Halelu 72
Baibala Hemolele (Hawaiian Bible, 1868 revision)
World English Bible
1E HAAWI i kou mau kanawai i ke alii, e ke Akua, A i kau pono hoi i ke keiki a ke alii.
1God, give the king your justice; your righteousness to the royal son.
2E hooponopono oia i kou poe kanaka ma ka pololei. A i kou poe haahaa ma ka pono.
2He will judge your people with righteousness, and your poor with justice.
3A e halihali mai no na mauna i ka pomaikai i kanaka, A me na puu liilii hoi, ma ka pono.
3The mountains shall bring prosperity to the people. The hills bring the fruit of righteousness.
4E hooponopono oia i ka poe kaumaha o na kanaka, E hoola oia i na keiki a ka poe ilihune, E hana pepe i ka mea hooluhihewa.
4He will judge the poor of the people. He will save the children of the needy, and will break the oppressor in pieces.
5E weliweli mau lakou ia oe i ka wa o ka la, A i ka luli ana o ka mahina, i na hanauna a pau.
5They shall fear you while the sun endures; and as long as the moon, throughout all generations.
6E iho mai no ia e like me ka ua maluna o ka aina mauu i okiia; Me na kulu ua hoi i hoopulu iho i ka honua.
6He will come down like rain on the mown grass, as showers that water the earth.
7E mohala ae ka poe pono i kona mau la, A me ka pomaikai nui a e ole loa ka mahina.
7In his days, the righteous shall flourish, and abundance of peace, until the moon is no more.
8E hoomalu aupuni oia mai ke kai a i ke kai, A mai ka muliwai hoi a i na welelau o ka honua.
8He shall have dominion also from sea to sea, from the River to the ends of the earth.
9A imua o kona alo e kulou iho ai ko ka waonahele; A e palu no hoi kona poe enemi i ka lepo.
9Those who dwell in the wilderness shall bow before him. His enemies shall lick the dust.
10E halihali mai na'lii o Taresisa a o na mokupuni i na makana; A e haawi mai no hoi na'lii o Seheba a me Seba i ko lakou mau haawina.
10The kings of Tarshish and of the islands will bring tribute. The kings of Sheba and Seba shall offer gifts.
11Oia, e moe iho hoi na'lii a pau imua o kona alo; E pau hoi na lahuikanaka i ka malama ia ia.
11Yes, all kings shall fall down before him. All nations shall serve him.
12No ka mea, hoopakele no oia i ka mea waiwai ole i kona kahea ana; I ka mea ilihune hoi, a me ka mea nele i ke kokua ole.
12For he will deliver the needy when he cries; the poor, who has no helper.
13E hookoe mai no oia i ka mea haahaa, a me ka nele, A e hoola hoi i na uhane o ka poe hemahema.
13He will have pity on the poor and needy. He will save the souls of the needy.
14E hoopakele oia i ko lakou uhane i ka wahahee a me ka lalau wale: A he mea minamina ko lakou koko i kona mau maka.
14He will redeem their soul from oppression and violence. Their blood will be precious in his sight.
15E ola no ia, a e haawiia nona ke gula no Seheba: E mau ana no ka pule nona; A e hoomaikai no ia i kela la i keia la.
15He will live; and Sheba’s gold will be given to him. Men will pray for him continually. They will bless him all day long.
16E nui auanei ka palaoa ma ka honua, ma ka piko o na mauna; A e luliluli kona hua e like me Lebanona: A e mohala ae ko ke kulanakauhale me he mauu la o ka honua.
16Abundance of grain shall be throughout the land. Its fruit sways like Lebanon. Let it flourish, thriving like the grass of the field.
17E mau ana no hoi kona inoa; E ulu no kona inoa, a e ole loa ka la: A e pomaikai na kanaka ia ia: E pau hoi na lahuikanaka i ke kapa aku ia ia he pomaikai.
17His name endures forever. His name continues as long as the sun. Men shall be blessed by him. All nations will call him blessed.
18E hoomaikaiia o Iehova ke Akua, ko Iseraela Akua, Ka mea nana wale no i hana na mea kupaianaha.
18Praise be to the LORD God, the God of Israel, who alone does marvelous deeds.
19E hoonani mau loa ia'ku kona inoa ihi, E hoopaapuia ka honua a pau i kona nani; Amene, a Amene.
19Blessed be his glorious name forever! Let the whole earth be filled with his glory! Amen and amen.
20Pau na pule a Davida ke keiki a Iese.
20This ends the prayers by David, the son of Jesse.
Tip: use the ← and → keys to turn chapters.