Saame 147
Tongan Bible, Revised West VersionTranslation
Tongan Bible, Revised West Version
JPS Tanakh (Jewish Publication Society, 1917)
1Mou fakamālō kia Sihova: he ʻoku lelei ke hiva fakamālō ki hotau ʻOtua; he ʻoku mālie ia; pea ʻoku ngali ʻae fakamālō.
1Hallelujah; for it is good to sing praises unto our God; for it is pleasant, and praise is comely.
2ʻOku langa hake ʻe Sihova ʻa Selūsalema: ʻoku ne tānaki fakataha ʻae kau ʻIsileli naʻe fakahēʻi
2The LORD doth build up Jerusalem, He gathereth together the dispersed of Israel;
3ʻOku ne fakamoʻui ʻakinautolu ʻoku loto mafesi, ʻo ne nonoʻo honau ngaahi lavea.
3Who healeth the broken in heart, and bindeth up their wounds.
4ʻOku ne tala hono lau ʻoe ngaahi fetuʻu; ʻoku ne ui ʻakinautolu kotoa pē ʻi honau ngaahi hingoa.
4He counteth the number of the stars; He giveth them all their names.
5Ko hotau ʻEiki ʻoku lahi ia, pea lahi hono mālohi: ko ʻene ʻilo ʻoku taʻengata.
5Great is our Lord, and mighty in power; His understanding is infinite.
6ʻOku hiki hake ʻe Sihova ʻae angamalū: ʻoku lī ʻe ia ʻae angahala ki he kelekele.
6The LORD upholdeth the humble; He bringeth the wicked down to the ground.
7Hiva kia Sihova ʻaki ʻae fakafetaʻi; hiva fakamālō ʻi he haʻape ki hotau ʻOtua:
7Sing unto the LORD with thanksgiving, sing praises upon the harp unto our God;
8ʻAia ʻoku ne ʻufiʻufi ʻaki ʻae langi ʻae ngaahi ʻao, ʻoku ne teuteu ʻae ʻuha ki he kelekele, mo ne fakatupu ʻae mohuku ʻi he ngaahi moʻunga.
8Who covereth the heaven with clouds, who prepareth rain for the earth, who maketh the mountains to spring with grass.
9ʻOku ne foaki ki he manu ʻene meʻakai, pea ki he fanga leveni iiki ʻaia ʻoku tangi.
9He giveth to the beast his food, and to the young ravens which cry.
10ʻOku ʻikai fiefia ia ʻi he mālohi ʻoe hoosi: ʻoku ʻikai fiefia ia ʻi he kau vaʻe ʻoe tangata.
10He delighteth not in the strength of the horse; He taketh no pleasure in the legs of a man.
11ʻOku fiefia ʻa Sihova ʻiate kinautolu ʻoku nau manavahē kiate ia, ʻiate kinautolu ʻoku nau ʻamanaki ki heʻene ʻaloʻofa.
11The LORD taketh pleasure in them that fear Him, in those that wait for His mercy.
12Fakamālō kia Sihova, ʻE Selūsalema; fakamālō ki ho ʻOtua, ʻE Saione.
12Glorify the LORD, O Jerusalem; praise thy God, O Zion.
13He kuo ne fakamālohi ʻae ngaahi songo ʻo ho ngaahi matapā; kuo ne tāpuakiʻi hoʻo fānau ʻi loto ʻiate koe.
13For He hath made strong the bars of thy gates; He hath blessed thy children within thee.
14ʻOku fakatupu ʻe ia ʻae melino ʻi ho ngaahi potu, pea ʻoku ne fakamahu ʻaki koe ʻae uite ʻoku fungani lelei.
14He maketh thy borders peace; He giveth thee in plenty the fat of wheat.
15ʻOku ne tuku atu ʻene fekau ki māmani: ʻoku vave ʻaupito ʻae lele atu ʻo ʻene folofola,
15He sendeth out His commandment upon earth; His word runneth very swiftly.
16ʻOku ne foaki ʻae ʻuha hinehina ʻo hangē ko e fulufuluʻi sipi: ʻoku ne tūtuuʻi ʻae hahau kuo fefeka ʻo hangē ko e efuefu.
16He giveth snow like wool; He scattereth the hoar-frost like ashes.
17ʻOku ne laku atu ʻae ʻuha maka ʻo hangē ko e ngaahi momoʻi meʻa siʻi: ko hai ʻe faʻa kātaki hono momoko?
17He casteth forth His ice like crumbs; who can stand before His cold?
18ʻOku ne fekau atu ʻene folofola, pea ʻoku vai ai ia: ʻoku ne pule ke angi ʻene matangi, pea ʻoku tafe atu ʻae ngaahi vai.
18He sendeth forth His word, and melteth them; He causeth His wind to blow, and the waters flow.
19ʻOku ne fakahā ʻene folofola kia Sēkope, ʻa ʻene ngaahi tuʻutuʻuni mo ʻene ngaahi fakamaau ki ʻIsileli.
19He declareth His word unto Jacob, His statutes and His ordinances unto Israel.
20Naʻe ʻikai te ne fai pehē ki ha puleʻanga ʻe taha: pea ko ʻene ngaahi fakamaau, naʻe ʻikai tenau ʻilo ki ai. Mou fakamālō kia Sihova.
20He hath not dealt so with any nation; and as for His ordinances, they have not known them. Hallelujah.
Tip: use the ← and → keys to turn chapters.