Solomona 26
Baibala Hemolele (Hawaiian Bible, 1868 revision)
King James Version with Apocrypha
1E LIKE me ka hau i ke kau, E like me ka ua i ka wa e ohi ai, Pela i ku ole ai ka hanohano i ka mea lapuwale.
1As snow in summer, and as rain in harvest, so honour is not seemly for a fool.
2E like me ka zepora e auwana ana, E like me ka derora e lele ana, Pela ka poino, aole ia e hiki wale mai.
2As the bird by wandering, as the swallow by flying, so the curse causeless shall not come.
3I mea hahau no ka lio, i kaulawaha no ka hoki, I laau hahau hoi no ke kua o na mea lapuwale.
3A whip for the horse, a bridle for the ass, and a rod for the fool’s back.
4Mai olelo aku i ka mea lapuwale e like me kona naaupo ana, O like oe me ia.
4Answer not a fool according to his folly, lest thou also be like unto him.
5E olelo no i ka mea lapuwale e like me kona naaupo ana, O naauao oia i kona maka iho.
5Answer a fool according to his folly, lest he be wise in his own conceit.
6O ka mea oki ne i na wawae a loaa ia ia ka poino, Oia ka i kauoha aku i na manao ma ka lima o ka mea lapuwale.
6He that sendeth a message by the hand of a fool cutteth off the feet, and drinketh damage.
7E lawe aku i na wawae o ka mea oopa, A me ka olelonane mailoko ae o ka waha o ka poe lapuwale.
7The legs of the lame are not equal: so is a parable in the mouth of fools.
8E like me ka nakii ana i ka iliili ma ka maa a paa, Pela ka haawi ana i ka hanohano no ka mea lapuwale.
8As he that bindeth a stone in a sling, so is he that giveth honour to a fool.
9O ka mea oioi e o ana i ka lima o ka mea ona, Oia ka olelonane ma ka waha o ka poe lapuwale.
9As a thorn goeth up into the hand of a drunkard, so is a parable in the mouth of fools.
10O ka mea nui nana i hana na mea a pau, Oia ka mea nana e hoopai i ka mea lapuwale a e hoopai hoi i ka poe lawehala.
10The great God that formed all things both rewardeth the fool, and rewardeth transgressors.
11E like me ka ilio i hoi hou aku i kona luai, Pela ka mea naaupo e hoi hou ana i kona lapuwale.
11As a dog returneth to his vomit, so a fool returneth to his folly.
12Ua ike anei oe i ke kanaka naauao i kona manao iho? He lana ka manao no ka mea naaupo aole nona.
12Seest thou a man wise in his own conceit? there is more hope of a fool than of him.
13I ae la ka mea palaualelo, He liona ma ke ala, He liona iwaena o ke kuamoo.
13The slothful man saith, There is a lion in the way; a lion is in the streets.
14O ka luli ana o ke pani ma kona ami, Oia ka mea palaualelo ma kona moena.
14As the door turneth upon his hinges, so doth the slothful upon his bed.
15Hookomo ka mea palaualelo i kona lima iloko o ke pa, A he mea kaumaha ia ia ke hapai hou ae ia i kona waha.
15The slothful hideth his hand in his bosom; it grieveth him to bring it again to his mouth.
16He naauao loa ka mea pulaualelo i kona manao iho, Mamua o na kanaka ehiku e hoike ana i ka oiaio.
16The sluggard is wiser in his own conceit than seven men that can render a reason.
17O ka mea lalau i ka ilio ma na pepeiao, Oia ka mea e maalo ana, a lawe pu i ka hakaka pili ole ia ia.
17He that passeth by, and meddleth with strife belonging not to him, is like one that taketh a dog by the ears.
18E like me ka mea e hooleilei ana i na ihe wela, a me na pua a me ka make;
18As a mad man who casteth firebrands, arrows, and death,
19Pela ke kanaka e hoopunipuni ana i kona hoanoho, I ae la hoi, Aole anei he paani ko'u?
19So is the man that deceiveth his neighbour, and saith, Am not I in sport?
20I ole ka wahie, e pio no ke ahi, I ole ka mea holoholo olelo, pau ka hakaka.
20Where no wood is, there the fire goeth out: so where there is no talebearer, the strife ceaseth.
21O ka nanahu i na nanahu wela, a me ka wahie i ke ahi, Oia ke kanaka huhu e hookonokono ana i ka hakaka.
21As coals are to burning coals, and wood to fire; so is a contentious man to kindle strife.
22O na olelo a ka mea holoholo olelo, Ua like no ia me na olelo paani, Komo ilalo nae ia a iloko lilo o ka opu.
22The words of a talebearer are as wounds, and they go down into the innermost parts of the belly.
23O ke kala maemae ole i hoopiliia me kahi pohue, Oia na lehelehe e alohaloha ana me ka naau ino.
23Burning lips and a wicked heart are like a potsherd covered with silver dross.
24O ka mea inaina, huna oia ma kona mau lehelehe, A iloko ona iho i waiho ai oia i ka hoopunipuni.
24He that hateth dissembleth with his lips, and layeth up deceit within him;
25Ina i oluolu kana olelo, mai manaoio aku ia ia; No ka mea, ehiku mau mea ino iloko o kona naau.
25When he speaketh fair, believe him not: for there are seven abominations in his heart.
26O ka mea i hunaia kona inaina i ka hoopunipuni, E hoikeia kona hewa imua o ke anaina kanaka.
26Whose hatred is covered by deceit, his wickedness shall be shewed before the whole congregation.
27O ka mea eli i ka lua, oia ke haule ilaila; O ka mea olokaa i ka pohaku, e hoi hou mai ia maluna ona.
27Whoso diggeth a pit shall fall therein: and he that rolleth a stone, it will return upon him.
28O ke elelo wahahee, oia ke inaina aku i ka mea poino malaila; O ka waha malimali, oia ke hana i ka mea e make ai.
28A lying tongue hateth those that are afflicted by it; and a flattering mouth worketh ruin.
Tip: use the ← and → keys to turn chapters.