Solomona 9
Baibala Hemolele (Hawaiian Bible, 1868 revision)
King James Version with Apocrypha
1KUKULU ae la ka naauao i kona hale, Kalai iho la oia i kona mau kia ehiku.
1Wisdom hath builded her house, she hath hewn out her seven pillars:
2Kalua oia i kana mau mea momona; Kawili ae la oia i kona waina; Hoomakaukau no i kana papaaina.
2She hath killed her beasts; she hath mingled her wine; she hath also furnished her table.
3Hoouna aku la oia i kana poe kauwawahine, E hea aku maluna o na wahi kiekie o ke kulanakauhale,
3She hath sent forth her maidens: she crieth upon the highest places of the city,
4Owai ka mea naaupo? e huli mai ia io'u nei: I ka mea noonoo ole hoi, olelo ae la oia ia ia,
4Whoso is simple, let him turn in hither: as for him that wanteth understanding, she saith to him,
5Ina, e ai mai oukou i ka'u berena, E inu hoi i ka waina a'u i kawili ai.
5Come, eat of my bread, and drink of the wine which I have mingled.
6E haalele i ka poe manao ole, i ola oukou, E hele hoi ma ke ala o ka naauao.
6Forsake the foolish, and live; and go in the way of understanding.
7O ka mea e ao aku i ke kanaka aia, E loaa ia ia ka hilahila; O ka mea e ao aku i ka mea hewa, e loaa ia ia ka palahea.
7He that reproveth a scorner getteth to himself shame: and he that rebuketh a wicked man getteth himself a blot.
8Mai ao aku i ke kanaka aia, O hoowahawaha mai oia ia oe; E ao aku i ka mea naauao, A e aloha mai oia ia oe.
8Reprove not a scorner, lest he hate thee: rebuke a wise man, and he will love thee.
9E haawi na ka mea naauao, A e oi mau ka naauao; E ao hoi i ka mea hoopono, A e mahuahua ae la kona ike.
9Give instruction to a wise man , and he will be yet wiser: teach a just man , and he will increase in learning.
10O ka mole o ka naauao, Oia ka makau ia Iehova; O ka ike i ka Mea hemolele, Oia ka noonoo ana,
10The fear of the LORD is the beginning of wisdom: and the knowledge of the holy is understanding.
11No ka mea, ma o'u nei, e mahuahua ae ai kou mau la, A e nui ai hoi na makahiki o kou ola ana.
11For by me thy days shall be multiplied, and the years of thy life shall be increased.
12Ina e naauao oe, e naauao no oe nou iho; Ina e hoowahawaha oe, maluna ou wale no ia mea.
12If thou be wise, thou shalt be wise for thyself: but if thou scornest, thou alone shalt bear it .
13O ka wahine naaupo, he walaau kona; Ua manao ole, aole oia i ike i kekahi mea.
13¶ A foolish woman is clamorous: she is simple, and knoweth nothing.
14Noho no oia ma ka puka o kona hale, Ma ka noho hoi ma kahi kiekie o ke kulanakauhale,
14For she sitteth at the door of her house, on a seat in the high places of the city,
15E hea aku i ka poe hele ma ke ala, Ka poe hele pololei ma ke alanui;
15To call passengers who go right on their ways:
16Owai ka mea manao ole? e huli mai i o'u nei; I ka mea naaupo, olelo aku la oia ia ia,
16Whoso is simple, let him turn in hither: and as for him that wanteth understanding, she saith to him,
17Ua ono no na wai i aihueia, Ua mananalo hoi ka berena ke ai malu.
17Stolen waters are sweet, and bread eaten in secret is pleasant.
18Aole nae i ike kela, malaila ka poe make, Aia kona poe hoaai ilalo loa i ka malu make.
18But he knoweth not that the dead are there; and that her guests are in the depths of hell.
Tip: use the ← and → keys to turn chapters.