Ioba 6
Baibala Hemolele (Hawaiian Bible, 1868 revision)
King James Version with Apocrypha
1OLELO mai la o Ioba, i mai la,
1But Job answered and said,
2Ina paha e kaupaona pono ia kuu luuluu, A e kauia ma ka mea kaupaona kuu ehaeha!
2Oh that my grief were throughly weighed, and my calamity laid in the balances together!
3No ka mea, ano, ua oi kona kaumaha mamua o ke one o ke kai: Nolaila, ua ilihia ka'u mau huaolelo.
3For now it would be heavier than the sand of the sea: therefore my words are swallowed up.
4No ka mea, o na pua pana o ka Mea mana, eia iloko o'u, A ke inu nei ka wela o ia mau mea i kuu uhane; O na mea weliweli o ke Akua, ke ku e mai nei ia'u.
4For the arrows of the Almighty are within me, the poison whereof drinketh up my spirit: the terrors of God do set themselves in array against me.
5E uwe anei ka hoki hihiu imua o ka weuweu? A ke uwo anei ka bipi maluna o kana mea ai?
5Doth the wild ass bray when he hath grass? or loweth the ox over his fodder?
6E hiki anei ke aiia ka mea mananalo, ke ole ka paakai. He mea ono anei ke ewe o ka hua moa?
6Can that which is unsavoury be eaten without salt? or is there any taste in the white of an egg?
7Aole au e hiki ke hoopa aku, Ua like ia me ka hoopailua o ko'u ai.
7The things that my soul refused to touch are as my sorrowful meat.
8Ina paha e haawiia mai kuu mea e noi aku ai, Ina paha e haawi mai ke Akua i kuu mea i kuko aku ai!
8Oh that I might have my request; and that God would grant me the thing that I long for!
9A ina paha e oluolu ke Akua e ulupa mai ia'u, Ina e hookuu mai ia i kona lima, a e oki mai ia'u!
9Even that it would please God to destroy me; that he would let loose his hand, and cut me off!
10Alaila e oluolu hou iho no wau, A e hauoli aku au i ka eha: Mai aua mai ia; no ka mea, aole au i hoole i na olelo a ka Mea Hemolele.
10Then should I yet have comfort; yea, I would harden myself in sorrow: let him not spare; for I have not concealed the words of the Holy One.
11Heaha kuu ikaika, i kakali aku ai au? Heaha hoi kuu hope, i hooloihi aku ai au i kuu ola?
11What is my strength, that I should hope? and what is mine end, that I should prolong my life?
12He ikaika anei ko'u e like me ka ikaika o na pohaku? He keleawe anei ko'u io?
12Is my strength the strength of stones? or is my flesh of brass?
13Aole anei ka'u kokua iloko o'u? A ua holo aku anei ka mea e pakele ai mai o'u aku la?
13Is not my help in me? and is wisdom driven quite from me?
14O ka mea ehaeha e alohaia oia e kona hoalauna; Aka, ua haalele aku ia i ka makau i ka Mea mana.
14To him that is afflicted pity should be shewed from his friend; but he forsaketh the fear of the Almighty.
15Ua hana hoopunipuni mai ko'u mau hoahanau, e like me ke kahawai; Ua nalowale aku lakou, e like me ka wai kahe o na awawa;
15My brethren have dealt deceitfully as a brook, and as the stream of brooks they pass away;
16I uliuli i ka waipaa, Malaila i hunaia'i ka hau.
16Which are blackish by reason of the ice, and wherein the snow is hid:
17I ka wa e ololi ai lakou, ua hoopauia lakou; I ke kau wela, ua maloo aku la mai ko lakou wahi aku.
17What time they wax warm, they vanish: when it is hot, they are consumed out of their place.
18Ua huli ae na huakai ma ko lakou ala ilaila; Hele lakou a nalowale, a pau.
18The paths of their way are turned aside; they go to nothing, and perish.
19Nana aku la, na huakai hele o Tema, A o na poe hele o Seba, i kakali aku ia lakou.
19The troops of Tema looked, the companies of Sheba waited for them.
20Ua hoka lakou, no ka mea, ua lana wale ka manao: Hele lakou ilaila, a hoohilahilaia lakou.
20They were confounded because they had hoped; they came thither, and were ashamed.
21No ka mea, ua like oukou me ka mea ole; Ua ike oukou i ka popilikia, a makau iho la.
21For now ye are nothing; ye see my casting down, and are afraid.
22Ua olelo anei au, E lawe mai no'u? A e haawi mai i makana no'u mailoko mai o ko oukou waiwai?
22Did I say, Bring unto me? or, Give a reward for me of your substance?
23A e hoopakele paha oukou ia'u mai ka lima mai o ka enemi? A e hoola ia'u, mai ka lima mai o ka poe ikaika?
23Or, Deliver me from the enemy’s hand? or, Redeem me from the hand of the mighty?
24E ao mai oukou ia'u, a e noho malie iho au: E hoike mai oukou ia'u i kuu mea i lalau ai.
24Teach me, and I will hold my tongue: and cause me to understand wherein I have erred.
25Nani ka ikaika o na olelo oiaio! Aka, heaha la ka ka oukou olelo hoino e hooiaio ai?
25How forcible are right words! but what doth your arguing reprove?
26Ke manao nei anei oukou e hoohewa i na hua olelo? A o na olelo a ka mea paupauaho, Ua like me ka makani?
26Do ye imagine to reprove words, and the speeches of one that is desperate, which are as wind?
27Oiaio, ke hoohina nei oukou i ka mea makua ole, A ke eli iho oukou i lua no ko oukou hoalauna.
27Yea, ye overwhelm the fatherless, and ye dig a pit for your friend.
28Ano hoi, e noho malie oukou, e nana mai ia'u; No ka mea, ua akaka ia oukou, ke hoopunipuni au.
28Now therefore be content, look upon me; for it is evident unto you if I lie.
29E hoi hou, ke noi aku nei au ia oukou, mai hoolilo ia i hewa; Oia e hoi hou hoi, A o ko'u pono aia iloko o ia mea.
29Return, I pray you, let it not be iniquity; yea, return again, my righteousness is in it.
30He hewa anei iloko o kuu alelo? Aole anei au e ike i na mea hewa?
30Is there iniquity in my tongue? cannot my taste discern perverse things?
Tip: use the ← and → keys to turn chapters.