Ioba 6
Baibala Hemolele (Hawaiian Bible, 1868 revision)
World English Bible
1OLELO mai la o Ioba, i mai la,
1Then Job answered,
2Ina paha e kaupaona pono ia kuu luuluu, A e kauia ma ka mea kaupaona kuu ehaeha!
2“Oh that my anguish were weighed, and all my calamity laid in the balances!
3No ka mea, ano, ua oi kona kaumaha mamua o ke one o ke kai: Nolaila, ua ilihia ka'u mau huaolelo.
3For now it would be heavier than the sand of the seas, therefore my words have been rash.
4No ka mea, o na pua pana o ka Mea mana, eia iloko o'u, A ke inu nei ka wela o ia mau mea i kuu uhane; O na mea weliweli o ke Akua, ke ku e mai nei ia'u.
4For the arrows of the Almighty are within me. My spirit drinks up their poison. The terrors of God set themselves in array against me.
5E uwe anei ka hoki hihiu imua o ka weuweu? A ke uwo anei ka bipi maluna o kana mea ai?
5Does the wild donkey bray when he has grass? Or does the ox low over his fodder?
6E hiki anei ke aiia ka mea mananalo, ke ole ka paakai. He mea ono anei ke ewe o ka hua moa?
6Can that which has no flavor be eaten without salt? Or is there any taste in the white of an egg?
7Aole au e hiki ke hoopa aku, Ua like ia me ka hoopailua o ko'u ai.
7My soul refuses to touch them. They are as loathsome food to me.
8Ina paha e haawiia mai kuu mea e noi aku ai, Ina paha e haawi mai ke Akua i kuu mea i kuko aku ai!
8“Oh that I might have my request, that God would grant the thing that I long for,
9A ina paha e oluolu ke Akua e ulupa mai ia'u, Ina e hookuu mai ia i kona lima, a e oki mai ia'u!
9even that it would please God to crush me; that he would let loose his hand, and cut me off!
10Alaila e oluolu hou iho no wau, A e hauoli aku au i ka eha: Mai aua mai ia; no ka mea, aole au i hoole i na olelo a ka Mea Hemolele.
10Let it still be my consolation, yes, let me exult in pain that doesn’t spare, that I have not denied the words of the Holy One.
11Heaha kuu ikaika, i kakali aku ai au? Heaha hoi kuu hope, i hooloihi aku ai au i kuu ola?
11What is my strength, that I should wait? What is my end, that I should be patient?
12He ikaika anei ko'u e like me ka ikaika o na pohaku? He keleawe anei ko'u io?
12Is my strength the strength of stones? Or is my flesh of bronze?
13Aole anei ka'u kokua iloko o'u? A ua holo aku anei ka mea e pakele ai mai o'u aku la?
13Isn’t it that I have no help in me, that wisdom is driven away from me?
14O ka mea ehaeha e alohaia oia e kona hoalauna; Aka, ua haalele aku ia i ka makau i ka Mea mana.
14“To him who is ready to faint, kindness should be shown from his friend; even to him who forsakes the fear of the Almighty.
15Ua hana hoopunipuni mai ko'u mau hoahanau, e like me ke kahawai; Ua nalowale aku lakou, e like me ka wai kahe o na awawa;
15My brothers have dealt deceitfully as a brook, as the channel of brooks that pass away;
16I uliuli i ka waipaa, Malaila i hunaia'i ka hau.
16which are black by reason of the ice, in which the snow hides itself.
17I ka wa e ololi ai lakou, ua hoopauia lakou; I ke kau wela, ua maloo aku la mai ko lakou wahi aku.
17In the dry season, they vanish. When it is hot, they are consumed out of their place.
18Ua huli ae na huakai ma ko lakou ala ilaila; Hele lakou a nalowale, a pau.
18The caravans that travel beside them turn away. They go up into the waste, and perish.
19Nana aku la, na huakai hele o Tema, A o na poe hele o Seba, i kakali aku ia lakou.
19The caravans of Tema looked. The companies of Sheba waited for them.
20Ua hoka lakou, no ka mea, ua lana wale ka manao: Hele lakou ilaila, a hoohilahilaia lakou.
20They were distressed because they were confident. They came there, and were confounded.
21No ka mea, ua like oukou me ka mea ole; Ua ike oukou i ka popilikia, a makau iho la.
21For now you are nothing. You see a terror, and are afraid.
22Ua olelo anei au, E lawe mai no'u? A e haawi mai i makana no'u mailoko mai o ko oukou waiwai?
22Did I ever say, ‘Give to me’? or, ‘Offer a present for me from your substance’?
23A e hoopakele paha oukou ia'u mai ka lima mai o ka enemi? A e hoola ia'u, mai ka lima mai o ka poe ikaika?
23or, ‘Deliver me from the adversary’s hand’? or, ‘Redeem me from the hand of the oppressors’?
24E ao mai oukou ia'u, a e noho malie iho au: E hoike mai oukou ia'u i kuu mea i lalau ai.
24“Teach me, and I will hold my peace. Cause me to understand my error.
25Nani ka ikaika o na olelo oiaio! Aka, heaha la ka ka oukou olelo hoino e hooiaio ai?
25How forcible are words of uprightness! But your reproof, what does it reprove?
26Ke manao nei anei oukou e hoohewa i na hua olelo? A o na olelo a ka mea paupauaho, Ua like me ka makani?
26Do you intend to reprove words, since the speeches of one who is desperate are as wind?
27Oiaio, ke hoohina nei oukou i ka mea makua ole, A ke eli iho oukou i lua no ko oukou hoalauna.
27Yes, you would even cast lots for the fatherless, and make merchandise of your friend.
28Ano hoi, e noho malie oukou, e nana mai ia'u; No ka mea, ua akaka ia oukou, ke hoopunipuni au.
28Now therefore be pleased to look at me, for surely I will not lie to your face.
29E hoi hou, ke noi aku nei au ia oukou, mai hoolilo ia i hewa; Oia e hoi hou hoi, A o ko'u pono aia iloko o ia mea.
29Please return. Let there be no injustice. Yes, return again. My cause is righteous.
30He hewa anei iloko o kuu alelo? Aole anei au e ike i na mea hewa?
30Is there injustice on my tongue? Can’t my taste discern mischievous things?
Tip: use the ← and → keys to turn chapters.