תְהִלִּים 107
Modern Hebrew BibleTranslation
Modern Hebrew Bible
Baibala Hemolele (Hawaiian Bible, 1868 revision)
1הדו ליהוה כי טוב כי לעולם חסדו׃
1E MILILANI aku ia Iehova, no ka mea, ua maikai ia; Ua mau loa no hoi kona lokomaikai.
2יאמרו גאולי יהוה אשר גאלם מיד צר׃
2E olelo mai no ka poe i hoolapanaiia e Iehova, Ka poe hoi ana i hoolapanai ai, mai ka lima mai o ka enemi.
3ומארצות קבצם ממזרח וממערב מצפון ומים׃
3No ka mea, ua hooili mai oia ia lakou mai na aina mai, Mai ka hikina, a me ke komohana mai, E mai ke kukulu akau, a mai ke kai mai.
4תעו במדבר בישימון דרך עיר מושב לא מצאו׃
4Kuewa wale lakou ma ka waonahele, Ma ke ala waoakua hoi; Aole i loaa ia lakou ke kulanakauhale kahi e noho ai.
5רעבים גם צמאים נפשם בהם תתעטף׃
5Pololi iho la lakou, a makewai hoi, A maule ko lakou uhane iloko o lakou.
6ויצעקו אל יהוה בצר להם ממצוקותיהם יצילם׃
6Alaila, kahea aku lakou ia Iehova iloko o ko lakou pilikia, A hoopakele mai oia ia lakou i ko lakou popilikia ana.
7וידריכם בדרך ישרה ללכת אל עיר מושב׃
7Alakai mai la oia ia lakou ma ke ala pono, I hiki ai lakou i ke kulanakauhale, kahi e noho ai.
8יודו ליהוה חסדו ונפלאותיו לבני אדם׃
8E mililani aku na kanaka ia Iehova no kona lokomaikai, A no kana mau hana kupanaha i na keiki a kanaka!
9כי השביע נפש שקקה ונפש רעבה מלא טוב׃
9No ka mea, nana no i hookena i ka uhane makewai, A nana hoi i hoomaona i ka uhane pololi i ka maikai.
10ישבי חשך וצלמות אסירי עני וברזל׃
10O ka poe i noho ma ka pouli, ma ka malu hoi o ka make, A paa no hoi i ka popilikia a me ka hao;
11כי המרו אמרי אל ועצת עליון נאצו׃
11No ka mea, ua kipi lakou i na olelo a ke Akua, A ua hoowahawaha i ke ao ana mai o ka Mea kiekie;
12ויכנע בעמל לבם כשלו ואין עזר׃
12Alaila hookulou oia i ko lakou naau i ka luhi, Hina iho la lakou ilalo, aohe mea nana e kokua.
13ויזעקו אל יהוה בצר להם ממצקותיהם יושיעם׃
13Alaila, hea aku lakou ia Iehova i ko lakou pilikia ana, A hoola mai oia ia lakou i ko lakou popilikia ana.
14יוציאם מחשך וצלמות ומוסרותיהם ינתק׃
14Hoopuka mai la oia ia lakou mailoko mai o ka pouli a me ka malu o ka make, A uhai hoi i ko lakou mea i paa ai.
15יודו ליהוה חסדו ונפלאותיו לבני אדם׃
15E hoalohaloha aku na kanaka ia Iehova, no kona lokomaikai, A no kana mau hana kupanaha i na keiki a kanaka!
16כי שבר דלתות נחשת ובריחי ברזל גדע׃
16No ka mea, ua wawahi oia i na pani keleawe o na pukapa A ua uhai no hoi oia i na kaola kipuka hao.
17אולים מדרך פשעם ומעונתיהם יתענו׃
17O ka poe i lalau ma ka aoao o ka poe hewa, A me ka lawehala, ua hoopilikiaia lakou.
18כל אכל תתעב נפשם ויגיעו עד שערי מות׃
18Hoopailua no ko lakou uhane i na mea ai a pau; A hookokoke no lakou i na pukapa o ka make.
19ויזעקו אל יהוה בצר להם ממצקותיהם יושיעם׃
19Alaila, hea aku no lakou ia Iehova i ko lakou pilikia ana, A hoola mai no oia ia lakou i ko lakou popilikia.
20ישלח דברו וירפאם וימלט משחיתותם׃
20Haawi mai la oia i kana olelo, a hoala iho la ia lakou, A hoopakele no hoi ia lakou, mai ko lakou lua aku.
