Ioba 30
Baibala Hemolele (Hawaiian Bible, 1868 revision)
King James Version with Apocrypha
1A NO hoi, ua henehene mai ia'u ka poe opiopio ia'u, Ka poe nona na makuakane a'u i hoowahawaha ai, Aole e hoonoho pu me na ilio o ka'u poe hipi.
1But now they that are younger than I have me in derision, whose fathers I would have disdained to have set with the dogs of my flock.
2Oia hoi, o ka ikaika o ko lakou lima heaha ia ia'u, Ka mea i pau ka ikaika?
2Yea, whereto might the strength of their hands profit me, in whom old age was perished?
3No ka ilihune a no ka pololi ua wiwi lakou; Holo lakou i ka waonahele, I ka po he mehameha a neoneo.
3For want and famine they were solitary; fleeing into the wilderness in former time desolate and waste.
4Uhuki lakou i ka maluha ma ka nahelehele, A me ke aa o ka laau iunipera i ai na lakou.
4Who cut up mallows by the bushes, and juniper roots for their meat.
5Maiwaena mai o kanaka ua hookukeia'ku lakou; Kahea nui aku mahope o lakou e like me lakou i ka aihue;
5They were driven forth from among men , (they cried after them as after a thief;)
6Maloko o na awawa weliweli e noho ai lakou, Maloko o na lua o ka honua a me na pohaku.
6To dwell in the clifts of the valleys, in caves of the earth, and in the rocks.
7Mawaena o ka nahelehele, me he hoki la lakou i uwe ai, Malalo o ka laau kuku lakou i hoakoakoa ai.
7Among the bushes they brayed; under the nettles they were gathered together.
8He poe keiki a kanaka lapuwale, He poe keiki a kanaka inoa ole; Ua hookukeia lakou mai ka aina aku.
8They were children of fools, yea, children of base men: they were viler than the earth.
9Ano hoi, ua lilo au i mea e mele ai lakou; A ua lilo hoi au no lakou i mea e olelo nane ai.
9And now am I their song, yea, I am their byword.
10Ua hoopailua lakou ia'u, a holo mamao lakou mai o'u aku la, Aole lakou i uumi i ke kuha mai i kuu maka.
10They abhor me, they flee far from me, and spare not to spit in my face.
11No ka mea, ua kuu aku ia i kona kaulawaha, a ua hookaumaha mai ia'u; Ua kuu aku hoi lakou i ke kaulawaha imua o'u.
11Because he hath loosed my cord, and afflicted me, they have also let loose the bridle before me.
12Ma ka akau ku mai ka poe opio, a hoonee aku i kuu wawae, Hoouka ae lakou i na alanui no kuu make.
12Upon my right hand rise the youth; they push away my feet, and they raise up against me the ways of their destruction.
13Ua hana ino lakou i kuu ala, Ua kokua lakou i kuu hina ana; Aohe o lakou kokua.
13They mar my path, they set forward my calamity, they have no helper.
14Hele mai lakou me he poha nui mai la: Ma kahi nahae, hookaa mai la lakou maluna o'u.
14They came upon me as a wide breaking in of waters: in the desolation they rolled themselves upon me .
15Ua hiki mai na mea hooweliweli maluna o'u: Hoomaau lakou i kuu lokomaikai e like me ka makani; A me he ao la, ke hele aku nei kuu pomaikai.
15Terrors are turned upon me: they pursue my soul as the wind: and my welfare passeth away as a cloud.
16Ano hoi ua nininiia kuu uhane iloko o'u, Ua lalau mai na la kaumaha ia'u.
16And now my soul is poured out upon me; the days of affliction have taken hold upon me.
17I ka po ua oia kuu mau iwi iloko o'u; Aole i maha kuu mau eha aai.
17My bones are pierced in me in the night season: and my sinews take no rest.
18No ka ikaika loa o kuu mai, ua ano e kuu aahu; Ua puliki mai ia'u e like me ka a-i o kuu kapakomo.
18By the great force of my disease is my garment changed: it bindeth me about as the collar of my coat.
19Ua hoolei mai oia ia'u iloko o ka nenelu, A ua like au me ka lepo a me ka lehu.
19He hath cast me into the mire, and I am become like dust and ashes.
20Ua uwe aku au ia oe, aole oe i hoolohe mai ia'u; A ku au iluna, aole oe i manao mai ia'u.
20I cry unto thee, and thou dost not hear me: I stand up, and thou regardest me not .
21Ua lilo oe i enemi no'u, Me ka ikaika o kou lima i hahai mai oe ia'u.
21Thou art become cruel to me: with thy strong hand thou opposest thyself against me.
22Ua kaikai oe ia'u, A hooholo no oe ia'u maluna o ka makani; Ua hooheehee mai hoi ia'u a hoomakau mai.
22Thou liftest me up to the wind; thou causest me to ride upon it , and dissolvest my substance.
23No ka mea, ua ike no au e hoihoi aku oe ia'u i ka make, A i ka hale e akoakoa ai ka poe a pau e ola ana.
23For I know that thou wilt bring me to death, and to the house appointed for all living.
24Aka, he mea ole ka pule, ke kikoo mai ia i kona lima, Ina e uwe lakou iloko o kona luku ana.
24Howbeit he will not stretch out his hand to the grave, though they cry in his destruction.
25Aole anei au i uwe i kona la pilikia? Aole anei i kaumaha ko'u naau no ka poe ilihune?
25Did not I weep for him that was in trouble? was not my soul grieved for the poor?
26I ka wa i kakali ai au i ka maikai, alaila hiki mai ka hewa; A ukali au i ka malamalama, alaila hiki mai ka pouli.
26When I looked for good, then evil came unto me: and when I waited for light, there came darkness.
27Ua kupikio kuu opu, aohe malie iho; Ua hiki e mai ia'u na la popilikia.
27My bowels boiled, and rested not: the days of affliction prevented me.
28Ke hele eleele nei au, aole nae i ka la: Ku no au iluna maloko o ka ahakanaka, a uwe aku au.
28I went mourning without the sun: I stood up, and I cried in the congregation.
29Ua lilo au i hoahanau no na iliohae, A i hoalauna no na iana.
29I am a brother to dragons, and a companion to owls.
30Ua eleele kuu ili maluna o'u, A ua hoaia kuu mau iwi i ka wela.
30My skin is black upon me, and my bones are burned with heat.
31A ua lilo kuu lira no ke kanikau, A o kuu mea hookiokio no ka leo o ka poe e uwe ana.
31My harp also is turned to mourning, and my organ into the voice of them that weep.
Tip: use the ← and → keys to turn chapters.