Ioba 40
Baibala Hemolele (Hawaiian Bible, 1868 revision)
Modern Hebrew Bible
1OLELO mai hoi o Iehova ia Ioba, i mai la,
1ויען יהוה את איוב ויאמר׃
2O ka mea hoopaapaa i ka Mea mana, e ao mai anei ia ia ia? O ka mea e ao mai i ke Akua, nana no e ekemu mai.
2הרב עם שדי יסור מוכיח אלוה יעננה׃
3Alaila, olelo aku o Ioba ia Iehova, i aku la,
3ויען איוב את יהוה ויאמר׃
4Aia hoi, ua inoino wau; Heaha ka'u e ekemu aku ai ia oe? E kau aku au i kuu lima maluna o kuu waha.
4הן קלתי מה אשיבך ידי שמתי למו פי׃
5Hookahi ka'u olelo ana, aka, aole au e ekemu hou; A elua hoi, aka, aole au e olelo hou aku.
5אחת דברתי ולא אענה ושתים ולא אוסיף׃
6Alaila olelo mai o Iehova ia Ioba mailoko mai o ka puahiohio, i mai la,
6ויען יהוה את איוב מן סערה ויאמר׃
7E kakoo oe ano, me he kanaka la, i kou puhaka: E ninau aku au ia oe, a hoike mai oe ia'u.
7אזר נא כגבר חלציך אשאלך והודיעני׃
8E hoole anei hoi oe i ko'u pono? E hoahewa anei oe ia'u, i hoaponoia'i oe?
8האף תפר משפטי תרשיעני למען תצדק׃
9He lima anei kou e like me ko ke Akua? E hiki anei ia oe ke hoohekili me ka leo e like me kona?
9ואם זרוע כאל לך ובקול כמהו תרעם׃
10E hoonani oe ano ia oe iho me ka hanohano a me ko kiekie; E hoaalu hoi ia oe iho i ka nani a me ka mahalo.
10עדה נא גאון וגבה והוד והדר תלבש׃
11E hookuu aku oe i kou huhu ikaika: A nana aku i ka mea kiekie a pau, a hoohaahaa ia ia.
11הפץ עברות אפך וראה כל גאה והשפילהו׃
12E nana aku i ka mea haaheo a pau, a e hookulou ia ia; A e hehi iho ilalo i ka poe hewa ma ko lakou wahi.
12ראה כל גאה הכניעהו והדך רשעים תחתם׃
13E hoonalo pu ia lakou iloko o ka lepo; E uhi i ko lakou maka i ka pouli.
13טמנם בעפר יחד פניהם חבש בטמון׃
14Alaila e hooia aku au ia oe, E hiki no i kou lima akau ke hoola ia oe iho.
14וגם אני אודך כי תושע לך ימינך׃
15E nana ano i ka behemo, ka mea a'u i hana'i me oe; Ua ai no ia i ka weuweu e like me ka bipi.
15הנה נא בהמות אשר עשיתי עמך חציר כבקר יאכל׃
16Aia hoi, ano, o kona ikaika ma kona puhaka, O kona mana hoi ma na wahi paa o kona opu.
16הנה נא כחו במתניו ואנו בשרירי בטנו׃
17Ua kunini no ia i kona huelo me he laau kedera la, O na olona o kona uha ua ulana pu ia.
17יחפץ זנבו כמו ארז גידי פחדו ישרגו׃
18O kona mau iwi me na auka keleawe, O kona mau iwi, ua like me na auka hao.
18עצמיו אפיקי נחושה גרמיו כמטיל ברזל׃
19Oia ke pookela o na hana a ke Akua! O ka mea nana ia i hana, haawi no ia i pahikaua nana.
19הוא ראשית דרכי אל העשו יגש חרבו׃
20Ua hoohua mai na mauna i ka ai nana, A malaila na holoholona a pau o ke kula i paani ai.
20כי בול הרים ישאו לו וכל חית השדה ישחקו שם׃
21Moe iho no ia malalo o na laau malu, Maloko o kahi nalo o ka ohe a me ke kiolepo.
21תחת צאלים ישכב בסתר קנה ובצה׃
22Uhi iho la na laau malu ia ia me ko lakou malu; A puni mai ia ia na wilou o ke kahawai.
22יסכהו צאלים צללו יסבוהו ערבי נחל׃
23Aia hoi, huai mai ka muliwai, aole ia i holo aku, Noho malie no ia i ka wa i huai mai ai o Ioredane i kona waha.
23הן יעשק נהר לא יחפוז יבטח כי יגיח ירדן אל פיהו׃
24Imua o kona mau maka e hopu anei kekahi ia ia? A e hoopuka aku i kona ihu i ka lou?
24בעיניו יקחנו במוקשים ינקב אף׃
Tip: use the ← and → keys to turn chapters.