Psalm 78
Bible Mutal (Kosraean)Translation
Bible Mutal (Kosraean)
Chinese Union Version, punctuated (Simplified)
1Mwet luk, porongo mwe luti luk, Ac lohang nu ke ma nga fahk.
1我的民哪，你们要留心听我的训诲， 侧耳听我口中的话。
2Nga ac orekmakin kas lalmwetmet In aketeya ma lukma in pacl somla,
2我要开口说比喻； 我要说出古时的谜语，
3Ke ma su kut lohng ac etu, Su mwet matu lasr elos srumun nu sesr.
3是我们所听见、所知道的， 也是我们的祖宗告诉我们的。
4Kut ac fah tia okanla ma inge liki tulik natusr; Kut ac fah fahkak nu sin fwil tok uh Ke ku lun LEUM GOD ac orekma yohk lal Ac ma wolana su El oru.
4我们不将这些事向他们的子孙隐瞒， 要将耶和华的美德和他的能力， 并他奇妙的作为，述说给后代听。
5El sang ma sap nu sin mwet Israel Ac ma sap ku nu sin fwil natul Jacob. El sapkin nu sin mwet matu lasr Tuh elos in luti ma sap lal nu sin tulik natulos.
5因为，他在 雅各 中立法度， 在 以色列 中设律法； 是他吩咐我们祖宗要传给子孙的，
6Tuh fwil se tok uh in etu ke ma inge Ac elos in tafwela pac nu sin tulik natulos.
6使将要生的后代子孙可以晓得； 他们也要起来告诉他们的子孙，
7Fin ouinge, elos fah oayapa filiya lulalfongi lalos in God Ac tia mulkunla orekma lal, A elos fah akos ma sap lal pacl e nukewa.
7好叫他们仰望 神， 不忘记 神的作为， 惟要守他的命令。
8Elos ac fah tia oana mwet matu lalos meet ah, Su seakos ac likkeke, Ac lulalfongi lalos tiana ku, Ac elos tia nunak pwaye nu sin God.
8不要像他们的祖宗， 是顽梗悖逆、居心不正之辈， 向着 神，心不诚实。
9Mwet Ephraim elos tuh us pisr ac sukan pisr natulos A elos kaingla in len in mweun.
9以法莲 的子孙带着兵器，拿着弓， 临阵之日转身退后。
10Elos tia liyaung wuleang lalos nu sin God, Ac elos srangesr akos ma sap lal.
10他们不遵守 神的约， 不肯照他的律法行；
11Elos mulkunla orekma lal, Oayapa mwenmen su El oru ye mutalos.
11又忘记他所行的 和他显给他们奇妙的作为。
12God El oru ma usrnguk ye mutun mwet matu lalos In acn Zoan in facl Egypt.
12他在 埃及 地，在 琐安 田， 在他们祖宗的眼前施行奇事。
13God El oralik meoa ac lela tuh elos in fahsr sasla; El oru tuh kof uh in tuyak oana eol.
13他将海分裂，使他们过去， 又叫水立起如垒。
14Ke len uh El kololos ke sie pukunyeng, Ac ke fong uh ke kalem ke e.
14他白日用云彩， 终夜用火光引导他们。
15El foklalik eot uh yen mwesis Ac sang kof nimalos liki acn loal.
15他在旷野分裂磐石， 多多地给他们水喝，如从深渊而出。
16El oru tuh soko infacl srisrik in tuku ke eot uh me, Ac orala tuh kof uh soror oana soko infacl.
16他使水从磐石涌出， 叫水如江河下流。
17Tusruktu, elos srakna orekma koluk lain God, Ac elos lain El Su Fulatlana yen mwesis.
17他们却仍旧得罪他， 在干燥之地悖逆至高者。
18Elos ke pacna srike God Ke elos sapkin tuh Elan kitalos ke mwe mongo elos lungse.
18他们心中试探 神， 随自己所欲的求食物，
19Elos kaskas lain God ac fahk, “Ya God El ku in ase mwe mongo in acn mwesis uh?
19并且妄论 神说： 神在旷野岂能摆设筵席吗？
20Pwaye lah El puokya eot uh Ac kof uh kahkma. Na fuka, El ku pac in ase bread nasr Ac kite mwet lal ke ikwa?”
20他曾击打磐石，使水涌出，成了江河； 他还能赐粮食吗？ 还能为他的百姓预备肉吗？
21Ke ma inge LEUM GOD El kasrkusrak ke El lohng kas lalos. El akkeokye mwet lal ke e, Ac kasrkusrak lal kaclos yokelik,
21所以，耶和华听见就发怒； 有烈火向 雅各 烧起； 有怒气向 以色列 上腾；
22Mweyen wangin lulalfongi lalos in El, Ac elos tia lulalfongi lah El ac ku in molelosla.
