Saame 115
Tongan Bible, Revised West VersionTranslation
Tongan Bible, Revised West Version
Modern Hebrew Bible
1ʻOua naʻa tuku kiate kimautolu, ʻE Sihova, ʻoua naʻa tuku kiate kimautolu, ka ki ho huafa ʻae ongoongolelei, koeʻuhi ko hoʻo ʻaloʻofa, pea mo hoʻo moʻoni.
1לא לנו יהוה לא לנו כי לשמך תן כבוד על חסדך על אמתך׃
2Ko e hā ʻe pehē ai ʻe he hiteni, “Ko e fē honau ʻOtua?”
2למה יאמרו הגוים איה נא אלהיהם׃
3Ka ko hotau ʻOtua ʻoku ʻi he ngaahi langi: kuo ne fai ʻaia kuo ne finangalo ki ai.
3ואלהינו בשמים כל אשר חפץ עשה׃
4Ko honau ngaahi tamapua ko e siliva mo e koula, ko e ngāue ʻae nima ʻoe tangata.
4עצביהם כסף וזהב מעשה ידי אדם׃
5ʻOku ai honau ngutu, ka ʻoku ʻikai tenau lea: ʻoku nau maʻu ʻae mata, ka ʻoku ʻikai tenau mamata:
5פה להם ולא ידברו עינים להם ולא יראו׃
6ʻOku nau telinga, ka ʻoku ʻikai tenau ongoʻi: ʻoku ai honau ihu, ka ʻoku ʻikai tenau nanamu:
6אזנים להם ולא ישמעו אף להם ולא יריחון׃
7ʻOku nau maʻu ʻae nima, ka ʻoku ʻikai tenau ala ki ha meʻa: ʻoku ai honau vaʻe, ka ʻoku ʻikai tenau ʻaʻeva: pea ʻoku ʻikai tenau lea ʻaki honau kia.
7ידיהם ולא ימישון רגליהם ולא יהלכו לא יהגו בגרונם׃
8Ko kinautolu ʻoku ngaohi ʻakinautolu ʻoku nau tatau mo kinautolu: pea ʻoku pehē pe ʻakinautolu kotoa pē ʻoku falala ki ai.
8כמוהם יהיו עשיהם כל אשר בטח בהם׃
9ʻE ʻIsileli, ke ke falala kia Sihova ko honau tokoni ia mo honau fakaū.
9ישראל בטח ביהוה עזרם ומגנם הוא׃
10ʻE fale ʻo ʻElone, ke ke falala kia Sihova: ko honau tokoni ia mo honau fakaū.
10בית אהרן בטחו ביהוה עזרם ומגנם הוא׃
11ʻAkimoutolu ʻoku manavahē kia Sihova, mou falala kia Sihova: ko honau tokoni ia mo honau fakaū.
11יראי יהוה בטחו ביהוה עזרם ומגנם הוא׃
12Kuo manatuʻi ʻe Sihova ʻakitautolu: te ne tāpuaki ʻakitautolu; te ne tāpuaki ʻae fale ʻo ʻIsileli; te ne tāpuaki ʻae fale ʻo ʻElone.
12יהוה זכרנו יברך יברך את בית ישראל יברך את בית אהרן׃
13Te ne tāpuaki ʻakinautolu ʻoku nau manavahē kia Sihova, ʻae iiki mo e lalahi.
13יברך יראי יהוה הקטנים עם הגדלים׃
14ʻE fakatokolahi ʻakimoutolu ʻe Sihova, pea te mou tupu pe, ʻakimoutolu mo hoʻomou fānau.
14יסף יהוה עליכם עליכם ועל בניכם׃
15ʻOku mou monūʻia ʻia Sihova, ʻaia naʻa ne ngaohi ʻae langi mo māmani.
15ברוכים אתם ליהוה עשה שמים וארץ׃
16ʻOku ʻo Sihova ʻae langi, ʻio, ko e ngaahi langi: pea kuo ne foaki ʻa māmani ki he fānau ʻae tangata.
16השמים שמים ליהוה והארץ נתן לבני אדם׃
17ʻOku ʻikai fakamālō kia Sihova ʻae mate, pe ha taha ʻoku ʻalu hifo ki he fakalongo pē.
17לא המתים יהללו יה ולא כל ירדי דומה׃
18Ka te tau fakafetaʻi kia Sihova mei he ʻaho ni ʻo taʻengata. Mou fakamālō kia Sihova.
18ואנחנו נברך יה מעתה ועד עולם הללו יה׃
Tip: use the ← and → keys to turn chapters.