Ioba 32
Baibala Hemolele (Hawaiian Bible, 1868 revision)
King James Version with Apocrypha
1HOOKI iho la keia mau kanaka ekolu i ka olelo aku ia Ioba, no ka mea, ua pono ia i kona maka iho.
1So these three men ceased to answer Job, because he was righteous in his own eyes.
2Alaila hoaia ka inaina o Elihu ke keiki a Barakela o ka Buza, no ka ohana a Rama; ia Ioba i hoaia'i kona inaina, no kona hoapono ia ia iho mamua o ke Akua.
2Then was kindled the wrath of Elihu the son of Barachel the Buzite, of the kindred of Ram: against Job was his wrath kindled, because he justified himself rather than God.
3I kona mau hoalauna ekolu hoi ua hoaia'i kona inaina, no ka mea, aole i loaa ia lakou ka mea e ekemu aku ai, ua hoahewa no nae lakou ia Ioba.
3Also against his three friends was his wrath kindled, because they had found no answer, and yet had condemned Job.
4A ua kali aku o Elihu ia Ioba i na olelo, no ka mea, ua oi aku ko lakou mau makahiki mamua ona.
4Now Elihu had waited till Job had spoken, because they were elder than he.
5A ike aku la o Elihu, aohe mea ma ka waha o keia mau kanaka ekolu e ekemu aku ai, alaila hoaia kona inaina.
5When Elihu saw that there was no answer in the mouth of these three men, then his wrath was kindled.
6Olelo aku la o Elihu, ke keiki a Barakela ka Buza, i aku la, He hapa ko'u mau la, a he poe kahiko oukou; Nolaila hopohopo no wau, a makau hoi i ka hoike aku i ko'u manao ia oukou.
6And Elihu the son of Barachel the Buzite answered and said, I am young, and ye are very old; wherefore I was afraid, and durst not shew you mine opinion.
7I iho la au, E olelo mai ka poe kahiko e pono ai, A e hoike ka poe nona na makahiki he nui i ka naauao.
7I said, Days should speak, and multitude of years should teach wisdom.
8He oiaio, o ka Uhane no iloko o ke kanaka: A o ka hanu o ka Mea mana ua hoonaauao ia ia.
8But there is a spirit in man: and the inspiration of the Almighty giveth them understanding.
9Aole naauao na elemakule; Aole hoi e ike ka poe kahiko i ka hooponopono ana.
9Great men are not always wise: neither do the aged understand judgment.
10Nolaila i iho la au, E hoolohe mai ia'u; E hoike aku no hoi au i ko'u manao.
10Therefore I said, Hearken to me; I also will shew mine opinion.
11Aia hoi, ua kali aku au i ka oukou mau olelo, A hoolohe au i ko oukou hoomoakaka ana, I ka manawa i imi ai oukou i na olelo.
11Behold, I waited for your words; I gave ear to your reasons, whilst ye searched out what to say.
12A ua noonoo au i ka oukou, Aia hoi, aole kekahi o oukou i pane pono aku ia Ioba, A i hoohee aku i kana olelo;
12Yea, I attended unto you, and, behold, there was none of you that convinced Job, or that answered his words:
13O olelo auanei oukou, Ua loaa ia makou ke akamai: Na ke Akua i hooauhee ia ia, aole na ke kanaka.
13Lest ye should say, We have found out wisdom: God thrusteth him down, not man.
14Aole ia i olelo ku e mai ia'u; Aole no hoi au e olelo aku ia ia me ka oukou mau olelo.
14Now he hath not directed his words against me: neither will I answer him with your speeches.
15Ua pilipu lakou, aole lakou i ekemu hou mai: A hooki iho lakou i ka olelo ana.
15They were amazed, they answered no more: they left off speaking.
16A ua kakali aku au, (no ka mea, aole lakou i olelo mai, aka, ku malie iho la, aole i ekemu hou mai;)
16When I had waited, (for they spake not, but stood still, and answered no more;)
17Owau no kekahi e olelo aku i ka'u wahi, E hoike aku hoi au i ko'u manao.
17I said , I will answer also my part, I also will shew mine opinion.
18No ka mea, ua piha au i na olelo, Ke koi mai nei ia'u ka uhane iloko o'u.
18For I am full of matter, the spirit within me constraineth me.
19Aia hoi, o ko'u opu ua like ia me ka waina i wehe ole ia; E nahae auanei ia e like me na hue ili hou.
19Behold, my belly is as wine which hath no vent; it is ready to burst like new bottles.
20E olelo aku no au, i oluolu iho ai au; E wehe ae au i kuu lehelehe, a e ekemu aku.
20I will speak, that I may be refreshed: I will open my lips and answer.
21Ke noi aku nei au, mai ae mai oukou i kuu nana ana ma ko ke kanaka helehelena, Aole hoi au e malimali aku i ke kanaka.
21Let me not, I pray you, accept any man’s person, neither let me give flattering titles unto man.
22No ka mea, aole au i ike e malimali wale aku; E lawe koke aku ia'u ko'u Mea nana i hana.
22For I know not to give flattering titles; in so doing my maker would soon take me away.
Tip: use the ← and → keys to turn chapters.