Sentencoj 14
Londona Biblio (Esperanto, 1910)Translation
Londona Biblio (Esperanto, 1910)
Modern Hebrew Bible
1Saĝa virino konstruas sian domon; Sed malsaĝa detruas ĝin per siaj manoj.
1חכמות נשים בנתה ביתה ואולת בידיה תהרסנו׃
2Kiu iras la ĝustan vojon, tiu timas la Eternulon; Sed kiu iras vojon malĝustan, tiu Lin malestimas.
2הולך בישרו ירא יהוה ונלוז דרכיו בוזהו׃
3En la buŝo de malsaĝulo estas vergo por lia malhumileco; Sed la buŝo de saĝuloj ilin gardas.
3בפי אויל חטר גאוה ושפתי חכמים תשמורם׃
4Se ne ekzistas bovoj, la grenejoj estas malplenaj; Sed multe da profito estas de la forto de bovoj.
4באין אלפים אבוס בר ורב תבואות בכח שור׃
5Verama atestanto ne mensogas; Sed atestanto falsama elspiras mensogojn.
5עד אמונים לא יכזב ויפיח כזבים עד שקר׃
6Mokanto serĉas saĝecon kaj ĝin ne trovas; Sed por saĝulo la sciado estas facila.
6בקש לץ חכמה ואין ודעת לנבון נקל׃
7Foriru de homo malsaĝa; Ĉar vi ne aŭdos parolon de saĝo.
7לך מנגד לאיש כסיל ובל ידעת שפתי דעת׃
8La saĝeco de saĝulo estas komprenado de sia vojo; Kaj la malsaĝeco de malsaĝuloj estas trompiĝado.
8חכמת ערום הבין דרכו ואולת כסילים מרמה׃
9Malsaĝuloj ŝercas pri siaj kulpoj; Sed inter virtuloj ekzistas reciproka favoro.
9אולים יליץ אשם ובין ישרים רצון׃
10Koro scias sian propran malĝojon; Kaj en ĝia ĝojo ne partoprenas fremdulo.
10לב יודע מרת נפשו ובשמחתו לא יתערב זר׃
11Domo de malvirtuloj estos ekstermita; Sed dometo de virtuloj floros.
11בית רשעים ישמד ואהל ישרים יפריח׃
12Iufoje vojo ŝajnas ĝusta al homo, Kaj tamen ĝia fino kondukas al la morto.
12יש דרך ישר לפני איש ואחריתה דרכי מות׃
13Ankaŭ dum ridado povas dolori la koro; Kaj la fino de ĝojo estas malĝojo.
13גם בשחוק יכאב לב ואחריתה שמחה תוגה׃
14Laŭ siaj agoj manĝos homo malbonkora; Kaj homo bona satiĝos per siaj faroj.
14מדרכיו ישבע סוג לב ומעליו איש טוב׃
15Naivulo kredas ĉiun vorton; Sed saĝulo estas atenta pri sia vojo.
15פתי יאמין לכל דבר וערום יבין לאשרו׃
16Saĝulo timas, kaj forkliniĝas de malbono; Sed malsaĝulo estas incitiĝema kaj memfidema.
16חכם ירא וסר מרע וכסיל מתעבר ובוטח׃
17Malpacienculo faras malsaĝaĵojn; Kaj malbonintenculo estas malamata.
17קצר אפים יעשה אולת ואיש מזמות ישנא׃
18Naivuloj akiras malsaĝecon; Sed saĝuloj estas kronataj de klereco.
18נחלו פתאים אולת וערומים יכתרו דעת׃
19Malbonuloj humiliĝos antaŭ bonuloj; Kaj malvirtuloj estos antaŭ la pordego de virtulo.
19שחו רעים לפני טובים ורשעים על שערי צדיק׃
20Malriĉulo estas malamata eĉ de sia proksimulo; Sed riĉulo havas multe da amikoj.
20גם לרעהו ישנא רש ואהבי עשיר רבים׃
21Kiu malŝatas sian proksimulon, tiu estas pekulo; Sed kiu kompatas malriĉulojn, tiu estas feliĉa.
21בז לרעהו חוטא ומחונן עניים אשריו׃
22Ĉu ne eraras malbonintenculoj? Sed favorkoreco kaj vero estas ĉe tiuj, kiuj havas bonajn intencojn.
22הלוא יתעו חרשי רע וחסד ואמת חרשי טוב׃
23De ĉiu laboro estos profito; Sed de babilado venas nur senhaveco.
23בכל עצב יהיה מותר ודבר שפתים אך למחסור׃
24Propra riĉeco estas krono por la saĝuloj; Sed la malsaĝeco de la malsaĝuloj restas malsaĝeco.
24עטרת חכמים עשרם אולת כסילים אולת׃
25Verparola atestanto savas animojn; Sed malverparola elspiras trompon.
25מציל נפשות עד אמת ויפח כזבים מרמה׃
26En la timo antaŭ la Eternulo estas forta fortikaĵo; Kaj Li estos rifuĝejo por Siaj infanoj.
26ביראת יהוה מבטח עז ולבניו יהיה מחסה׃
27La timo antaŭ la Eternulo estas fonto de vivo, Por evitigi la retojn de la morto.
27יראת יהוה מקור חיים לסור ממקשי מות׃
28Grandeco de popolo estas gloro por reĝo; Kaj manko de popolo pereigas la reganton.
28ברב עם הדרת מלך ובאפס לאם מחתת רזון׃
29Pacienculo havas multe da saĝo; Sed malpacienculo elmontras malsaĝecon.
29ארך אפים רב תבונה וקצר רוח מרים אולת׃
30Trankvila koro estas vivo por la korpo; Sed envio estas puso por la ostoj.
30חיי בשרים לב מרפא ורקב עצמות קנאה׃
31Kiu premas malriĉulon, tiu ofendas lian Kreinton; Kaj kiu Lin honoras, tiu kompatas malriĉulon.
31עשק דל חרף עשהו ומכבדו חנן אביון׃
32Pro sia malboneco malvirtulo estos forpuŝita; Sed virtulo eĉ mortante havas esperon.
32ברעתו ידחה רשע וחסה במותו צדיק׃
33En la koro de saĝulo ripozas saĝo; Kaj kio estas en malsaĝuloj, tio elmontriĝas.
33בלב נבון תנוח חכמה ובקרב כסילים תודע׃
34Virto altigas popolon; Sed peko pereigas gentojn.
34צדקה תרומם גוי וחסד לאמים חטאת׃
35Favoron de la reĝo havas sklavo saĝa; Sed kontraŭ malbonkonduta li koleras.
35רצון מלך לעבד משכיל ועברתו תהיה מביש׃
Tip: use the ← and → keys to turn chapters.