Matthew 24
Bible Mutal (Kosraean)Translation
Bible Mutal (Kosraean)
Chinese Union Version, punctuated (Traditional)
1Jesus el fahsr liki Tempul ac ke el som, mwet tumal lutlut elos tuku nu yorol ac srisrngi nu sel musaiyen lohm ke Tempul uh.
1耶穌出了 聖 殿，正走的時候，門徒進前來，把殿宇指給他看。
2Ac el fahk, “Aok, wo komtal in liye ma inge nukewa. Pwayena nga fahk nu suwos, wangin sie sin eot inge ac fah oan yen oan we uh — nufonna ac fah oeyuki.”
2耶穌對他們說：「你們不是看見這殿宇嗎？我實在告訴你們，將來在這裏沒有一塊石頭留在石頭上，不被拆毀了。」
3Ke Jesus el muta Fineol Olive, mwet tumal lutlut elos tuku nu yorol in lukma ac siyuk sel, “Fahkma nu sesr lah ma inge ac sikyak ngac, ac pia akilenyen tuku lom uh ac saflaiyen faclu.”
3耶穌在 橄欖山 上坐着，門徒暗暗地來說：「請告訴我們，甚麼時候有這些事？你降臨和世界的末了有甚麼預兆呢？」
4Jesus el topuk ac fahk nu selos, “Liyekowosyang, tuh kowos in tia kiapweyukla sin kutena mwet.
4耶穌回答說：「你們要謹慎，免得有人迷惑你們。
5Mwet puspis ac mau tuku, su fahk mu elos kaskas inek, ac fahk, ‘Nga pa Messiah!’ Ac elos ac kiapwela mwet puspis.
5因為將來有好些人冒我的名來，說：『我是基督』，並且要迷惑許多人。
6Kowos ac fah lohng pusren mweun yen apkuran, ac pweng ke mweun yen loessula me, tusruktu nik kowos fosrnga. Ma inge ac nuna sikyak, tusruktu tia pa inge saflaiyen faclu.
6你們也要聽見打仗和打仗的風聲，總不要驚慌；因為 這些事 是必須有的，只是末期還沒有到。
7Mutanfahl ac fah tuyak lain mutanfahl, tokosrai ac fah lain sie sin sie. Ac fah oasr sracl lulap ac kusrusr in acn nukewa.
7民要攻打民，國要攻打國；多處必有饑荒、地震。
8Ma inge nukewa oana polo ngal se meet lun sie mutan su akola in isus.
8這都是災難的起頭。
9“Na mwet uh ac mau sruokkowosi ac eiskowosyang in akkeokye kowos nwe ke anwuki kowos. Mwet e nukewa ac fah srungakowos ke sripuk.
9那時，人要把你們陷在患難裏，也要殺害你們；你們又要為我的名被萬民恨惡。
10Mwet puspis ac fah fuhleak lulalfongi lalos ke pacl sacn; elos ac tukakunak sie sin sie, ac kwase sie sin sie.
10那時，必有許多人跌倒，也要彼此陷害，彼此恨惡；
11Na mwet palu kikiap puspis ac fah sikyak ac kiapwela mwet puspis.
11且有好些假先知起來，迷惑多人。
12Ke sripen ma koluk uh ac yokyokelik in acn nukewa, oru lungse lun mwet uh ac sriksrikeni.
12只因不法的事增多，許多人的愛心才漸漸冷淡了。
13Tusruktu, kutena mwet su muteng nwe ke safla, el ac fah moul.
13惟有忍耐到底的，必然得救。
14Ac Pweng Wo inge ke Tokosrai uh ac fah lutiyuk fin faclu nufon in mwe loh nu sin mwet nukewa; na faclu fah safla.
14這天國的福音要傳遍天下，對萬民作見證，然後末期才來到。」
15“Kowos ac fah liye Mwe Srungayuk Lulap ma mwet palu Daniel el tuh fahkak kac. Ma sruloala se inge ac fah tulokyak in acn mutal uh.” (El su rit kas inge, lela elan etu kalmac!)
15「你們看見先知 但以理 所說的『那行毀壞可憎的』站在聖地（讀 這經 的人須要會意）。
16“Na elos su muta Judea elos ac enenu in kaingla nu fineol uh.
16那時，在 猶太 的，應當逃到山上；
17Sie mwet su muta fin mangon lohm sel uh elan tia sisla pacl in oatui ac eis kutena ma lal liki lohm sel uh.
