Saame 48
Tongan Bible, Revised West VersionTranslation
Tongan Bible, Revised West Version
JPS Tanakh (Jewish Publication Society, 1917)
1ʻOku lahi ʻa Sihova, pea ʻoku lelei ke fakamālō lahi kiate ia, ʻi he kolo ʻa hotau ʻOtua, ʻi he moʻunga ʻo ʻene māʻoniʻoni.
1(48-1) A Song; a Psalm of the sons of Korah. (48-2) Great is the LORD, and highly to be praised, in the city of our God, His holy mountain,
2Ko e tuʻunga matamatalelei ʻae moʻunga ko Saione, ko e fiefiaʻanga ʻo māmani kotoa pē, ʻoku ʻi hono potu tokelau ʻae kolo ʻoe Tuʻi lahi.
2(48-3) Fair in situation, the joy of the whole earth; even mount Zion, the uttermost parts of the north, the city of the great King.
3ʻOku ʻilo ʻae ʻOtua ko e hūfanga ʻi hono ngaahi fale lahi ʻo ia.
3(48-4) God in her palaces hath made Himself known for a stronghold.
4Pea vakai, naʻe fakataha ʻae ngaahi tuʻi, naʻa nau ʻalu atu fakataha.
4(48-5) For, lo, the kings assembled themselves, they came onward together.
5Naʻa nau mamata ai, pea nau ofo; naʻa nau mamahi, pea hola.
5(48-6) They saw, straightway they were amazed; they were affrighted, they hasted away.
6Naʻe tuia ʻakinautolu ʻi ai ʻi he manavahē, mo e mamahi, ʻo hangē ko e fefine ʻoku langā.
6(48-7) Trembling took hold of them there, pangs, as of a woman in travail.
7ʻOku ke maumauʻi ʻae ngaahi vaka ʻo Tasisi ʻaki ʻae matangi hahake.
7(48-8) With the east wind Thou breakest the ships of Tarshish.
8Hangē ko ia naʻa mau fanongo, kuo pehē ʻemau mamata ʻi he kolo ʻa Sihova ʻoe ngaahi kautau, ʻi he kolo ʻa hotau ʻOtua: ʻe fakatuʻumaʻu ia ʻe he ʻOtua ʻo taʻengata. Sila.
8(48-9) As we have heard, so have we seen in the city of the LORD of hosts, in the city of our God — God establish it for ever. Selah
9Kuo mau manatu ki hoʻo ʻaloʻofa, ʻE ʻOtua, ʻi ho loto faletapu.
9(48-10) We have thought on Thy lovingkindness, O God, in the midst of Thy temple.
10ʻO hangē ko ho huafa, ʻE ʻOtua, ʻoku pehē ho ongoongolelei ki he ngaahi ngataʻanga ʻo māmani; ʻoku pito ho nima toʻomataʻu ʻi he māʻoniʻoni.
10(48-11) As is Thy name, O God, so is Thy praise unto the ends of the earth; Thy right hand is full of righteousness.
11Tuku ke fiefia ʻae moʻunga ko Saione, tuku ke nekeneka ʻae ngaahi ʻofefine ʻo Siuta, ko e meʻa ʻi hoʻo ngaahi fakamaau.
11(48-12) Let mount Zion be glad, let the daughters of Judah rejoice, because of Thy judgments.
12Mou ʻeveʻeva takatakai ʻi Saione, ʻo ʻalu fakatakamilo ʻiate ia: lau hono ngaahi fale māʻolunga ʻo ia.
12(48-13) Walk about Zion, and go round about her; count the towers thereof.
13Mou vakai lelei ki hono ngaahi puke, tokanga ki hono ngaahi fale lahi; koeʻuhi ke mou tala ia ki he toʻutangata ʻe hoko.
13(48-14) Mark ye well her ramparts, traverse her palaces; that ye may tell it to the generation following.
14“He ko e ʻOtua ni ko hotau ʻOtua ʻo lauikuonga pea taʻengata: te ne tauhi ʻakitautolu ʻo aʻu ki he mate.”
14(48-15) For such is God, our God, for ever and ever; He will guide us eternally.
Tip: use the ← and → keys to turn chapters.