Genesis 9
Bible Mutal (Kosraean)Translation
Bible Mutal (Kosraean)
Chinese Union Version, punctuated (Traditional)
1God El akinsewowoyal Noah ac wen tolu natul, ac fahk, “Kowos isusi, tuh fwilin tulik nutuwos fah puseni ac nwakla faclu nufon.
1上帝賜福給 挪亞 和他的兒子，對他們說：「你們要生養眾多，遍滿了地。
2Kosro ac won ac ik nukewa ac fah moul in sangeng suwos. Ma inge nukewa ac fah oan ye ku lowos.
2凡地上的走獸和空中的飛鳥都必驚恐，懼怕你們，連地上一切的昆蟲並海裏一切的魚都交付你們的手。
3Inge kowos ku in kang ma inge, oapana fokin ma kapak inima uh. Nga sot ma inge nukewa nu suwos kowos in mongo kac.
3凡活着的動物都可以作你們的食物。這一切我都賜給你們，如同菜蔬一樣。
4Ma se na ma kowos fah tia kang uh pa ikwa ma srakna oasr srah kac, mweyen moul uh oasr ke srah uh.
4惟獨肉帶着血，那就是牠的生命，你們不可吃。
5Kutena mwet su eisla moul lun sie pac mwet, ac fah anwuki el. Kutena kosro ma eisla moul lun sie mwet, kalya nu sel pa misa.
5流你們血、害你們命的，無論是獸是人，我必討他的罪，就是向各人的弟兄也是如此。
6Mwet uh orekla in luman God, ke ma inge kutena mwet su akmuseya sie mwet fah anwuki pac sin mwet.
6凡流人血的，他的血也必被人所流，因為上帝造人是照自己的形像造的。
7“Enenu in pukanten tulik nutuwos, tuh fwilin tulik nutuwos fah apunla fin faclu.”
7你們要生養眾多，在地上昌盛繁茂。」
8God El fahk nu sel Noah ac wen tolu natul,
8上帝曉諭 挪亞 和他的兒子說：
9“Inge nga oru sie wulela inmasrlosr, ac oayapa yurin fwilin tulik nutuwos,
9「我與你們和你們的後裔立約，
10ac yurin won nukewa ac kosro nukewa — ma nukewa ma wi kowos tufoki liki oak uh.
10並與你們這裏的一切活物－就是飛鳥、牲畜、走獸，凡從方舟裏出來的活物－立約。
11Ke kas inge nga ac oru wulela luk yuruwos: nga wulela mu wangin sie pacl nga ac sifilpa kunausla ma su oasr moul la ke sronot. Faclu ac fah tia sifilpa kunausyukla ke sronot.
11我與你們立約，凡有血肉的，不再被洪水滅絕，也不再有洪水毀壞地了。」
12Pa inge mwe akpwaye nu ke wuleang kawil se su nga oru yuruwos ac yurin ma moul nukewa inge,
12上帝說：「我與你們並你們這裏的各樣活物所立的永約是有記號的。
13nga filiya lelakem luk in pukunyeng uh. Ac fah mwe akul ke wuleang se inmasrlok ac faclu nufon nwe tok.
13我把虹放在雲彩中，這就可作我與地立約的記號了。
14Kutena pacl ma nga afinya kusrao ke pukunyeng ac lelakem uh sikyak,
14我使雲彩蓋地的時候，必有虹現在雲彩中，
15nga fah esam wuleang luk nu suwos ac nu sin kosro nukewa, lah sronot ac fah tia sifil kunausla ma nukewa ma oasr moul la.
15我便記念我與你們和各樣有血肉的活物所立的約，水就再不氾濫、毀壞一切有血肉的物了。
16Pacl se lelakem uh sikyak in pukunyeng uh, nga ac fah liye ac esam wuleang kawil inmasrlok ac ma moul nukewa faclu.
16虹必現在雲彩中，我看見，就要記念我與地上各樣有血肉的活物所立的永約。」
17Pa ingan akil lun wulela su nga oru nu sin ma oasr moul la nukewa.”
17上帝對 挪亞 說：「這就是我與地上一切有血肉之物立約的記號了。」
18Wen tolu natul Noah su tufoki liki oak uh pa Shem, Ham, ac Japheth. (Ham pa papa tumal Canaan.)
18出方舟 挪亞 的兒子就是 閃 、 含 、 雅弗 。 含 是 迦南 的父親。
19Wen tolu natul Noah inge pa papa tumun mwet faclu nufon.
19這是 挪亞 的三個兒子，他們的後裔分散在全地。
20Noah, su tuh sie mwet ima, pa mwet se oemeet ma tuh yukwiya ima in grape uh.
20挪亞 作起農夫來，栽了一個葡萄園。
21Tukun el numla kutu wain uh, el sruhila, sarukla nuknuk lal, ac oan koflufolla in lohm nuknuk sel.
21他喝了園中的酒便醉了，在帳棚裏赤着身子。
22Ke Ham, papa tumal Canaan, el liyauk lah papa tumal el koflufolla oan, el illa ac fahkang nu sin tamulel luo wiel.
22迦南 的父親 含 看見他父親赤身，就到外邊告訴他兩個弟兄。
23Na Shem ac Japheth eis nuknuk loeloes se ac filiya finpisaltal. Eltal kohloli nu in lohm nuknuk sac ac afinya papa tumaltal. Mutaltal ngetla lukel tuh eltal in tia liye koflufol lal.
23於是 閃 和 雅弗 拿件衣服搭在肩上，倒退着進去，給他父親蓋上；他們背着臉就看不見父親的赤身。
24Ke sruhi lal Noah uh sarla lukel ac el etauk ke ma wen se ma fusr natul el oru nu sel,
24挪亞 醒了酒，知道小兒子向他所做的事，
25el fahk, “Sie selnga nu facl Canaan! El ac fah sie mwet kohs nu sin tamulel lal.
25就說： 迦南 當受咒詛， 必給他弟兄作奴僕的奴僕；
26Kaksakin LEUM GOD , God lal Shem! Canaan el ac fah mwet kohs lal Shem.
26又說： 耶和華－ 閃 的上帝是應當稱頌的！ 願 迦南 作 閃 的奴僕。
27God Elan akyokyelik acn lal Japheth! Lela fwilin tulik natul in puseni ac muta yurin mwet lal Shem. Canaan el ac fah mwet kohs lal Japheth.”
27願上帝使 雅弗 擴張， 使他住在 閃 的帳棚裏； 又願 迦南 作他的奴僕。
28Tukun sronot sac, Noah el moul yac tolfoko lumngaul,
28洪水以後， 挪亞 又活了三百五十年。
29ac misa ke el yac eufoko lumngaul matwal.
29挪亞 共活了九百五十歲就死了。
Tip: use the ← and → keys to turn chapters.