17在房上的，不要下來拿家裏的東西；
18Mwet se su muta in ima uh elan tia folokla in eis coat lal.
18在田裏的，也不要回去取衣裳。
19Ac fah arulana koluk nu sin mutan su pitutu in pacl sac, ac mutan su tufahna isusla uh.
19當那些日子，懷孕的和奶孩子的有禍了。
20Pre nu sin God tuh kowos fah tia enenu in kaingla in pacl in mihsrisr, ku ke len Sabbath!
20你們應當祈求，叫你們逃走的時候，不遇見冬天或是安息日。
21Tuh mwe ongoiya in pacl sac ac fah arulana yohk liki kutena kain koluk ma sikyak oemeet me nwe misenge. Ac fah tia pac sikyak ouinge nwe tok.
21因為那時必有大災難，從世界的起頭直到如今，沒有這樣的災難，後來也必沒有。
22Tusruktu God El akpuyela tari pisen len uh; El funu tia oru ouinge, lukun wangin mwet moulla. Tusruktu ke sripen mwet su El sulela, God El ac akpuyela len uh.
22若不減少那日子，凡有血氣的總沒有一個得救的；只是為選民，那日子必減少了。
23“Na kutena mwet fin fahk nu suwos, ‘Liye! Messiah el a inge!’ Ku el fin fahk, ‘El a ingo!’ — nimet kowos lulalfongi.
23那時，若有人對你們說：『基督在這裏』，或說：『基督在那裏』，你們不要信！
24Tuh Messiah kikiap ac mwet palu kikiap ac fah sikyak; elos ac fah oru ma usrnguk ac ma sakirik puspis in kiapwela mwet sulela lun God, elos fin ku.
24因為假基督、假先知將要起來，顯大神蹟、大奇事，倘若能行，連選民也就迷惑了。
25Lohng akwoye! Nga akkalemye ma inge nu suwos meet liki pacl ac sikyak.
25看哪，我預先告訴你們了。
26“Mwet fin fahk nu suwos, ‘Liye! El oasr yen mwesis ah!’ — nimet som nu we; ku, elos fin fahk, ‘Liye, el a wikla in lohm uh!’ — nimet kowos lulalfongi.
26若有人對你們說：『看哪，基督在曠野裏』，你們不要出去！ 或說 ：『看哪，基督在內屋中』，你們不要信！
27Tuh Wen nutin Mwet el ac tuku oana sarom uh su sarmelik apunla kusrao nufon, kutulap nwe roto.
27閃電從東邊發出，直照到西邊。人子降臨也要這樣。
28“Kutena acn ma oasr mano misa we, won ma kang mano misa uh elos ac ueni we.
28屍首在哪裏，鷹也必聚在那裏。」
29“Ac tia paht tukun mwe ongoiya in len ingo, faht uh ac fah lohsrla, malem uh ac fah tia sifil kalem, itu uh fah putatla liki kusrao, ac ku su oan yen engyeng uh ac fah lisyukla liki acn selos.
29「那些日子的災難一過去， 日頭就變黑了， 月亮也不放光， 眾星要從天上墜落， 天勢都要震動。
30Na mwe akul lun Wen nutin Mwet ac fah sikme yen engyeng uh; ac mwet nukewa fin faclu ac fah tung ke elos liye Wen nutin Mwet el tuku inkusrao me fin pukunyeng uh ke ku ac wolana yohk lal.
30那時，人子的兆頭要顯在天上，地上的萬族都要哀哭。他們要看見人子，有能力，有大榮耀，駕着天上的雲降臨。
31Pusren mwe ukuk lulap ac fah kasla, ac Wen nutin Mwet el fah supwalik lipufan lal nu fin faclu nufon, ac elos ac fah eisani mwet sulosolla lal liki acn nukewa faclu.
31他要差遣使者，用號筒的大聲，將他的選民，從四方，從天這邊到天那邊，都招聚了來。」
32“Lela sak fig uh in luti kowos ke sie mwe luti. Ke pacl se lesak uh tufahna srunak sroa, na kowos etu lah pacl fol uh apkuran me.
32「你們可以從無花果樹學個比方：當樹枝發嫩長葉的時候，你們就知道夏天近了。
33In luma sac pacna, ke kowos ac liye ma inge nukewa, kowos ac etu lah pacl uh apkuran me, akuranna mutauauk.
