Siope 20
Tongan Bible, Revised West VersionTranslation
Tongan Bible, Revised West Version
Modern Hebrew Bible
1Pea naʻe toki pehēange ʻe Sofaa mei Neama, ʻo ne pehē,
1ויען צפר הנעמתי ויאמר׃
2“Ko e moʻoni ʻoku langaʻi au ʻe heʻeku ngaahi mahalo ke u tali, ko ia ʻoku ou fakatoʻotoʻo ai.
2לכן שעפי ישיבוני ובעבור חושי בי׃
3Kuo u fanongo ki he tautea ʻo ʻeku manuki, pea ko e laumālie ʻo ʻeku ʻilo ʻoku langaʻi au ke u tali.
3מוסר כלמתי אשמע ורוח מבינתי יענני׃
4ʻIkai te ke ʻilo eni mei muʻa, talu hono tuku ʻoe tangata ʻi māmani,
4הזאת ידעת מני עד מני שים אדם עלי ארץ׃
5Koeʻuhi ʻoku fuonounou ʻae nekeneka ʻoe angahala, pea ko e fiefia ʻae mālualoi ʻoku ʻi he kemo pe taha?
5כי רננת רשעים מקרוב ושמחת חנף עדי רגע׃
6Neongo ʻae aʻu hake ki he langi ʻa hono ongolelei, pea ʻasi hake hono ʻulu ki he ngaahi ʻao;
6אם יעלה לשמים שיאו וראשו לעב יגיע׃
7Ka ʻe ʻauha ia ʻo taʻengata ʻo hangē pe ko ʻene meʻa kovi ʻaʻana: ko kinautolu naʻe mamata ki ai te nau pehē, ‘Kofaʻā ia?’
7כגללו לנצח יאבד ראיו יאמרו איו׃
8ʻE puna atu ia ʻo hangē ha misi, pea ʻe ʻikai ʻilo ia: ʻio, ʻe tuli atu ia ʻo hangē ko ha meʻa ʻoku hā mai ʻi he pō.
8כחלום יעוף ולא ימצאוהו וידד כחזיון לילה׃
9Ko e mata foki naʻe mamata ki ai ʻe ʻikai toe mamata ai; pea ʻe ʻikai toe ʻilo ia ʻe hono potu.
9עין שזפתו ולא תוסיף ולא עוד תשורנו מקומו׃
10ʻE kumi ʻe heʻene fānau ke fakafiemālieʻi ʻae masiva, pea ʻe toe ʻatu ʻe hono nima ʻenau ngaahi meʻa.
10בניו ירצו דלים וידיו תשבנה אונו׃
11ʻOku fonu hono ngaahi hui ʻi he angahala ʻo ʻene kei siʻi, pea ʻe takoto mo ia ʻi he efu.
11עצמותיו מלאו עלומו ועמו על עפר תשכב׃
12“Neongo ʻoku melie ʻi hono ngutu ʻae fai kovi, pea ne fufū ia ʻi hono lalo ʻelelo:
12אם תמתיק בפיו רעה יכחידנה תחת לשונו׃
13Neongo ʻene mamae ki ai, ʻo ʻikai liʻaki; kae maʻu pe ʻi hono loto ngutu:
13יחמל עליה ולא יעזבנה וימנענה בתוך חכו׃
14ʻE liliu ʻene meʻakai ʻi hono kete, ʻe hoko ia ko e ʻahu ʻoe fanga ngata fekai ʻi loto ʻiate ia.
14לחמו במעיו נהפך מרורת פתנים בקרבו׃
15Kuo ne folo hifo ʻae koloa, ka te ne toe lua ʻaki hake ia: ʻe lī ia ʻe he ʻOtua mei hono kete.
15חיל בלע ויקאנו מבטנו יורשנו אל׃
16ʻE mimisi ʻe ia ʻae kona ʻoe fanga ngata fekai: ʻe teʻia ia ʻe he ʻelelo ʻoe ngata fekai.
16ראש פתנים יינק תהרגהו לשון אפעה׃
17ʻE ʻikai mamata ia ki he ngaahi vai, ko e ngaahi vai lahi, mo e ngaahi vaitafe ʻoe meʻa huʻamelie mo e pota.
17אל ירא בפלגות נהרי נחלי דבש וחמאה׃
18ʻE toe ʻatu ʻe ia ʻae fua ʻo ʻene ngāue, pea ʻe ʻikai folo hifo: pea ʻe ʻikai fiefia ia ʻi he lahi fau ʻo ʻene koloa.
18משיב יגע ולא יבלע כחיל תמורתו ולא יעלס׃
19Koeʻuhi kuo ne taʻomia mo liʻaki ʻae masiva; kuo ne toʻo fakamālohi ʻae fale naʻe ʻikai ke ne langa;
19כי רצץ עזב דלים בית גזל ולא יבנהו׃
20“Ko e moʻoni ʻe ʻikai te ne ongoʻi ʻae fiemālie ʻi hono loto, ʻe ʻikai te ne faʻa maʻu ʻaia kuo ne holi ki ai.
20כי לא ידע שלו בבטנו בחמודו לא ימלט׃
21ʻE ʻikai toe ʻene meʻa kai; ko ia ʻe ʻikai ʻamanaki ʻe ha taha ki haʻane meʻa.
21אין שריד לאכלו על כן לא יחיל טובו׃
22ʻI he lahi ʻo ʻene maʻumeʻa ʻe masiva ai ia; ʻe hoko kiate ia ʻae nima ʻoe angakovi kotoa pē.
22במלאות שפקו יצר לו כל יד עמל תבואנו׃
23ʻI heʻene teu ke fakapito hono kete, ʻe lī kiate ia ʻe he ʻOtua ʻae mālohi ʻo hono houhau, pea fakaʻauha ia kiate ia lolotonga ʻene kai.
23יהי למלא בטנו ישלח בו חרון אפו וימטר עלימו בלחומו׃
24ʻE puna ia mei he meʻa tau ukamea, ka ʻe fanaʻi ia ke ʻasi ʻe he kaufana ukamea.
24יברח מנשק ברזל תחלפהו קשת נחושה׃
25ʻE unuhi ia, pea ʻasi ʻi hono sino; ʻio, ʻoku haʻu mei hono ʻahu ʻae heletā ngingila, ʻoku ʻiate ia ʻae ngaahi ilifia.
25שלף ויצא מגוה וברק ממררתו יהלך עליו אמים׃
26Ko e ngaahi fakapoʻuli kotoa pē kuo fufū ʻi hono ngaahi potu fakalilolilo: ʻe fakaʻauha ia ʻe he afi taʻetapili; ʻe hoko ʻae kovi kiate ia ʻoku toe ʻi hono ʻapi.
26כל חשך טמון לצפוניו תאכלהו אש לא נפח ירע שריד באהלו׃
27ʻE fakahā ʻe he langi ʻa ʻene fai kovi, pea ʻe tuʻu hake ki ai ʻae fonua.
27יגלו שמים עונו וארץ מתקוממה לו׃
28Ko e koloa ʻo hono fale ʻe mole, pea tafe atu ʻi he ʻaho ʻo hono houhau.
28יגל יבול ביתו נגרות ביום אפו׃
29Ko e ʻinasi eni ʻoe tangata angahala mei he ʻOtua, mo e tufakanga kuo tuʻutuʻuni maʻana ʻe he ʻOtua.”
29זה חלק אדם רשע מאלהים ונחלת אמרו מאל׃
Tip: use the ← and → keys to turn chapters.