21יודו ליהוה חסדו ונפלאותיו לבני אדם׃
21E hoalohaloha aku na kanaka ia Iehova no kona lokomaikai, A no kana mau hana kupanaha i na keiki a kanaka!
22ויזבחו זבחי תודה ויספרו מעשיו ברנה׃
22E mohai aku no hoi lakou i ka mohai o ke aloha, A e hoike aku i kana mau hana me ka hauoli.
23יורדי הים באניות עשי מלאכה במים רבים׃
23O ka poe iho ilalo i ka moana, ma na moku, A hana i ka hana ma na moana nui;
24המה ראו מעשי יהוה ונפלאותיו במצולה׃
24Ua ike no keia poe i na hana o Iehova, A mo kana mau mea kupanaha ma ka hohonu.
25ויאמר ויעמד רוח סערה ותרומם גליו׃
25No ka mea, olelo wale mai oia, a hoala i ka makani kupikipikio, A piipii aku la na ale.
26יעלו שמים ירדו תהומות נפשם ברעה תתמוגג׃
26Pii aku la lakou i ka lani, a iho ilalo i ka hohonu: A hehee ko lakou uhane i ka ino.
27יחוגו וינועו כשכור וכל חכמתם תתבלע׃
27Hikaka lakou i o, a ia nei, a kunewanewa hoi e like me ke kanaka ona, A pau wale aku no ko lakou akamai.
28ויצעקו אל יהוה בצר להם וממצוקתיהם יוציאם׃
28Alaila, hea aku lakou ia Iehova i ko lakou pilikia ana, A hoopakele mai oia ia lakou, mailoko mai o ko lakou popilikia.
29יקם סערה לדממה ויחשו גליהם׃
29Hoolilo no oia i ka ino i pohu, A malie loa iho la na ale.
30וישמחו כי ישתקו וינחם אל מחוז חפצם׃
30Alaila, lealea lakou, no ka mea, ua malie; A hoopae no oia ia lakou ma ke awa a lakou e makemake ai.
31יודו ליהוה חסדו ונפלאותיו לבני אדם׃
31E mililani aku na kanaka ia Iehova no kona lokomaikai, A no kana mau hana kupanaha i na keiki a kanaka!
32וירממוהו בקהל עם ובמושב זקנים יהללוהו׃
32E hapai no hoi ia ia ma ka ahakanaka, A e halelu aku ia ia ma ke anaina o ka poe kahiko.
33ישם נהרות למדבר ומצאי מים לצמאון׃
33Hoolilo no oia i na muliwai i waonahele, A me na waipuna i aina maloo;
34ארץ פרי למלחה מרעת ישבי בה׃
34A me ka aina hua nui, i aina hua ole, No ka hewa o ka poe e noho ana malaila.
35ישם מדבר לאגם מים וארץ ציה למצאי מים׃
35A hoolilo no hoi oia i ka waonahele, i wai lana, A me ka aina maloo hoi i wai puna.
36ויושב שם רעבים ויכוננו עיר מושב׃
36Malaila no oia e hoonoho ai i ka poe pololi, A hoomakaukau no hoi lakou i kulanakauhale, kahi e noho ai;
37ויזרעו שדות ויטעו כרמים ויעשו פרי תבואה׃
37A lulu no hoi lakou ma na mahinaai, A kauu iho no i na mala waina, A haawiia mai ka hua i hoohuaia'i.
38ויברכם וירבו מאד ובהמתם לא ימעיט׃
38Hoomaikai mai la oia ia lakou, a kawowo nui ae la; Aole ia i hoemi i ka lakou poe holoholona.
39וימעטו וישחו מעצר רעה ויגון׃
39A mahope, hooemiia lakou, a hoohaahania no hoi, No ka hookaumahaia, a me ka hewa, a me ka pilikia.
40שפך בוז על נדיבים ויתעם בתהו לא דרך׃
40Ninini mai oia i ka hoomaau maluna o na'lii, A alakai no hoi oia ia lakou ma kahi mehameha, ala ole.
41וישגב אביון מעוני וישם כצאן משפחות׃
41Hookiekie nae oia i ka poe hune mailoko aku o ka pilikia, A hoolilo i kona mau ohana, me he ohana hipa la.
42יראו ישרים וישמחו וכל עולה קפצה פיה׃
42E ike aku no ka poe pono, a e lealea lakou; A e paa no ka nuku o ka hewa a pau.
43מי חכם וישמר אלה ויתבוננו חסדי יהוה׃
43Owai la ka mea akamai, a malama i keia mau mea! O lakou ka i hoomaopopo i ka lokomaikai o Iehova.
Tip: use the ← and → keys to turn chapters.