Saame 89
Tongan Bible, Revised West VersionTranslation
Tongan Bible, Revised West Version
King James Version with Apocrypha
1Te u hiva ʻaki ʻae ngaahi ʻaloʻofa ʻa Sihova ʻo taʻengata: te u fakaʻilo ʻaki hoku ngutu ʻa hoʻo moʻoni ki he toʻutangata kotoa pē.
1I will sing of the mercies of the LORD for ever: with my mouth will I make known thy faithfulness to all generations.
2He naʻaku pehē, “ʻE fokotuʻumaʻu pē ʻa e ʻaloʻofa ʻo taʻengata: ko hoʻo moʻoni te ke fakatuʻumaʻu ʻi he ngaahi langi.”
2For I have said, Mercy shall be built up for ever: thy faithfulness shalt thou establish in the very heavens.
3Kuo u fai ʻae fuakava mo ʻeku fili, kuo u fuakava ki heʻeku tamaioʻeiki ko Tevita.
3I have made a covenant with my chosen, I have sworn unto David my servant,
4“Te u fakatuʻumaʻu ho hako ʻo taʻengata, te u fokotuʻu ho puleʻanga ki he toʻutangata kotoa pē.” Sila.
4Thy seed will I establish for ever, and build up thy throne to all generations. Selah.
5Pea ʻe fakamālō ʻe he ngaahi langi ki hoʻo ngaahi ngāue fakaofo, ʻE Sihova: mo hoʻo moʻoni foki ʻi he fakataha ʻoe kau māʻoniʻoni.
5And the heavens shall praise thy wonders, O LORD : thy faithfulness also in the congregation of the saints.
6He ko hai ʻi he langi ʻe fakatatau ia kia Sihova? Ko hai ʻi he ngaahi foha ʻoe mālohi ʻe faʻa fakatatau kia Sihova?
6For who in the heaven can be compared unto the LORD ? who among the sons of the mighty can be likened unto the LORD ?
7ʻOku totonu ke manavahē lahi ki he ʻOtua ʻi he fakataha ʻoe kau māʻoniʻoni, pea ke fakaʻapaʻapa ʻakinautolu kotoa pē ʻoku tuʻu takatakai kiate ia.
7God is greatly to be feared in the assembly of the saints, and to be had in reverence of all them that are about him.
8ʻE Sihova ko e ʻOtua ʻoe ngaahi kautau, ko hai ʻoku tatau mo koe ko Sihova māfimafi? Pea ko hoʻo moʻoni ʻoku kāpui koe.
8O LORD God of hosts, who is a strong LORD like unto thee? or to thy faithfulness round about thee?
9ʻOku ke puleʻi ʻae ngaue mālohi ʻoe tahi: ʻoka hou hono ngaahi peau, ʻoku ke fakatofukī ia.
9Thou rulest the raging of the sea: when the waves thereof arise, thou stillest them.
10Kuo ke fesiʻi ʻa Lehapi ke lailai, ʻo hangē ha taha kuo tāmateʻi; kuo fakahēʻi ho ngaahi fili ʻaki ho nima mālohi.
10Thou hast broken Rahab in pieces, as one that is slain; thou hast scattered thine enemies with thy strong arm.
11ʻOku ʻoʻou ʻae ngaahi langi, pea ʻoku ʻoʻou foki mo e fonua: ko māmani mo hono fonu ʻo ia kuo ke fakatuʻumaʻu ia.
11The heavens are thine, the earth also is thine: as for the world and the fulness thereof, thou hast founded them.
12Kuo ke ngaohi ʻae potu tokelau mo e potu tonga: ko Tepoa mo Heamoni ʻe fiefia ʻi ho huafa.
12The north and the south thou hast created them: Tabor and Hermon shall rejoice in thy name.
13ʻOku ʻiate koe ʻae nima māfimafi ʻoku mālohi ho nima, pea māʻolunga ho nima toʻomataʻu.
13Thou hast a mighty arm: strong is thy hand, and high is thy right hand.
14Ko e angatonu mo e fakamaau ko e tuʻunga ia ʻo ho ʻafioʻanga: ʻe muʻomuʻa ʻi ho ʻao ʻae ʻaloʻofa mo e moʻoni.
14Justice and judgment are the habitation of thy throne: mercy and truth shall go before thy face.
15ʻOku monūʻia ʻae kakai ʻoku nau ʻiloʻi ʻae ongoongo fakafiefia: tenau ʻaʻeva, ʻE Sihova, ʻi he maama ʻo ho fofonga.
15Blessed is the people that know the joyful sound: they shall walk, O LORD , in the light of thy countenance.
