Halelu 66
Baibala Hemolele (Hawaiian Bible, 1868 revision)
King James Version with Apocrypha
1E HOOKANI olioli i ke Akua, e na aina a pau:
1Make a joyful noise unto God, all ye lands:
2E himeni aku i ka nani o kona inoa: E hoolilo i ka hoolea nona i mea nani.
2Sing forth the honour of his name: make his praise glorious.
3E olelo aku i ke Akua, Nani kou kupaianaha i kau hana aua! No ka nui o kou mana e hoolohe ai kou mau enemi ia oe.
3Say unto God, How terrible art thou in thy works! through the greatness of thy power shall thine enemies submit themselves unto thee.
4E pau ka honua i ka hoomana aku ia oe, me ke mele aku ia oe; E himeni aku lakou i kou inoa. Sila.
4All the earth shall worship thee, and shall sing unto thee; they shall sing to thy name. Selah.
5E hele mai oukou e ike i na hana a ke Akua; He kupaianaha ia i kana hana ana no na keiki a kanaka.
5Come and see the works of God: he is terrible in his doing toward the children of men.
6Hoolilo mai la oia i ke kai i aina maloo: Hele wawae ae la lakou iwaena o ka muliwai: Malaila kakou i hauoli aku ai ia ia.
6He turned the sea into dry land: they went through the flood on foot: there did we rejoice in him.
7Ma kona mana ua hoomalu mau loa oia; Ke nana mai nei kona mau maka i na lahuikanaka: Aole e hookiekie ae ka poe kipikipi. Sila.
7He ruleth by his power for ever; his eyes behold the nations: let not the rebellious exalt themselves. Selah.
8E hoomaikai i ko kakou Akua, e na kanaka, E hooloheia'ku ka leo o ka hoolea nona:
8O bless our God, ye people, and make the voice of his praise to be heard:
9Ka mea i hoomau i ko kakou uhane ma ke ola nei; Aole i kuu mai e kapeke ko kakou mau wawae.
9Which holdeth our soul in life, and suffereth not our feet to be moved.
10No ka mea, ua hoao mai oe, e ke Akua, ia makou; Ua hoao mai oe ia makou me he kala la i hoaoia.
10For thou, O God, hast proved us: thou hast tried us, as silver is tried.
11Ua hookomo oe ia makou i ka upena; Ua waiho mai oe i ka mea kaumaha ma ko makou mau puhaka.
11Thou broughtest us into the net; thou laidst affliction upon our loins.
12Ua haawi mai oe, e hooholo na kanaka maluna o ko makou mau poo: Hele ae la makou iwaena o ke ahi a me ka wai: Aka, ua lawe mai oe ia makou ma kahi waiwai.
12Thou hast caused men to ride over our heads; we went through fire and through water: but thou broughtest us out into a wealthy place .
13E hele au iloko o kou hale me na mohaikuni: E hooko aku au nou i ka'u mau mea i hoohiki aku ai,
13I will go into thy house with burnt offerings: I will pay thee my vows,
14Ka mea a ko'u mau lehelehe i hoopuka aku ai; A me ko'u waha i olelo ai i kuu popilikia ana.
14Which my lips have uttered, and my mouth hath spoken, when I was in trouble.
15E kaumaha aku au nou i na mohaikuni momona, Me ka mea ala o na hipa kane; E alana aku au i na bipi me na kao. Sila.
15I will offer unto thee burnt sacrifices of fatlings, with the incense of rams; I will offer bullocks with goats. Selah.
16E hele mai e hoolohe, e ka poe a pau i weliweli i ke Akua, A e hai aku au i ka mea ana i hana mai ai no kuu uhane.
16Come and hear, all ye that fear God, and I will declare what he hath done for my soul.
17Ua kahea aku au ia ia me kuu waha, A ua hapaiia'ku hoi ia e ko'u alelo.
17I cried unto him with my mouth, and he was extolled with my tongue.
18Ina malama au i ka hewa ma ko'u naau, Aole e hoolohe mai ka Haku ia'u:
18If I regard iniquity in my heart, the Lord will not hear me:
19Aka, ua hoolohe io mai no ke Akua; Ua maliu mai i ka leo o ka'u pule.
19But verily God hath heard me; he hath attended to the voice of my prayer.
20E hoomaikaiia'ku ke Akua, Ka mea i hookapae ole i ka'u pule, A me kona aloha, mai o'u aku nei.
20Blessed be God, which hath not turned away my prayer, nor his mercy from me.
Tip: use the ← and → keys to turn chapters.