Ioba 4
Baibala Hemolele (Hawaiian Bible, 1868 revision)
JPS Tanakh (Jewish Publication Society, 1917)
1A LAILA pane mai la o Elipaza no Temana, i mai la,
1Then answered Eliphaz the Temanite, and said:
2A i hoao makou e kamailio pu me oe, e uluhua anei oe? Aka, owai la ka mea hiki ke uumi i ka olelo?
2If one venture a word unto thee, wilt thou be weary? But who can withhold himself from speaking?
3Aia hoi; ua ao aku oe i na mea he nui, A ua hooikaika oe i na lima nawaliwali.
3Behold, thou hast instructed many, and thou hast strengthened the weak hands.
4Ua kukulu iluna kau olelo i ka mea e hina ana, A ua hookupaa oe i na kuli e hemo ana.
4Thy words have upholden him that was falling, and thou hast strengthened the feeble knees.
5Ano hoi, ua hiki mai ia maluna ou, a ua maule oe, Ua hoopa mai ia ia oe, a ua popilikia oe.
5But now it is come upon thee, and thou art weary; it toucheth thee, and thou art affrighted.
6Aole anei keia kou makau, a me kou manaolana, O kou mea i kuko ai, a me ka pololei o kou mau aoao?
6Is not thy fear of God thy confidence, and thy hope the integrity of thy ways?
7Ke noi aku nei au, e hoomanao oe, owai ka mea hala ole i make wale? Auhea hoi ka poe pono i hookiia'ku?
7Remember, I pray thee, who ever perished, being innocent? Or where were the upright cut off?
8E like me ka'u i ike ai, O na mea i waele ino, a mahi hewa, ohi no lakou ia mea hookahi.
8According as I have seen, they that plow iniquity, and sow mischief, reap the same.
9Ma ka ha ana o ke Akua ua make lakou, A ma ka hanu o kona mau puka ihu ua hoopauia lakou.
9By the breath of God they perish, and by the blast of His anger are they consumed.
10O ka uwo ana o ka liona, o ka leo o ka liona hae, A o na niho o na liona hou, ua haki.
10The lion roareth, and the fierce lion howleth — yet the teeth of the young lions are broken.
11O ka liona, ua make ia no ka nele o ka mea pio, A o na keiki o ka liona wahine, ua hele liilii lakou.
11The old lion perisheth for lack of prey, and the whelps of the lioness are scattered abroad.
12Ua lawe malu ia mai kekahi olelo ia'u, A ua loaa i kuu pepeiao ka lohe iki o ia mea.
12Now a word was secretly brought to me, and mine ear received a whisper thereof.
13Iloko o na manao ma na moeuhane i ka po, I ka manawa i pauhia ai na kanaka i ka hiamoe,
13In thoughts from the visions of the night, when deep sleep falleth on men,
14Hiki mai ka makau ia'u a me ka haalulu, A hoohaalulu mai ia i ka nui o ko'u mau iwi.
14Fear came upon me, and trembling, and all my bones were made to shake.
15Alaila maale ae la he uhane imua o ko'u maka; Ku iho la iluna ka hulu o ko'u io:
15Then a spirit passed before my face, that made the hair of my flesh to stand up.
16Ku malie iho la ia, aole au i ike i kona ano; He kii imua o kou mau maka, He makani uuku, a he leo ka'u i lohe:
16It stood still, but I could not discern the appearance thereof; a form was before mine eyes; I heard a still voice:
17E oi anei ka pono o ke kanaka mamua o ko ke Akua? He oi anei ka maemae o ke kanaka mamua o ka Mea nana ia i hana?
17'Shall mortal man be just before God? Shall a man be pure before his Maker?
18Aia hoi, aole ia i hilinai i kana poe kauwa, A hooili no ia i ka hewa maluna o kona poe anela:
18Behold, He putteth no trust in His servants, and His angels He chargeth with folly;
19Heaha la hoi ka poe e noho ana i na hale lepo, Ha ka lepo ko lakou hookumu ana, ua ulupaia lakou imua o ka mu?
19How much more them that dwell in houses of clay, whose foundation is in the dust, who are crushed before the moth!
20Ua lukuia lakou mai kakahiaka a ke ahiahi: Ua make loa lakou, aohe mea nana i manao.
20Betwixt morning and evening they are shattered; they perish for ever without any regarding it.
21Aole anei e nalo wale aku ko lakou maikai ana? Make no lakou me ka naauao ole.
21Is not their tent-cord plucked up within them? They die, and that without wisdom.'
Tip: use the ← and → keys to turn chapters.