16Te nau fiefia ʻi ho huafa ʻi he ʻaho kotoa pē: pea ʻi hoʻo māʻoniʻoni ʻe hakeakiʻi ai ʻakinautolu.
16In thy name shall they rejoice all the day: and in thy righteousness shall they be exalted.
17He ko koe ko e vikivikiʻanga ʻo honau mālohi: pea ʻi hoʻo ʻofa ʻe hiki ai ki ʻolunga honau nifo.
17For thou art the glory of their strength: and in thy favour our horn shall be exalted.
18He ko homau hūfanga ʻa Sihova; pea ko e tokotaha māʻoniʻoni ʻo ʻIsileli ko homau tuʻi.
18For the LORD is our defence; and the Holy One of Israel is our king.
19Pea naʻa ke toki folofola ʻi he meʻa ha mai ki hoʻo tokotaha māʻoniʻoni, ʻo pehē, “Kuo u hilifaki ʻae tokoni ki ha tokotaha ʻoku mālohi; kuo u fakahikihiki ʻae tokotaha kuo fili mei he kakai.
19Then thou spakest in vision to thy holy one, and saidst, I have laid help upon one that is mighty; I have exalted one chosen out of the people.
20Kuo u ʻiloʻi ʻa Tevita ko ʻeku tamaioʻeiki; pea kuo u tākai ʻaki ia ʻa ʻeku lolo māʻoniʻoni:
20I have found David my servant; with my holy oil have I anointed him:
21ʻE tuʻumaʻu hoku nima mo ia: ko hoku nima foki ʻe fakamālohiʻi ia.
21With whom my hand shall be established: mine arm also shall strengthen him.
22ʻE ʻikai fai fakamālohi kiate ia ʻe he fili; pe fakamamahiʻi ia ʻe he foha ʻoe angakovi.
22The enemy shall not exact upon him; nor the son of wickedness afflict him.
23Pea te u taaʻi hifo hono ngaahi fili ʻi hono ʻao, pea tautea ʻakinautolu ʻoku fehiʻa kiate ia.
23And I will beat down his foes before his face, and plague them that hate him.
24Ka ʻe ʻiate ia ʻa ʻeku moʻoni mo ʻeku ʻaloʻofa: pea ʻi hoku huafa ʻe hiki ki ʻolunga ai ʻa hono nifo.
24But my faithfulness and my mercy shall be with him: and in my name shall his horn be exalted.
25Te u ʻai foki hono nima ki he tahi, mo hono nima toʻomataʻu ki he ngaahi vaitafe.
25I will set his hand also in the sea, and his right hand in the rivers.
26ʻE tangi ia kiate au, ‘Ko koe ko ʻeku Tamai, ko hoku ʻOtua, mo e maka ʻo hoku fakamoʻui.’
26He shall cry unto me, Thou art my father, my God, and the rock of my salvation.
27Pea te u ngaohi foki ia ko hoku ʻuluaki foha, ʻe māʻolunga lahi ia ʻi he ngaahi tuʻi ʻo māmani.
27Also I will make him my firstborn, higher than the kings of the earth.
28Te u tuku ʻeku ʻaloʻofa maʻana ʻo taʻengata, pea ʻe tuʻumaʻu ʻeku fuakava mo ia.
28My mercy will I keep for him for evermore, and my covenant shall stand fast with him.
29Te u ngaohi foki hono hako kenau tolonga ʻo taʻengata, mo hono nofoʻa ʻo hangē ko e ngaahi ʻaho ʻoe langi.
29His seed also will I make to endure for ever, and his throne as the days of heaven.
30“Kapau ʻe liʻaki ʻeku akonaki ʻe heʻene fānau, ʻo ʻikai ʻaʻeva ʻi heʻeku ngaahi fakamaau;
30If his children forsake my law, and walk not in my judgments;
31Kapau tenau maumauʻi ʻeku ngaahi tuʻutuʻuni, pea ʻikai tauhi ʻeku ngaahi fekau;
31If they break my statutes, and keep not my commandments;
32Pea te u toki ʻaʻahi ʻenau ngaahi talangataʻa ʻaki ʻae meʻa kini, mo ʻenau hia ʻaki ʻae ngaahi tā.
32Then will I visit their transgression with the rod, and their iniquity with stripes.
33Ka ʻe ʻikai te u hiki ʻaupito ʻeku manavaʻofa ʻiate ia, pe tuku taʻehoko ʻa ʻeku moʻoni.
33Nevertheless my lovingkindness will I not utterly take from him, nor suffer my faithfulness to fail.
34ʻE ʻikai te u liʻaki ʻeku fuakava, pe fakakehe ʻae meʻa kuo ʻalu atu ʻi hoku loungutu.
34My covenant will I not break, nor alter the thing that is gone out of my lips.