33這樣，你們看見這一切的事，也該知道人子近了，正在門口了。
34Pwayena nga fahk nu suwos, lah ma inge nukewa ac sikyak meet liki mwet ma moul in pacl se inge ac misa.
34我實在告訴你們，這世代還沒有過去，這些事都要成就。
35Kusrao ac faclu ac fah wanginla, a kas luk ac fah tiana wanginla.
35天地要廢去，我的話卻不能廢去。」
36“Tusruktu, wangin mwet etu lah len sac ku ao sac ac tuku ngac — tia pac lipufan inkusrao, ku Wen. Papa mukefanna pa etu.
36「但那日子，那時辰，沒有人知道，連天上的使者也不知道，子也不知道，惟獨父知道。
37Pacl in tuku lun Wen nutin Mwet ac fah oana ke ma tuh sikyak in len lal Noah ah.
37挪亞 的日子怎樣，人子降臨也要怎樣。
38Kutu len meet liki sronot sac, mwet uh mongo ac nim, mukul ac mutan orek payuk, nwe ke na len se ma Noah el sroang nu fin oak ah.
38當洪水以前的日子，人照常吃喝嫁娶，直到 挪亞 進方舟的那日；
39Elos tiana etu ke ma ac sikyak uh, nwe ke na sronot ah tuku, ac pahtkakunulosla. Ac fah ouinge pac ke pacl se Wen nutin Mwet el ac tuku uh.
39不知不覺洪水來了，把他們全都沖去。人子降臨也要這樣。
40In pacl sacn, mukul luo ac tukeni orekma inima uh: sie ac fah utukla, ac sie ac mutana.
40那時，兩個人在田裏，取去一個，撇下一個。
41Mutan luo ac fah tukeni ilil flao ke sie mwe ilil: sie ac fah utukla, ac sie ac mutana.
41兩個女人推磨，取去一個，撇下一個。
42Ke ma inge kowos tawi ac karinganang, mweyen kowos tia etu len se Leum lowos el ac tuku.
42所以，你們要警醒，因為不知道你們的主是哪一天來到。
43Funu sie mwet etu ke pacl sie mwet pisrapasr ac tuku nu lohm sel an, kalem lah el ac ngetnget na ac tia lela mwet pisrapasr sac in kunauselik lohm sel ac utyak.
43家主若知道幾更天有賊來，就必警醒，不容人挖透房屋；這是你們所知道的。
44Ke ma inge, kowos pac, kowos enenu in akola pacl nukewa, mweyen Wen nutin Mwet el ac tuku ke sie ao ma kowos tia etu kac.
44所以，你們也要預備，因為你們想不到的時候，人子就來了。」
45“Na su sie mwet kulansap oaru ac lalmwetmet? El pa mwet se su leum lal el filiya in kol mwet kulansap wial, ac elan kitalos ke pacl fal uh.
45「誰是忠心有見識的僕人，為主人所派，管理家裏的人，按時分糧給他們呢？
46Fuka lupan insewowo lun mwet kulansap se inge leum lal el fin foloko nu lohm sel ac konauk lah el oru ma inge!
46主人來到，看見他這樣行，那僕人就有福了。
47Pwayena nga fahk nu suwos, leum sac el ac sang tuh mwet kulansap se inge in liyaung ma lal nukewa.
47我實在告訴你們，主人要派他管理一切所有的。
48Tusruktu, el fin mwet kulansap koluk se, el ac sifacna nunku sel mu leum se lal inge ac tia sa in foloko,
48倘若那惡僕心裏說：『我的主人必來得遲』，
49na el ac mutawauk in uni mwet kulansap wial, ac mongo ac nimnim yurin mwet sruhi.
49就動手打他的同伴，又和酒醉的人一同吃喝。
50Na leum lun mwet kulansap sac ac foloko ke len se ac ao se ma mwet kulansap sac tia etu kac.
50在想不到的日子，不知道的時辰，那僕人的主人要來，
51Leum lal ac sang kai na upa nu sel, oana ma fal nu sin sie mwet wosounkas. Ingo el ac fah tung, keok ac ngalis inwihsel.
51重重地處治他，定他和假冒為善的人同罪；在那裏必要哀哭切齒了。」
Tip: use the ← and → keys to turn chapters.