תהילים 29
Hebrew Old Testament, word by word (STEPBible TAHOT)Original language
Hebrew Old Testament, word by word (STEPBible TAHOT)
Chinese Union Version, punctuated (Traditional)
מִזְמ֗וֹר לְדָ֫וִ֥ד
no verse 0 in this text
1הָב֣וּ לַֽ֭יהוָה בְּנֵ֣י אֵלִ֑ים הָב֥וּ לַ֝יהוָ֗ה כָּב֥וֹד וָעֹֽז׃
1上帝的眾子啊，你們要將榮耀、能力歸給耶和華， 歸給耶和華！
2הָב֣וּ לַֽ֭יהוָה כְּב֣וֹד שְׁמ֑וֹ הִשְׁתַּחֲו֥וּ לַ֝יהוָ֗ה בְּהַדְרַת־קֹֽדֶשׁ׃
2要將耶和華的名所當得的榮耀歸給他， 以聖潔的妝飾敬拜耶和華。
3ק֥וֹל יְהוָ֗ה עַל־הַ֫מָּ֥יִם אֵֽל־הַכָּב֥וֹד הִרְעִ֑ים יְ֝הוָ֗ה עַל־מַ֥יִם רַבִּֽים׃
3耶和華的聲音發在水上； 榮耀的上帝打雷， 耶和華打雷在大水之上。
4קוֹל־יְהוָ֥ה בַּכֹּ֑חַ ק֥וֹל יְ֝הוָ֗ה בֶּהָדָֽר׃
4耶和華的聲音大有能力； 耶和華的聲音滿有威嚴。
5ק֣וֹל יְ֭הוָה שֹׁבֵ֣ר אֲרָזִ֑ים וַיְשַׁבֵּ֥ר יְ֝הוָ֗ה אֶת־אַרְזֵ֥י הַלְּבָנֽוֹן׃
5耶和華的聲音震破香柏樹； 耶和華震碎 黎巴嫩 的香柏樹。
6וַיַּרְקִידֵ֥ם כְּמוֹ־עֵ֑גֶל לְבָנ֥וֹן וְ֝שִׂרְיֹ֗ן כְּמ֣וֹ בֶן־רְאֵמִֽים׃
6他也使之跳躍如牛犢， 使 黎巴嫩 和 西連 跳躍如野牛犢。
7קוֹל־יְהוָ֥ה חֹצֵ֗ב לַהֲב֥וֹת אֵֽשׁ׃
7耶和華的聲音使火焰分岔。
8ק֣וֹל יְ֭הוָה יָחִ֣יל מִדְבָּ֑ר יָחִ֥יל יְ֝הוָ֗ה מִדְבַּ֥ר קָדֵֽשׁ׃
8耶和華的聲音震動曠野； 耶和華震動 加低斯 的曠野。
9ק֤וֹל יְהוָ֨ה׀ יְחוֹלֵ֣ל אַיָּלוֹת֮ וַֽיֶּחֱשֹׂ֪ף יְעָ֫ר֥וֹת וּבְהֵיכָל֑וֹ כֻּ֝לּ֗וֹ אֹמֵ֥ר כָּבֽוֹד׃
9耶和華的聲音驚動母鹿落胎， 樹木也脫落淨光。 凡在他殿中的，都稱說 他的 榮耀。
10יְ֭הוָה לַמַּבּ֣וּל יָשָׁ֑ב וַיֵּ֥שֶׁב יְ֝הוָ֗ה מֶ֣לֶךְ לְעוֹלָֽם׃
10洪水泛濫之時，耶和華坐着 為王 ； 耶和華坐着為王，直到永遠。
11יְֽהוָ֗ה עֹ֭ז לְעַמּ֣וֹ יִתֵּ֑ן יְהוָ֓ה׀ יְבָרֵ֖ךְ אֶת־עַמּ֣וֹ בַשָּׁלֽוֹם׃
11耶和華必賜力量給他的百姓； 耶和華必賜平安的福給他的百姓。
Tip: use the ← and → keys to turn chapters.