no kau olelo, I ae la hoi, I ka wa hea e hoomaha mai ai oe ia'u?
82My eyes fail for your word. I say, “When will you comfort me?”
83No ka mea, ua like au me ka hueili ma kahi uwahi; Aole au i hoopoina i kau mau olelopaa.
83For I have become like a wineskin in the smoke. I don’t forget your statutes.
84Ehia na la o kau kauwa? I ka manawa hea, e hoopai ai oe i ka poe hoomaau mai ia'u?
84How many are the days of your servant? When will you execute judgment on those who persecute me?
85Ua eli ka poe hookiekie i mau lua no'u, Aole hoi e like me kou mau kanawai.
85The proud have dug pits for me, contrary to your law.
86Ma ka oiaio no kau mau kauoha a pau: Hoomaau wahahee mai lakou ia'u; e kokua mai oe ia'u.
86All of your commandments are faithful. They persecute me wrongfully. Help me!
87Aneane lakou i hoopau ia'u ma ka honua, Aole nae au i haalele i kau mau olelopaa.
87They had almost wiped me from the earth, but I didn’t forsake your precepts.
88E hooikaika mai oe ia'u e like me kou lokomaikai; Alaila, e malama no wau i ka hoike ana o kou waha.
88Preserve my life according to your loving kindness, so I will obey the statutes of your mouth.
89Ua paa mau loa no kau olelo, E Iehova, ma ka lani.
89LORD, your word is settled in heaven forever.
90Mai kekahi hanauna a i kekahi hanauna kou oiaio: Ua hookumu oe i ka honua, a ua kupaa ia.
90Your faithfulness is to all generations. You have established the earth, and it remains.
91Ua kupaa no a hiki i keia la, ma kou hooponopono; No ka mea, o kau poe kauwa lakou a pau.
91Your laws remain to this day, for all things serve you.
92Iua i lealea ole au ma kou kanawai, Ina ua make au iloko o ko'u pilikia.
92Unless your law had been my delight, I would have perished in my affliction.
93Aole loa au e hoopoina i kau mau olelopaa, No ka mea, ma ia mau mea no oe i hooikaika mai ia'u.
93I will never forget your precepts, for with them, you have revived me.
94Nou no wau, e hoola mai oe ia'u, No ka mea, ua imi no au i kau mau olelopaa.
94I am yours. Save me, for I have sought your precepts.
95Ua hoohalua mai ka poe hewa ia'u, e pepehi ia'u: Aka, e noonoo no wau i kou mau kanawai.
95The wicked have waited for me, to destroy me. I will consider your statutes.
96Ua ike no au i ka hope o na mea maikai a pau: Aka, ua palahalaha loa kou kanawai.
96I have seen a limit to all perfection, but your commands are boundless.
97Nani wale ko'u aloha i kou kanawai! Oia ko'u mea e noonoo ai i na la a pau.
97How I love your law! It is my meditation all day.
98Ma kau mau kauoha, ua hookela aku oe i ko'u akamai mamua o ko ko'u poe enemi; No ka mea, ua mau loa no lakou mo a'u.
98Your commandments make me wiser than my enemies, for your commandments are always with me.
99Ua oi aku ko'u akamai, mamua o ko ka'u poe kumu a pau; No ka mea, o kou hoike ana ka'u e noonoo ai.
99I have more understanding than all my teachers, for your testimonies are my meditation.
100Ua kela aku ko'u naauao mamua o ko ka poe kahiko; No ka mea, ke malama nei au i kau mau olelopaa.
100I understand more than the aged, because I have kept your precepts.
101Ua kaohi no au i ko'u mau wawae, mai na ala hewa a pau, I malama aku ai au i kau olelo.
101I have kept my feet from every evil way, that I might observe your word.
102Aole au i haalele i kou hoopono ana; No ka mea, ua ao mai oe ia'u.
102I have not turned away from your ordinances, for you have taught me.
103Nani ka ono o kau mau olelo i ko'u puu! Ua oi aku mamua o ko ka meli i ko'u waha.
103How sweet are your promises to my taste, more than honey to my mouth!
104Ma kau mau olelo ao, ua loaa ia'u ka naauao; Nolaila, inaina aku au i na ala wahahee a pau.
104Through your precepts, I get understanding; therefore I hate every false way.
105He kukui no kau olelo no ko'u mau wawae, A he malamalama hoi ia ma ko'u alanui.
105Your word is a lamp to my feet, and a light for my path.
