Saame 116

Tongan Bible, Revised West Version

King James Version with Apocrypha

1‌ʻOku ou ʻofa kia Sihova, koeʻuhi kuo ne ongoʻi hoku leʻo mo ʻeku lotu tāumaʻu.

1I love the LORD , because he hath heard my voice and my supplications.

2Koeʻuhi kuo ne fakatokangaʻi hono fofonga kiate au, ko ia te u ui ai ki heʻene ʻafio ʻi hoku ngaahi ʻaho.

2Because he hath inclined his ear unto me, therefore will I call upon him as long as I live.

3Naʻe kāpui au ʻe he ngaahi mamahi ʻoe mate, pea naʻe puke au ʻe he ngaahi mamahi ʻo heli: naʻaku ʻilo ai ʻae tuʻutāmaki mo e mamahi.

3The sorrows of death compassed me, and the pains of hell gat hold upon me: I found trouble and sorrow.

4Pea naʻaku toki ui ki he huafa ʻo Sihova; “ʻE Sihova, ʻoku ou kole kiate koe, ke ke fakamoʻui hoku laumālie.”

4Then called I upon the name of the LORD ; O LORD , I beseech thee, deliver my soul.

5‌ʻOku manavaʻofa ʻa Sihova, mo māʻoniʻoni; ʻio, ʻoku ʻaloʻofa ʻa hotau ʻOtua.

5Gracious is the LORD , and righteous; yea, our God is merciful.

6‌ʻOku fakamoʻui ʻe he ʻOtua ʻae taʻekākā: naʻaku vaivai pea naʻa ne tokoniʻi au.

6The LORD preserveth the simple: I was brought low, and he helped me.

7‌ʻE hoku laumālie, ke ke foki ki ho mālōlōʻanga; he kuo lahi ʻae foaki ʻa Sihova kiate koe.

7Return unto thy rest, O my soul; for the LORD hath dealt bountifully with thee.

8He kuo ke fakamoʻui hoku laumālie mei he mate, mo hoku mata mei he loʻimata, mo hoku vaʻe ke ʻoua naʻa hinga.

8For thou hast delivered my soul from death, mine eyes from tears, and my feet from falling.

9Te u ʻeveʻeva, ʻi he ʻao ʻo Sihova ʻi he fonua ʻoe moʻui.

9I will walk before the LORD in the land of the living.

10Naʻaku tui, ko ia kuo u lea ai: “Naʻaku mahaki lahi:”

10I believed, therefore have I spoken: I was greatly afflicted:

11Naʻaku pehē ʻi heʻeku toʻotoʻo, “ʻOku loi ʻae kakai kotoa pē.”

11I said in my haste, All men are liars.

12Ko e hā te u ʻatu kia Sihova koeʻuhi ko ʻene ngaahi meʻaʻofa kotoa pē kiate au?

12What shall I render unto the LORD for all his benefits toward me?

13Te u toʻo ʻae ipu ʻoe fakamoʻui, pea te u ui ki he huafa ʻo Sihova.

13I will take the cup of salvation, and call upon the name of the LORD .

14Te u fai ni ʻeku ngaahi fuakava kia Sihova ʻi he ʻao ʻo hono kakai kotoa pē.

14I will pay my vows unto the LORD now in the presence of all his people.

15‌ʻOku mahuʻinga ʻi he ʻao ʻo Sihova ʻae pekia ʻo ʻene kakai māʻoniʻoni.

15Precious in the sight of the LORD is the death of his saints.

16‌ʻE Sihova, ko e moʻoni ko hoʻo tamaioʻeiki au; ko hoʻo tamaioʻeiki au, mo e tama ʻa hoʻo kaunanga: kuo ke vete hoku ngaahi haʻi.

16O LORD , truly I am thy servant; I am thy servant, and the son of thine handmaid: thou hast loosed my bonds.

17Te u ʻatu kiate koe ʻae feilaulau ʻoe fakafetaʻi, pea ui ki he huafa ʻo Sihova.

17I will offer to thee the sacrifice of thanksgiving, and will call upon the name of the LORD .

18Te u fai ni ʻeku ngaahi fuakava kia Sihova ʻi he ʻao ʻo hono kakai kotoa pē,

18I will pay my vows unto the LORD now in the presence of all his people,

19‌ʻI he ngaahi lotoʻā ʻoe fale ʻo Sihova, ʻi he lotolotonga ʻoʻou, ʻE Selūsalema. Mou fakamālō kia Sihova.

19In the courts of the LORD’s house, in the midst of thee, O Jerusalem. Praise ye the LORD .

Tip: use the ← and → keys to turn chapters.