Mataio 1
Baibala Hemolele (Hawaiian Bible, 1868 revision)
King James Version with Apocrypha
1O KE kuauhau na ka hanauna o Iesu Kristo, ka mamo a Davida, ka mamo a Aberahama.
1The book of the generation of Jesus Christ, the son of David, the son of Abraham.
2Na Aberahama o Isaaka; na Isaaka o Iakoba; na Iakoba o Iuda a me kona poe hoahanau;
2Abraham begat Isaac; and Isaac begat Jacob; and Jacob begat Judas and his brethren;
3Na Iuda laua me Tamara o Paresa a me Zara; na Paresa o Hezerona; na Hezerona o Arama;
3And Judas begat Phares and Zara of Thamar; and Phares begat Esrom; and Esrom begat Aram;
4Na Arama o Aminadaba; na Aminadaba o Naasona; na Naasona o Salemona;
4And Aram begat Aminadab; and Aminadab begat Naasson; and Naasson begat Salmon;
5Na Salemona laua me Rahaba o Boaza; na Boaza laua me Ruta o Obeda; na Obeda o Iese;
5And Salmon begat Booz of Rachab; and Booz begat Obed of Ruth; and Obed begat Jesse;
6Na Iese o Davida ke alii; na Davida na ke alii laua me ka wahine a Uria o Solomona;
6And Jesse begat David the king; and David the king begat Solomon of her that had been the wife of Urias;
7Na Solomona o Rehoboama; na Rehoboama o Abia; na Abia o Asa;
7And Solomon begat Roboam; and Roboam begat Abia; and Abia begat Asa;
8Na Asa o Iosapata; na Iosapata o Iorama; na Iorama o Ozia;
8And Asa begat Josaphat; and Josaphat begat Joram; and Joram begat Ozias;
9Na Ozia o Iotama, na Iotama o Ahaza; na Ahaza o Hezekia;
9And Ozias begat Joatham; and Joatham begat Achaz; and Achaz begat Ezekias;
10Na Hezekia o Manase; na Manase o Amona; na Amona o Iosia;
10And Ezekias begat Manasses; and Manasses begat Amon; and Amon begat Josias;
11Na Iosia o Iekonia a me kona poe hoahanau, i ka manawa o ka lawe ana i Babulona:
11And Josias begat Jechonias and his brethren, about the time they were carried away to Babylon:
12A mahope mai o ka lawe ana i Babulona, na Iekonia o Saletiela; na Saletiela o Zerubabela;
12And after they were brought to Babylon, Jechonias begat Salathiel; and Salathiel begat Zorobabel;
13Na Zerubabela o Abiuda; na Abiuda o Eliakima; na Eliakima o Azora;
13And Zorobabel begat Abiud; and Abiud begat Eliakim; and Eliakim begat Azor;
14Na Azora o Sadoka; na Sadoka o Akima; na Akima o Eliuda;
14And Azor begat Sadoc; and Sadoc begat Achim; and Achim begat Eliud;
15Na Eliuda o Eleazara; na Eleazara o Mahetana; na Mahetana o Iakoba;
15And Eliud begat Eleazar; and Eleazar begat Matthan; and Matthan begat Jacob;
16Na Iakoba o Iosepa ke kane a Maria nana i hanau o Iesu, i kapaia o Kristo.
16And Jacob begat Joseph the husband of Mary, of whom was born Jesus, who is called Christ.
17O na banauna a pau mai ia Aberahama mai a hiki ia Davida, he umi ia hanauna a me kumamaha; a mai ia Davida mai a hiki i ka lawe ana i Babulona, he umi ia hanauna a me kumamaha; a mai ka lawe ana aku i Babulona mai, a hiki ia Kristo he umi ia hanauna a me kumamaha.
17So all the generations from Abraham to David are fourteen generations; and from David until the carrying away into Babylon are fourteen generations; and from the carrying away into Babylon unto Christ are fourteen generations.
18Penei hoi ka hanau ana o Iesu Kristo: I hoopalau e ia kona makuwahine o Maria na Iosepa, aole nae laua i pili, a ikea oia, ua hapai na ka Uhane Hemolele.
18¶ Now the birth of Jesus Christ was on this wise: When as his mother Mary was espoused to Joseph, before they came together, she was found with child of the Holy Ghost.
19Aka, he kanaka pono kana kane o Iosepa, aole ia i makemake e hoino ia ia ma ke akea; manao iho la ia e kipaku malu ia ia.
19Then Joseph her husband, being a just man , and not willing to make her a publick example, was minded to put her away privily.
20A i kona noonoo ana ma ia mau mea, aia hoi, ikeia'ku ka anela a ka Haku e ia ma ka moe, i mai la, E Iosepa, e ka mamo a Davida, mai makau oe ke lawe ia Maria i wahine nau; no ka mea, ua hapai oia na ka Uhane Hemolele.
20But while he thought on these things, behold, the angel of the Lord appeared unto him in a dream, saying, Joseph, thou son of David, fear not to take unto thee Mary thy wife: for that which is conceived in her is of the Holy Ghost.
21A e hanau mai oia i keikikane, a e kapa aku oe i kona inoa o IESU; no ka mea, e hoola ia i kona poe kanaka mai ko lakou hewa.
21And she shall bring forth a son, and thou shalt call his name JESUS: for he shall save his people from their sins.
22Ma ia mau mea i ko ai ka mea a ka Haku i olelo mai ai ma ke kaula, i ka i ana mai,
22Now all this was done, that it might be fulfilled which was spoken of the Lord by the prophet, saying,
23Aia hoi, e hapai ana kekahi wahine puupaa, a e hanau mai ia i keikikane, a e kapaia kona inoa o Emanuela; o ke ano keia, o ke Akua me kakou.
23Behold, a virgin shall be with child, and shall bring forth a son, and they shall call his name Emmanuel, which being interpreted is, God with us.
24A ala ae la o Iosepa mai ka hiamoe ana, hana aku la ia e like me ka ka anela a ka Haku i kauoha mai ai ia ia, a lawe mai la ia i kana wahine;
24Then Joseph being raised from sleep did as the angel of the Lord had bidden him, and took unto him his wife:
25Aole nae i moe aku ia ia, a hiki i ka wa i hanau ai oia i kana makahiapo kane, a kapa aku la ia i kona inoa o IESU.
25And knew her not till she had brought forth her firstborn son: and he called his name JESUS.
Tip: use the ← and → keys to turn chapters.