106Ua koohiki no wau, a e hooko no wau, E malama no wau i kau hoopono pololei ana.
106I have sworn, and have confirmed it, that I will obey your righteous ordinances.
107Ua pilikia loa no wau; E Iehova, e hooikaika mai oe ia'u, e like me kau olelo.
107I am afflicted very much. Revive me, LORD, according to your word.
108E Iehova, ke nonoi aku nei au e lealea mai oe i ka mea a kuu waha e haawi wale nei, A e ao mai hoi oe i kou hoopono ana.
108Accept, I beg you, the willing offerings of my mouth. LORD, teach me your ordinances.
109Ua mau no ko'u uhane iloko o ko'u lima: Aole nae au e hoopoina i kou kanawai.
109My soul is continually in my hand, yet I won’t forget your law.
110Ua kau no ka poe hewa i ka mea hei no'u; Aole nae au i haalele i kau mau kauoha.
110The wicked have laid a snare for me, yet I haven’t gone astray from your precepts.
111Ua loaa ia'u kou mau kanawai i hooilina mau loa no'u: No ka mea, oia ka mea e lealea ai ko'u naau.
111I have taken your testimonies as a heritage forever, for they are the joy of my heart.
112Ua hoohuli au i ko'u naau e hana i kau mau olelopaa, A i ke ao pau ole.
112I have set my heart to perform your statutes forever, even to the end.
113Ua ukiuki au i ka poe manao lua; A ua makemake hoi au i kou kanawai.
113I hate double-minded men, but I love your law.
114O oe no ko'u paku, a me ko'u palekaua; Ua hoolana wau ma kau olelo.
114You are my hiding place and my shield. I hope in your word.
115E hele aku oukou, e ka poe hewa, mai o'u aku; No ka mea, e malama no wau i kou kanawai. e Iehova,
115Depart from me, you evildoers, that I may keep the commandments of my God.
116E hookupaa mai oe ia'u, e like me kau olelo, alaila ola au; A mai hoohilahila mai ia'u i ko'u manaolana.
116Uphold me according to your word, that I may live. Let me not be ashamed of my hope.
117E hooikaika mai oe ia'u, alaila palekana wau, A e haliu wau i kau mau olelopaa, a mau loa.
117Hold me up, and I will be safe, and will have respect for your statutes continually.
118Ua hoowahawaha no oe i ka poe a pau i haalele i kou kanawai; No ka mea, he wahahee ko lakou hoopunipuni ana.
118You reject all those who stray from your statutes, for their deceit is in vain.
119Ke hoolilo nei oe i ka poe hewa a pau o ka honua i opala; No ia mea ke makemake nei au i kou mau kanawai.
119You put away all the wicked of the earth like dross. Therefore I love your testimonies.
120Haalulu ko'u io i ka makau ia oe; Ua hopohopo no hoi au i kou hooponopono ana.
120My flesh trembles for fear of you. I am afraid of your judgments.
121Ua hana no wau i ka hoopono, a me ka pololei; Mai hookuu mai oe ia'u i ka poe hookaumaha mai ia'u.
121I have done what is just and righteous. Don’t leave me to my oppressors.
122E haawi mai oe i hoailona ia'u no ka maikai; Mai ao oe i ka hookaumaha ana o ka poe hewa ia'u.
122Ensure your servant’s well-being. Don’t let the proud oppress me.
123Ua poopoo ko'u mau maka no ka iini i kou hoola ana mai, A no na olelo o kou pono.
123My eyes fail looking for your salvation, for your righteous word.
124E hana mai oe i kau kauwa, e like me kou lokomaikai, A e ao mai hoi ia'u i kau mau olelopaa.
124Deal with your servant according to your loving kindness. Teach me your statutes.
125Owau no kau kauwa, e hoonaauao mai oe ia'u, I ike au i kou mau kanawai.
125I am your servant. Give me understanding, that I may know your testimonies.
126O ka manawa keia no Iehova e nana mai ai; Ua uhai lakou i kou kanawai.
126It is time to act, LORD, for they break your law.
127No ia mea, ua makemake au i kau mau kauoha, Mamua o ke gula, a me ke gula maikai.
127Therefore I love your commandments more than gold, yes, more than pure gold.
128Nolaila, manao ae la au i na olelopaa a pau, ua pololei lakou a pau; Ua inaina no hoi au i na aoao wahahee a pau.
128Therefore I consider all of your precepts to be right. I hate every false way.
129He kupanaha no kau ao ana mai; Nolaila ke malama nei ko'u uhane ia lakou.