22因为他们不信服 神， 不倚赖他的救恩。
23Na God El kaskas nu yen engyeng uh Ac sapkin tuh srungul we in ikakelik;
23他却吩咐天空， 又敞开天上的门，
24El sang wheat inkusrao me Ke El supwama manna nalos.
24降吗哪，像雨给他们吃， 将天上的粮食赐给他们。
25Ouinge, mwet uh mongo ke mwe mongo nun lipufan, Ac God El supwama fal nu ke enenu lalos.
25各人吃大能者的食物； 他赐下粮食，使他们饱足。
26El oayapa oru tuh eng kutulap in tuhyak, Ac ke ku lal El purakak eng eir me.
26他领东风起在天空， 又用能力引了南风来。
27Na El supweya won nu sin mwet lal, Pus oana puk weacn uh.
27他降肉，像雨在他们当中，多如尘土， 又降飞鸟，多如海沙，
28Won inge putati infulwen na nien aktuktuk lalos, Ac raunela lohm nuknuk selos.
28落在他们的营中， 在他们住处的四面。
29Ouinge mwet uh mongo ac arulana kihp, Tuh God El sang nu selos fal nu ke enenu lalos.
29他们吃了，而且饱足； 这样就随了他们所欲的。
30Tusruktu, elos soenna muti ke kena lalos, Ac elos srakna mongo
30他们贪而无厌， 食物还在他们口中的时候，
31Ke God El kasrkusrak selos Ac uniya mukul su fokoko emeet lalos; Aok, mukul fusr su wo emeet sin mwet Israel.
31神的怒气就向他们上腾， 杀了他们内中的肥壮人， 打倒 以色列 的少年人。
32Ne ouinge elos srakna oru ma koluk God El finne orek mwenmen nu selos, ac elos srakna tia lulalfongel.
32虽是这样，他们仍旧犯罪， 不信他奇妙的作为。
33Ke ma inge God El aksafye len lalos oana lusen mong se; In kitin pacl na El arulana kunausla moul lalos.
33因此，他叫他们的日子全归虚空， 叫他们的年岁尽属惊恐。
34Pacl nukewa ma God El ac onela kutu selos Na mwet lula uh ac forla nu sel, Elos ac auliyak ac pre ke kuiyalos nufon.
34他杀他们的时候，他们才求问他， 回心转意，切切地寻求 神。
35Elos esamak lah God El nien molela lalos, Ac El Su Kulana El tuku kasrelos.
35他们也追念 神是他们的磐石， 至高的 神是他们的救赎主。
36Tusruktu kas nukewa lalos kikiap — Tiana pwaye ma elos fahk.
36他们却用口谄媚他， 用舌向他说谎。
37Elos tia nunak pwaye nu sel; Elos tia inse pwaye nu ke wuleang lalos nu sel.
37因他们的心向他不正， 在他的约上也不忠心。
38Tusruktu, God El pakomuta mwet lal. El nunak munas ke ma koluk lalos Ac tia kunauselosla. Pacl pus El sruokya mulat lal lukelos, Ac kutongya kasrkusrak lal.
38但他有怜悯， 赦免他们的罪孽， 不灭绝他们， 而且屡次消他的怒气， 不发尽他的忿怒。
39El esam lah mwet inge elos mwet moul in ikwa, Moul lalos oana eng uh ke ac tuhwot ac tia folok.
39他想到他们不过是血气， 是一阵去而不返的风。
40Pus na pacl elos aktoasrye God yen mwesis, Oayapa pus na pacl elos aksupwaryal.
40他们在旷野悖逆他， 在荒地叫他担忧，何其多呢！
41Pus na pacl elos srike God Ac akkeokye insien God Mutal lun Israel.
41他们再三试探 神， 惹动 以色列 的圣者。
42Elos mulkunla ku lulap lal Ac len se El tuh molelosla liki mwet lokoalok lalos,
42他们不追念他的能力 和赎他们脱离敌人的日子；
43Ac orala ma ku ac usrnguk In acn Zoan in facl Egypt.
43他怎样在 埃及 地显神迹， 在 琐安 田显奇事，
44El ekulla infacl we nu ke srah Na wangin kof mwet Egypt in nim.
44把他们的江河并河汊的水都变为血， 使他们不能喝。
45El supwala un loang nu inmasrlolos, mwe akkeokyalos, Ac frog in kunausla acn selos.
45他叫苍蝇成群落在他们当中，嘬尽他们， 又叫青蛙灭了他们，
46El supwala locust in kangla fokinsak sunalos Ac in kunausla ima lalos.
46把他们的土产交给蚂蚱， 把他们辛苦得来的交给蝗虫。
47El kunausla ima grape lalos ke af yohk kosra, Ac kunausla sak fig ke aunfong oyohu.
47他降冰雹打坏他们的葡萄树， 下严霜打坏他们的桑树，
48El uniya cow natulos ke af yohk kosra, Ac un kosro natulos ke sarom.