35“Kuo u fuakava tuʻo taha ʻi heʻeku māʻoniʻoni ʻe ʻikai te u loi kia Tevita.
35Once have I sworn by my holiness that I will not lie unto David.
36ʻE tolonga ʻene fānau ʻo taʻengata, mo hono nofoʻa ʻo hangē ko e laʻā ʻi hoku ʻao.
36His seed shall endure for ever, and his throne as the sun before me.
37ʻE fakatuʻumaʻu ia ke taʻengata ʻo hangē ko e māhina, pea hangē ko e fakamoʻoni ʻi he langi.” Sila.
37It shall be established for ever as the moon, and as a faithful witness in heaven. Selah.
38Ka kuo liʻaki mo fākaliliʻa, mo ke houhau kiate ia naʻa ke pani.
38But thou hast cast off and abhorred, thou hast been wroth with thine anointed.
39Kuo ke fakataʻeʻaongaʻi ʻae fuakava ʻa hoʻo tamaioʻeiki: kuo ke fakakoviʻi hono tatā ʻi hoʻo lī ia ki he kelekele.
39Thou hast made void the covenant of thy servant: thou hast profaned his crown by casting it to the ground.
40Kuo ke maumauʻi hifo hono ngaahi ʻā kotoa pē; kuo ke fakaʻauha hono ngaahi potu mālohi.
40Thou hast broken down all his hedges; thou hast brought his strong holds to ruin.
41Ko kinautolu kotoa pē ʻoku ʻalu ʻi he hala ʻoku nau kaihaʻa ʻiate ia: ko e manukiʻanga ia ʻo hono ngaahi kaungāʻapi.
41All that pass by the way spoil him: he is a reproach to his neighbours.
42Kuo ke hiki hake ʻae nima toʻomataʻu ʻo hono ngaahi fili; kuo ke fakafiefiaʻi ʻa hono ngaahi fili kotoa pē.
42Thou hast set up the right hand of his adversaries; thou hast made all his enemies to rejoice.
43Kuo ke liliu foki ʻae mata ʻo ʻene heletā, pea ʻe ʻikai te ke ngaohi ia ke tuʻu ʻi he tau.
43Thou hast also turned the edge of his sword, and hast not made him to stand in the battle.
44Kuo ke fakaʻosi hono nāunau, pea lī hono nofoʻa ki he kelekele.
44Thou hast made his glory to cease, and cast his throne down to the ground.
45Kuo ke fakafuonounou ʻae ngaahi ʻaho ʻo ʻene talavou: kuo ke ʻufiʻufi ʻaki ia ʻae mā. Sila.
45The days of his youth hast thou shortened: thou hast covered him with shame. Selah.
46ʻE Sihova, ʻe fēfē hono fuoloa? Te ke fakafufū koe ʻo taʻengata? ʻE vela ho houhau ʻo hangē ko e afi?
46How long, LORD ? wilt thou hide thyself for ever? shall thy wrath burn like fire?
47Manatu ki hono fuonounou ʻo ʻeku moʻui: ko e hā kuo ke ngaohi ʻae kakai kotoa pē ke taʻeʻaonga?
47Remember how short my time is: wherefore hast thou made all men in vain?
48Ko hai ʻae tangata ko ia ʻoku moʻui, pea ʻe ʻikai te ne mamata ki he mate? ʻE fakamoʻui ʻe ia ʻa hono laumālie mei he nima ʻoe faʻitoka? Sila.
48What man is he that liveth, and shall not see death? shall he deliver his soul from the hand of the grave? Selah.
49ʻE ʻEiki, ko e fē hoʻo ngaahi ʻaloʻofa ʻi muʻa, ʻaia naʻa ke fuakava ʻaki kia Tevita ʻi hoʻo moʻoni?
49Lord, where are thy former lovingkindnesses, which thou swarest unto David in thy truth?
50Manatu, ʻE ʻEiki, ki he manukiʻi ʻo hoʻo kau tamaioʻeiki; mo ʻeku fua ʻi hoku fatafata ʻae manuki ʻae kakai mālohi kotoa pē;
50Remember, Lord, the reproach of thy servants; how I do bear in my bosom the reproach of all the mighty people;
51ʻAia kuo manuki ʻaki ʻe ho ngaahi fili, ʻE Sihova; ʻaia kuo nau manuki ʻaki ʻae ngaahi ʻaluʻanga ʻo ia kuo ke pani.
51Wherewith thine enemies have reproached, O LORD ; wherewith they have reproached the footsteps of thine anointed.
52Fakafetaʻi kia Sihova ʻo taʻengata. ʻEmeni, mo ʻEmeni.
52Blessed be the LORD for evermore. Amen, and Amen.
Tip: use the ← and → keys to turn chapters.