Solomona 25
Baibala Hemolele (Hawaiian Bible, 1868 revision)
King James Version with Apocrypha
1EIA no hoi na olelo akamai a Solomona, na na kanaka o Hezekia ke alii o ka Iuda i kakau hou iho.
1These are also proverbs of Solomon, which the men of Hezekiah king of Judah copied out.
2He mea nani i ke Akua ke huna i kekahi mea; He mea nani hoi i na'lii ke imi aku.
2It is the glory of God to conceal a thing: but the honour of kings is to search out a matter.
3O ka lani he kiekie, o ka honua he hohonu, A o ka naau o na alii, he mau mea ike ole ia.
3The heaven for height, and the earth for depth, and the heart of kings is unsearchable.
4E hookaawale aku i ka lepo o ke kala, A e puka mai kekahi ipu no ka mea hoohehee.
4Take away the dross from the silver, and there shall come forth a vessel for the finer.
5E hookaawale aku i ka mea hewa mai ke alo aku o ke alii, A e paa iho no kona nohoalii ma ka pono.
5Take away the wicked from before the king, and his throne shall be established in righteousness.
6Mai hookiekie ae imua o ke alii, A ma kahi o ka poe koikoi mai ku ae oe.
6Put not forth thyself in the presence of the king, and stand not in the place of great men:
7No ka mea, he maikai ke olelo mai ia oe, e pii mai oe ia nei, Mamua o kou hoohaahaaia mai imua o ke alii, Ka mea a kou mau maka i nana aku ai.
7For better it is that it be said unto thee, Come up hither; than that thou shouldest be put lower in the presence of the prince whom thine eyes have seen.
8Mai hiki wawe aku oe i ka hakaka, No ka mea, heaha kau e hana'i mahope aku, Ke hoohilahila mai kou hoanoho ia oe?
8Go not forth hastily to strive, lest thou know not what to do in the end thereof, when thy neighbour hath put thee to shame.
9Me kou hoanoho oe e hoopaapaa aku ai, Mai hoike aku i ka mea ia hai;
9Debate thy cause with thy neighbour himself; and discover not a secret to another:
10O henehene mai ia oe ka mea lohe, Aole e pau ka olelo ino mai nou.
10Lest he that heareth it put thee to shame, and thine infamy turn not away.
11O na ohia gula ma na kii kala, Oia ka huaolelo i oleloia i ka wa pono.
11A word fitly spoken is like apples of gold in pictures of silver.
12He apo pepeiao gula, a he mea gula maemae e nani ai, Oia ka hoonaauao ana i ka pepeiao hoolohe.
12As an earring of gold, and an ornament of fine gold, so is a wise reprover upon an obedient ear.
13E like me ke anu o ka hau i ka wa e ohi ai, Pela ka elele oiaio i ka mea nana ia e hoounauna aku; Hooluolu oia i ka uhane o kona mau haku.
13As the cold of snow in the time of harvest, so is a faithful messenger to them that send him: for he refresheth the soul of his masters.
14O na ao a me ka makani ua ole, Oia ke kanaka e haanui ana no ka makana hoopunipuni.
14Whoso boasteth himself of a false gift is like clouds and wind without rain.
15Ma ka hoomanawanui i hoohuliia ai ke alii, O ke elelo akahai ke uhai aku i ka iwi.
15By long forbearing is a prince persuaded, and a soft tongue breaketh the bone.
16Ua loaa anei ia oe ka meli? e ai iho e like me ka pono nou, O hookuku oe ia mea a e luai aku ia.
16Hast thou found honey? eat so much as is sufficient for thee, lest thou be filled therewith, and vomit it.
17Ua oki kou wawae i ka hele i ka hale o kou hoanoho, O luhi oia ia oe a e inaina mai no hoi.
17Withdraw thy foot from thy neighbour’s house; lest he be weary of thee, and so hate thee.
18O ka hamare a me ka pahikaua a me ka pua oioi, Oia ke kanaka hoike wahahee no kona hoanoho.
18A man that beareth false witness against his neighbour is a maul, and a sword, and a sharp arrow.
19O ka niho i haiia, o ka wawae okupe, Oia ka paulele ana i ka mea lohe ole i ka wa popilikia.
19Confidence in an unfaithful man in time of trouble is like a broken tooth, and a foot out of joint.
20O ka mea lawe aku i ke kapa i ka wa anu, A o ka vinega hoi ma ka paakai, Oia ke mele aku i ke mele i ka mea naau kaumaha.
20As he that taketh away a garment in cold weather, and as vinegar upon nitre, so is he that singeth songs to an heavy heart.
21Ina pololi kou enemi, e haawi aku ia ia i ka ai, Ina i makewai ia, e hoohainu ia ia i ka wai;
21If thine enemy be hungry, give him bread to eat; and if he be thirsty, give him water to drink:
22Pela no oe e kau aku ai i na nanahu wela maluna o kona poo, A na Iehova oe e uku mai.
22For thou shalt heap coals of fire upon his head, and the LORD shall reward thee.
23O ka makani akau, pale aku ia i ka ua, A o ka maka huhu hoi i ke elelo akiaki.
23The north wind driveth away rain: so doth an angry countenance a backbiting tongue.
24E aho ka noho ana ma kahi kihi oluna o ka hale, Aole me ka wahine nuku wale ma ka hale kanaka.
24It is better to dwell in the corner of the housetop, than with a brawling woman and in a wide house.
25O ka wai huihui i ka mea makewai la, Oia ka olelo hooluolu mai ka aina loihi e mai.
25As cold waters to a thirsty soul, so is good news from a far country.
26He punawai lepolepo, a he waipuna pilopilo, Oia ka mea pono e haule ana imua o ka mea hewa.
26A righteous man falling down before the wicked is as a troubled fountain, and a corrupt spring.
27O ka ai ana i ka meli a nui, aole ia he maikai, Pela hoi ka imi ana i ke kaulana nui loa.
27It is not good to eat much honey: so for men to search their own glory is not glory.
28O ke kulanakauhale hiolo, aohe pa, Oia ke kanaka hoomalu ole i kona uhane iho.
28He that hath no rule over his own spirit is like a city that is broken down, and without walls.
Tip: use the ← and → keys to turn chapters.