48又把他们的牲畜交给冰雹， 把他们的群畜交给闪电。
49El srunglulos Ke kasrkusrak ac mulat lal, Oana sie un lipufan su tuku in use misa.
49他使猛烈的怒气和忿怒、恼恨、苦难 成了一群降灾的使者，临到他们。
50El tia sruokya mulat lal Ku molela moul lalos, A El onelos ke mwe akkeok.
50他为自己的怒气修平了路， 将他们交给瘟疫， 使他们死亡，
51El uniya wounse nukewa In sou nukewa lun mwet Egypt.
51在 埃及 击杀一切长子， 在 含 的帐棚中击杀他们强壮时头生的。
52Na El kolla mwet lal oana sie shepherd, Ac pwanulos sasla yen mwesis.
52他却领出自己的民如羊， 在旷野引他们如羊群。
53El kololos in misla ac elos tia sangeng, A meoa tuku ac afunla mwet lokoalok lalos.
53他领他们稳稳妥妥地，使他们不致害怕； 海却淹没他们的仇敌。
54El kololos nu ke acn mutal sel, Nu ke eol we su El sifacna eisla.
54他带他们到自己圣地的边界， 到他右手所得的这山地。
55El lusak mwet in facl sac ke mwet lal elos utyak Ac El kitalik acn selos nu sin sruf lun Israel, Ac sang lohm sin mwet we nu sin mwet lal.
55他在他们面前赶出外邦人， 用绳子将外邦的地量给他们为业， 叫 以色列 支派的人住在他们的帐棚里。
56Tusruktu, elos tuyak lain God Kulana, Ac kena sifilpa srikal. Elos tia akos ma sap lal,
56他们仍旧试探、悖逆至高的 神， 不守他的法度，
57A elos forla liki God ac tia pwaye nunak lalos nu sel, oapana mwet matu lalos meet ah; Elos sesuwos oana soko sukan pisr kururu.
57反倒退后，行诡诈，像他们的祖宗一样； 他们改变，如同翻背的弓。
58Elos arulana akkasrkusrakye God ke nien alu lalos Ac ke ma sruloala lalos.
58因他们的邱坛惹了他的怒气； 因他们雕刻的偶像触动他的愤恨。
59God El arulana mulat ke El liye ma inge, Ac El sisla na pwaye mwet Israel.
59神听见就发怒， 极其憎恶 以色列 人。
60God El som liki lohm nuknuk sel in Shiloh, Lohm se su El muta loac inmasrlosr.
60甚至他离弃 示罗 的帐幕， 就是他在人间所搭的帐棚；
61El lela tuh mwet lokoalok lasr in sruokya Tuptup in Wuleang, Su akilenyen ku ac wolana lal.
61又将他的约柜交与人掳去， 将他的荣耀交在敌人手中；
62El arulana toasr sin mwet lal Ac El lela tuh elos in anwuki sin mwet lokoalok lalos.
62并将他的百姓交与刀剑， 向他的产业发怒。
63Mukul fusr elos misa ke mweun, Ac mutan fusr uh wangin mwet elos in payuk se.
63少年人被火烧灭； 处女也无喜歌。
64Mwet tol elos anwuki, Na tia lela tuh katinmas kialos in eoksra.
64祭司倒在刀下， 寡妇却不哀哭。
65Na Leum El sifil ngutalik oana mwet se su motul ngutalik — El oana sie mukul fokoko su pirikyukyak ke sripen wain.
65那时，主像世人睡醒， 像勇士饮酒呼喊。
66Na El ukwauk mwet lokoalok ac kutangulosla, Pwanang elos mwekinla nwe tok.
66他就打退了他的敌人， 叫他们永蒙羞辱；
67Tusruk El sisla sruf lal Joseph, Ac El tia sulela sruf lal Ephraim.
67并且他弃掉 约瑟 的帐棚， 不拣选 以法莲 支派，
68A El sulela sruf lal Judah, Oayapa Eol Zion, su El arulana lungse.
68却拣选 犹大 支派—他所喜爱的 锡安山 ；
69El musaela Tempul lal ingo, In oana lohm sel inkusrao. El oru in okak ac ku, oana faclu, Su oakwuki nwe tok.
69盖造他的圣所，好像高峰， 又像他建立永存之地；
70God El sulella David, mwet kulansap lal, Su El usalu liki inima,
70又拣选他的仆人 大卫 ， 从羊圈中将他召来，
71Acn el muta liyaung sheep we, Ac El oru tuh elan tokosra fin Israel — Elan oana sie mwet shepherd lun mwet lun God.
71叫他不再跟从那些带奶的母羊， 为要牧养自己的百姓 雅各 和自己的产业 以色列 。
72Ouinge David el liyalosyang ke inse pwaye Ac ke pah in nunak lal, el kololos.
72于是，他按心中的纯正牧养他们， 用手中的巧妙引导他们。
Tip: use the ← and → keys to turn chapters.