129Your testimonies are wonderful, therefore my soul keeps them.
130O ka wehewehe ana i kau olelo, oia ka i hoomalamalama mai; Hoonaauao mai no ia i ka poe hupo.
130The entrance of your words gives light. It gives understanding to the simple.
131Hamama ae la ko'u waha, a hanu ae; No ka mea, iini aku au i kau mau kauoha.
131I opened my mouth wide and panted, for I longed for your commandments.
132E haliu mai oe ia'u, e lokomaikai mai hoi. E like me kou hoopono ana i ka poe i aloha i kou inoa.
132Turn to me, and have mercy on me, as you always do to those who love your name.
133E kuhikuhi mai oe i ko'u mau wawae mamuli o kau olelo; Mai hoolanakila i kekahi hewa maluna o'u.
133Establish my footsteps in your word. Don’t let any iniquity have dominion over me.
134E hoopakele mai oe ia'u i ka hoopilikiaia e na kanaka, Alaila, e malama no wau i kau mau kauoha.
134Redeem me from the oppression of man, so I will observe your precepts.
135E hoomalamalama mai kou maka i kau kauwa, A e ao mai oe ia'u i kau olelopaa.
135Make your face shine on your servant. Teach me your statutes.
136Kahe no na muliwai malalo iho o ko'u mau maka, No ko lakou malama ole ana i kou kanawai.
136Streams of tears run down my eyes, because they don’t observe your law.
137He pono no oe, e Iehova, A ua pololei hoi kou hoopono ana.
137You are righteous, LORD. Your judgments are upright.
138Ua pono no na kauoha au i hoike mai ai, A ua oiaio loa hoi.
138You have commanded your statutes in righteousness. They are fully trustworthy.
139Na ko'u manao ikaika i hooki loa mai ia'u, No ka mea, ua hoopoina kou poe enemi i kau mau olelo.
139My zeal wears me out, because my enemies ignore your words.
140He maemae loa kau olelo, Nolaila ua makemake kau kauwa ia mea.
140Your promises have been thoroughly tested, and your servant loves them.
141He mea liilii au, a ua hoowahawahaia, Aole nae au i hoopoina i kau mau olelo ao.
141I am small and despised. I don’t forget your precepts.
142O kou pono, he pono mau loa no ia, A he oiaio kou kanawai.
142Your righteousness is an everlasting righteousness. Your law is truth.
143Ua loaa ia'u ka poino, a me ka popilikia; Aka, o kau mau kauoha ka'u e lealea nei.
143Trouble and anguish have taken hold of me. Your commandments are my delight.
144Ua mau loa no ka pono o kau mau kauoha; E hoonaauao mai oe ia'u, alaila, ola au.
144Your testimonies are righteous forever. Give me understanding, that I may live.
145Kahea aku au me ko'u naau a pau, E hoolohe mai, e Iehova: E malama no wau i kau mau olelopaa.
145I have called with my whole heart. Answer me, LORD! I will keep your statutes.
146Kahea aku au ia oe e hoola mai oe ia'u; Alaila, e malama no wau i kou mau kanawai.
146I have called to you. Save me! I will obey your statutes.
147Manao e no wau mamua o ka wanaao, a hea aku la; Hoolana no hoi au ma kau olelo.
147I rise before dawn and cry for help. I put my hope in your words.
148Manao e no ko'u mau maka mamua o na wati kiai, E noonoo ma kau olelo.
148My eyes stay open through the night watches, that I might meditate on your word.
149E hoolohe mai oe i ko'u leo, e like me kou lokomaikai; E Iehova, e hoola mai oe ia'u, e like me ko'u hoopono ana.
149Hear my voice according to your loving kindness. Revive me, LORD, according to your ordinances.
150Ke hookokoke mai nei ka poe hahai i ka hewa; Ua loihi lakou, mai kou kanawai aku.
150They draw near who follow after wickedness. They are far from your law.
151Ua kokoke mai oe, e Iehova, A ua oiaio hoi kau mau kauoha a pau.
151You are near, LORD. All your commandments are truth.
152Mai mua mai ko'u ike ana i kou mau kanawai, Nau no lakou i hookumu paa loa.
152Of old I have known from your testimonies, that you have founded them forever.
153E nana mai oe i ko'u pilikia, a e hookuu mai ia'u, No ka mea, aole au i hoopoina i kou kanawai.
153Consider my affliction, and deliver me, for I don’t forget your law.
