תהילים 122
Hebrew Old Testament, word by word (STEPBible TAHOT)Original language
Hebrew Old Testament, word by word (STEPBible TAHOT)
Chinese Union Version, punctuated (Traditional)
שִׁ֥יר הַֽמַּעֲל֗וֹת לְדָ֫וִ֥ד
no verse 0 in this text
1שָׂ֭מַחְתִּי בְּאֹמְרִ֣ים לִ֑י בֵּ֖ית יְהוָ֣ה נֵלֵֽךְ׃
1人對我說：我們往耶和華的殿去， 我就歡喜。
2עֹ֭מְדוֹת הָי֣וּ רַגְלֵ֑ינוּ בִּ֝שְׁעָרַ֗יִךְ יְרוּשָׁלִָֽם׃
2耶路撒冷 啊， 我們的腳站在你的門內。
3יְרוּשָׁלִַ֥ם הַבְּנוּיָ֑ה כְּ֝עִ֗יר שֶׁחֻבְּרָה־לָּ֥הּ יַחְדָּֽו׃
3耶路撒冷 被建造， 如同連絡整齊的一座城。
4שֶׁשָּׁ֨ם עָל֪וּ שְׁבָטִ֡ים שִׁבְטֵי־יָ֭הּ עֵד֣וּת לְיִשְׂרָאֵ֑ל לְ֝הֹד֗וֹת לְשֵׁ֣ם יְהוָֽה׃
4眾支派，就是耶和華的支派，上那裏去， 按 以色列 的常例稱讚耶和華的名。
5כִּ֤י שָׁ֨מָּה׀ יָשְׁב֣וּ כִסְא֣וֹת לְמִשְׁפָּ֑ט כִּ֝סְא֗וֹת לְבֵ֣ית דָּוִֽיד׃
5因為在那裏設立審判的寶座， 就是 大衛 家的寶座。
6שַׁ֭אֲלוּ שְׁל֣וֹם יְרוּשָׁלִָ֑ם יִ֝שְׁלָ֗יוּ אֹהֲבָֽיִךְ׃
6你們要為 耶路撒冷 求平安！ 耶路撒冷 啊，愛你的人必然興旺！
7יְהִֽי־שָׁל֥וֹם בְּחֵילֵ֑ךְ שַׁ֝לְוָ֗ה בְּאַרְמְנוֹתָֽיִךְ׃
7願你城中平安！ 願你宮內興旺！
8לְ֭מַעַן אַחַ֣י וְרֵעָ֑י אֲדַבְּרָה־נָּ֖א שָׁל֣וֹם בָּֽךְ׃
8因我弟兄和同伴的緣故，我要說： 願平安在你中間！
9לְ֭מַעַן בֵּית־יְהוָ֣ה אֱלֹהֵ֑ינוּ אֲבַקְשָׁ֖ה ט֣וֹב לָֽךְ׃
9因耶和華－我們上帝殿的緣故， 我要為你求福！
Tip: use the ← and → keys to turn chapters.