Saame 145
Tongan Bible, Revised West VersionTranslation
Tongan Bible, Revised West Version
King James Version with Apocrypha
1Te u fakahikihiki koe, ko hoku ʻOtua, ko e tuʻi; pea te u fakafetaʻi ki ho huafa ʻo lauikuonga pea taʻengata.
1I will extol thee, my God, O king; and I will bless thy name for ever and ever.
2Te u fakafetaʻi kiate koe ʻi he ʻaho kotoa pē; pea te u fakamālō ki ho huafa ʻo lauikuonga pea taʻengata.
2Every day will I bless thee; and I will praise thy name for ever and ever.
3ʻOku lahi ʻa Sihova, pea ʻoku ngali ke faʻa fakamālō kiate ia; pea ko hono lahi ʻoku taʻefaʻaʻiloʻi.
3Great is the LORD , and greatly to be praised; and his greatness is unsearchable.
4ʻE fakamālō ʻae toʻutangata ʻe taha ki hoʻo ngaahi ngāue ʻo aʻu ki he taha, pea tenau fakahā hoʻo ngaahi ngāue lahi.
4One generation shall praise thy works to another, and shall declare thy mighty acts.
5Te u lea ki hono ongoongolelei lahi ʻo hoʻo ʻafio, pea mo hoʻo ngaahi ngāue fakaofo.
5I will speak of the glorious honour of thy majesty, and of thy wondrous works.
6Pea ʻe lea ʻae kakai ki hono mālohi ʻo hoʻo ngaahi ngāue fakailifia: pea te u fakahā hoʻo māfimafi.
6And men shall speak of the might of thy terrible acts: and I will declare thy greatness.
7Tenau faʻa fakahā ʻae fakamanatu ʻo hoʻo ʻulungāanga lelei lahi, pea tenau hiva ʻaki hoʻo māʻoniʻoni.
7They shall abundantly utter the memory of thy great goodness, and shall sing of thy righteousness.
8ʻOku angalelei ʻa Sihova, pea fonu ʻi he manavaʻofa; ʻoku tōʻohi hono houhau, pea ʻoku lahi ʻa ʻene ʻaloʻofa.
8The LORD is gracious, and full of compassion; slow to anger, and of great mercy.
9ʻOku angalelei ʻa Sihova ki he kakai kotoa pē: pea ʻoku kāpui ʻene ngāue kotoa pē ʻe heʻene ngaahi ʻaloʻofa ongongofua.
9The LORD is good to all: and his tender mercies are over all his works.
10ʻE Sihova, ʻe fakamālō kiate koe ʻa hoʻo ngaahi ngāue kotoa pē; pea ʻe fakafetaʻi kiate koe ʻa hoʻo kakai māʻoniʻoni.
10All thy works shall praise thee, O LORD ; and thy saints shall bless thee.
11Tenau lea ki he nāunau ʻo ho puleʻanga, pea talanoa ki hoʻo māfimafi;
11They shall speak of the glory of thy kingdom, and talk of thy power;
12Ke fakaʻilo ki he ngaahi foha ʻoe tangata ʻene ngaahi ngāue lahi, pea mo e ongoongolelei lahi ʻo hono puleʻanga.
12To make known to the sons of men his mighty acts, and the glorious majesty of his kingdom.
13Ko ho puleʻanga ko e puleʻanga taʻengata, pea ko hoʻo pule ʻoku tolonga ia ʻi he ngaahi toʻutangata kotoa pē.
13Thy kingdom is an everlasting kingdom, and thy dominion endureth throughout all generations.
14ʻOku poupou hake ʻe Sihova ʻakinautolu kotoa pē kuo hinga, pea ʻoku ne fokotuʻu ʻakinautolu kotoa pē kuo mapelu ki lalo.
14The LORD upholdeth all that fall, and raiseth up all those that be bowed down.
15ʻOku hanga ʻae ngaahi mata kotoa pē kiate koe; pea ʻoku ke foaki ʻenau meʻakai ʻi he feituʻulaʻā totonu.
15The eyes of all wait upon thee; and thou givest them their meat in due season.
16ʻOku ke mafola ho nima, mo fakamākona ʻae holi ʻae meʻa moʻui kotoa pē.
16Thou openest thine hand, and satisfiest the desire of every living thing.
17ʻOku angatonu ʻa Sihova ʻi hono hala kotoa pē, pea māʻoniʻoni ʻi heʻene ngaahi ngāue kotoa pē.
17The LORD is righteous in all his ways, and holy in all his works.
18ʻOku ofi ʻa Sihova kiate kinautolu kotoa pē kuo ui ki heʻene ʻafio, kiate kinautolu kotoa pē ʻoku nau ui kiate ia ʻi he moʻoni.
18The LORD is nigh unto all them that call upon him, to all that call upon him in truth.
19Te ne fai ki he holi ʻanautolu ʻoku manavahē kiate ia: ʻe fanongo foki ia ki heʻenau tangi, pea te ne fakamoʻui ʻakinautolu.
19He will fulfil the desire of them that fear him: he also will hear their cry, and will save them.
20ʻOku fakamoʻui ʻe Sihova ʻakinautolu kotoa pē ʻoku nau ʻofa kiate ia: ka ko e angakovi kotoa pē te ne fakaʻauha.
20The LORD preserveth all them that love him: but all the wicked will he destroy.
21ʻE lea ʻaki ʻe hoku ngutu ʻae fakamālō kia Sihova: pea tuku ke fakafetaʻi ʻae kakano kotoa pē ki hono huafa māʻoniʻoni ʻo lauikuonga pea taʻengata.
21My mouth shall speak the praise of the LORD : and let all flesh bless his holy name for ever and ever.
Tip: use the ← and → keys to turn chapters.