154E hooponopono mai oe i ko'u hoopiiia, a e hoolapanai mai oe ia'u: E hooikaika mai oe ia'u, e like me kau olelo.
154Plead my cause, and redeem me! Revive me according to your promise.
155Ua loihi aku ke ola, mai ka poe hewa aku; No ka mea, aole lakou e imi i kau mau olelopaa.
155Salvation is far from the wicked, for they don’t seek your statutes.
156Nui loa no kou lokomaikai, e Iehova, E hooikaika mai oe ia'u, e like me ka kau hoopono ana.
156Great are your tender mercies, LORD. Revive me according to your ordinances.
157Ua nui no ka poe hoomaau mai ia'u, a me ko'u poe enemi; Aole nae au i haalele i kau hoike ana.
157Many are my persecutors and my adversaries. I haven’t swerved from your testimonies.
158Nana aku la au i ka poe hana me ka hoopunipuni, a hoopailua iho la; No ka mea, aole lakou i malama i kau mau olelo.
158I look at the faithless with loathing, because they don’t observe your word.
159E nana mai, no ka mea, ua aloha au i kau mau kauoha; E Iehova, e hooikaika mai oe ia'u, e like me kau olelo.
159Consider how I love your precepts. Revive me, LORD, according to your loving kindness.
160Ua oiaio no ke poo o kau olelo; A ua mau loa ka hemolele ana o kou hoopono ana.
160All of your words are truth. Every one of your righteous ordinances endures forever.
161Ua hoomaau hala ole mai na'lii ia'u; Aka, ua weliweli ko'u naau i kau mau olelo.
161Princes have persecuted me without a cause, but my heart stands in awe of your words.
162Olioli no wau ma kau olelo, E like me ka mea loaa ka waiwai pio a nui.
162I rejoice at your word, as one who finds great plunder.
163Ke inaina nei au, a hoopailua no hoi i ka wahahee; Aka, ke aloha nei au i kou kanawai.
163I hate and abhor falsehood. I love your law.
164Ehiku no ko'u halelu ana ia oe i ka la hookahi, No kou hoopono pololei ana.
164Seven times a day, I praise you, because of your righteous ordinances.
165Ua nui loa ka maluhia o ka poe i makemake i kou kanawai, Aohe mea e hina'i lakou.
165Those who love your law have great peace. Nothing causes them to stumble.
166Ua hoolana au ma kou hoola ana, e Iehova, A ua hana hoi i kau mau kauoha.
166I have hoped for your salvation, LORD. I have done your commandments.
167Ua malama no ko'u uhane i kou hoike ana, A ua nui loa ko'u makemake ia mea.
167My soul has observed your testimonies. I love them exceedingly.
168Ua malama no wau i kau mau kauoha, a me kou mau kanawai; No ka mea, mamua ou no ko'u mau aoao a pau.
168I have obeyed your precepts and your testimonies, for all my ways are before you.
169E hookokoke aku no ko'u kahea ana imua o kou alo, e Iehova; E hoonaauao mai oe ia'u, e like me kau olelo.
169Let my cry come before you, LORD. Give me understanding according to your word.
170E hiki aku no kau pule imua o kou alo; E hoopakele mai oe ia'u e like me kau olelo.
170Let my supplication come before you. Deliver me according to your word.
171E hoike aku no ko'u mau lehelehe i ka halelu, Ke ao mai oe ia'u i kau mau olelopaa.
171Let my lips utter praise, for you teach me your statutes.
172E hai aku no ko'u elelo i kau olelo; No ka mea, ua hemolele kau mau kauoha a pau.
172Let my tongue sing of your word, for all your commandments are righteousness.
173E haawi mai oe i ko'u lima, i mea kokua no'u; No ka mea, ua wae au ma kau mau olelo ao.
173Let your hand be ready to help me, for I have chosen your precepts.
174Ua iini aku au i kou hoola ana, e Iehova, O kou kanawai, ka'u e hauoli nei.
174I have longed for your salvation, LORD. Your law is my delight.
175E hoola mai i ko'u uhane, alaila, e halelu aku no au ia oe; A na kou hoopono ana, e kokua mai ia'u.
175Let my soul live, that I may praise you. Let your ordinances help me.
176Ua hele hewa au, e like me ka hipa nalowale, E kii mai oe i kau kauwa; No ka mea, aole au i hoopoina i kau mau kauoha.
176I have gone astray like a lost sheep. Seek your servant, for I don’t forget your commandments.
Tip: use the ← and → keys to turn chapters.