Solomona 17
Baibala Hemolele (Hawaiian Bible, 1868 revision)
King James Version with Apocrypha
1MAIKAI hahi huna ai maloo me ke aloha pu kekahi, Mamua o ka hale i piha i na mohai ke pili me ka hakaka.
1Better is a dry morsel, and quietness therewith, than an house full of sacrifices with strife.
2O ke kauwa noonoo, e noho oia maluna o ke keiki e hana hilahila ana; A mawaena o na hoahanau e loaa ia ia kekahi hooilina.
2A wise servant shall have rule over a son that causeth shame, and shall have part of the inheritance among the brethren.
3He ipu hoohehee, no ke kala ia; no ke gula hoi he kapuahi uuku; Aka, na Iehova e hoao mai i na naau.
3The fining pot is for silver, and the furnace for gold: but the LORD trieth the hearts.
4O ka mea hewa la hoolohe oia i na lehelehe wahahee; O ka mea wahahee hoi, haliu kona pepeiao i ke elelo ino.
4A wicked doer giveth heed to false lips; and a liar giveth ear to a naughty tongue.
5O ka mea hoomaewaewa i ka mea nele, Ua hoowahawaha oia i ka mea nana ia i hana; O ka mea hoi i olioli i ka poino, Aole ia e pakele i ka hoopai ana.
5Whoso mocketh the poor reproacheth his Maker: and he that is glad at calamities shall not be unpunished.
6O ka lei o ka poe elemakule, oia na keiki a na keiki; O ka nani hoi o na keiki, oia na makuakane o lakou.
6Children’s children are the crown of old men; and the glory of children are their fathers.
7Aole i kupono i ka mea naaupo ka lehelehe pololei; Aole loa hoi i ke alii ka lehelehe wahahee.
7Excellent speech becometh not a fool: much less do lying lips a prince.
8He pohaku waiwai io ka makana i ka maka o ka mea nana ia; Ma na wahi a pau e loaa ana he mea ia e pono ai.
8A gift is as a precious stone in the eyes of him that hath it: whithersoever it turneth, it prospereth.
9O ka mea huna i ka hewa, oia ke imi i ke aloha; O ka mea hoolaha hou ae, hookaawale oia i na makamaka.
9He that covereth a transgression seeketh love; but he that repeateth a matter separateth very friends.
10Komo ke aoia mai iloko o ka mea naauao, Mamua o na hahau ana he haneri iloko o ka mea lapuwale.
10A reproof entereth more into a wise man than an hundred stripes into a fool.
11Ma ke kipi wale no e imi ai ke kanaka ino; Nolaila, hoounaia ka ilamuku io na la.
11An evil man seeketh only rebellion: therefore a cruel messenger shall be sent against him.
12E aho ke halawai ka bea keiki make me ke kanaka, Aole ka mea naaupo iloko o kona lapuwale.
12Let a bear robbed of her whelps meet a man, rather than a fool in his folly.
13O ka mea hana ino aku na ka mea hana pono mai, Aole e kaawale ka ino mai kona hale aku.
13Whoso rewardeth evil for good, evil shall not depart from his house.
14E like me ka hookahe ana o ka wai, Pela ka hoomaka ana o ka hakaka; Nolaila, e oki e i ka hakaka mamua o kona mahuahua ana.
14The beginning of strife is as when one letteth out water: therefore leave off contention, before it be meddled with.
15O ka mea hoopono aku i ka mea hewa, A o ka mea hoahewa aku i ka mea pono, Ho mau mea hoopailua laua ia Iehova.
15He that justifieth the wicked, and he that condemneth the just, even they both are abomination to the LORD .
16No ke aha la keia, he kumu kuai ma ka lima o ka mea lapuwale, E kuai aku ai i ke akamai, aohe ona manao malaila?
16Wherefore is there a price in the hand of a fool to get wisdom, seeing he hath no heart to it ?
17I na manawa a pau e aloha ana ka makamaka, A no ka la popilikia i hanau ai ka hoahanau.
17A friend loveth at all times, and a brother is born for adversity.
18O ke kanaka naauao ole, pai oia i ka lima, Lilo ia i mea panai imua o kona makamaka.
18A man void of understanding striketh hands, and becometh surety in the presence of his friend.
19O ka mea makemake i ke kipi, oia ka i makemake i ka hakaka; O ka mea hookiekie ae i kona ipuka, imi oia i ka make.
19He loveth transgression that loveth strife: and he that exalteth his gate seeketh destruction.
20O ka mea naau kekee, aole i loaa ia ia ka maikai; O ka mea elelo hoopunipuni, e haule oia i ka ino.
20He that hath a froward heart findeth no good: and he that hath a perverse tongue falleth into mischief.
21O ka mea i hanau mai nana ke keiki lapuwale, he kaumaha kona; Aole e olioli ka makuakane o ke keiki naaupo.
21He that begetteth a fool doeth it to his sorrow: and the father of a fool hath no joy.
22O ka naau olioli, he laau lapaau ia e hooluolu ana; O ka uhane i hana pepe ia, hoomaloo ia i na iwi.
22A merry heart doeth good like a medicine: but a broken spirit drieth the bones.
23Kaili ae ka mea hewa i ka waiwai kipe, I kona hoohaunaele ana i ka aoao pono.
23A wicked man taketh a gift out of the bosom to pervert the ways of judgment.
24Imua i ke alo o ka mea noonoo malaila ka naauao; Aia hoi na maka o ka mea lapuwale, ma na welau o ka honua.
24Wisdom is before him that hath understanding; but the eyes of a fool are in the ends of the earth.
25O ke keiki lapuwale, ke kaumaha ia no kona makuakane, He mea awahia hoi i ka mea nana ia i hanau mai.
25A foolish son is a grief to his father, and bitterness to her that bare him.
26O ka hoopai hewa i ka mea pono, aole ia he maikai, Aole hoi ke papai aku i na'lii no ka pololei.
26Also to punish the just is not good, nor to strike princes for equity.
27O ka mea ike nui, akahele oia i ka olelo; He uhane noho malie ko ke kanaka naauao.
27He that hath knowledge spareth his words: and a man of understanding is of an excellent spirit.
28O ka mea naaupo hoi, i kona mumule ana, ua kuhiia oia he naauao; O ka mea pani i kona mau lehelehe hoi, he kanaka ike no ia.
28Even a fool, when he holdeth his peace, is counted wise: and he that shutteth his lips is esteemed a man of understanding.
Tip: use the ← and → keys to turn chapters.