Solomona 28
Baibala Hemolele (Hawaiian Bible, 1868 revision)
Modern Hebrew Bible
1HOOHEE wale ka mea hewa, aohe mea e hahai ana; O ka poe pono hoi, wiwo ole lakou me he liona la.
1נסו ואין רדף רשע וצדיקים ככפיר יבטח׃
2No ka hewa o ka aina, nui no kolaila poe alii; A ma ke kanaka noonoo a ike hoi e paa loihi ana no ia.
2בפשע ארץ רבים שריה ובאדם מבין ידע כן יאריך׃
3O ke kanaka ilihune e hookaumaha ana i ka poe ilihune, Oia ka ua e hoopau ana i ka ai a pau.
3גבר רש ועשק דלים מטר סחף ואין לחם׃
4O ka poe haalele i ke kanawai, hoomaikai no lakou i ka mea hewa: O ka poe malama hoi i ke kanawai, ku e aku no i ua poe la.
4עזבי תורה יהללו רשע ושמרי תורה יתגרו בם׃
5Aole i ike ka poe aia i ka hoopono; A o ka poe imi ia Iehova, ike no i na mea a pau.
5אנשי רע לא יבינו משפט ומבקשי יהוה יבינו כל׃
6E aho ka mea ilihune ke hele oia ma ka pololei, I ka mea waiwai i hookekee i kona aoao.
6טוב רש הולך בתמו מעקש דרכים והוא עשיר׃
7O ka mea malama i ke kanawai, he keiki naauao ia; O ka hoa no ka poe hookai wale, oia ka i hoohilahila i kona makuakane.
7נוצר תורה בן מבין ורעה זוללים יכלים אביו׃
8O ka mea hoonui i kona waiwai ma ka uku kuala a me ke kaili wale, E hooiliili oia ia mea na ka mea e aloha aku i ka poe ilihune.
8מרבה הונו בנשך ובתרבית לחונן דלים יקבצנו׃
9O ka mea haliu aku i kona pepeiao aole hoolono i ke kanawai, E hoopailuaia kana pule.
9מסיר אזנו משמע תורה גם תפלתו תועבה׃
10O ka mea kai hewa aku i ka poe pololei ma ka aoao hewa, Ma kona lua iho oia e haule ai; A o ka poe pololei hoi, e ili mai ka maikai no lakou.
10משגה ישרים בדרך רע בשחותו הוא יפול ותמימים ינחלו טוב׃
11Ua naauao no ke kanaka waiwai i kona manao iho; Aka, o ka mea ilihune a naauao hoi, oia ka i ike aku ia ia.
11חכם בעיניו איש עשיר ודל מבין יחקרנו׃
12I ka hauoli ana o ka poe pono, nui ka hanohano; A i ke ku ana'e o ka poe hewa, ua hunaia ke kanaka.
12בעלץ צדיקים רבה תפארת ובקום רשעים יחפש אדם׃
13O ka mea huna i kona hewa iho, aole oia e pomaikai; Aka, o ka mea hooia a haalele hoi, e alohaia mai oia,
13מכסה פשעיו לא יצליח ומודה ועזב ירחם׃
14Pomaikai ke kanaka ke mau aku kona makau; O ka mea hoopaakiki i kona naau, e haule oia i ka popilikia.
14אשרי אדם מפחד תמיד ומקשה לבו יפול ברעה׃
15O ka liona uwo a me ka bea holoholo, Oia ke alii hewa maluna o na kanaka ilihune.
15ארי נהם ודב שוקק משל רשע על עם דל׃
16O ke alii naauao ole, nui kona hookaumaha ana; O ka mea hoowahawaha i ka makee waiwai, e loihi no kona mau la.
16נגיד חסר תבונות ורב מעשקות שנאי בצע יאריך ימים׃
17O ke kanaka hewa i ke koko o kekahi, E holo oia i ka lua; mai keakea kekahi ia ia.
17אדם עשק בדם נפש עד בור ינוס אל יתמכו בו׃
18O ka mea hele pololei e ola oia; O ka mea hookekee i kona aoao, e haule koke no ia.
18הולך תמים יושע ונעקש דרכים יפול באחת׃
19O ka mea mahi i ka aina e maona oia i ka ai; O ka mea hoopili mea ai mahope o ka poe lapuwale e piha oia i ka ilihune.
19עבד אדמתו ישבע לחם ומרדף רקים ישבע ריש׃
20O ke kanaka hooiaio, nui wale kona mau mea e pomaikai ai; O ka mea holo kiki mahope o ka waiwai, aole e ole kona hala.
20איש אמונות רב ברכות ואץ להעשיר לא ינקה׃
21O ka manao ana i ko ke kanaka kino, aole ia he maikai; No kahi apana ai e lawehala no ua kanaka la.
21הכר פנים לא טוב ועל פת לחם יפשע גבר׃
22O ka mea hooikaika ma ka waiwai, he maka ino kona, Aole oia e ike o ka ilihune kana mea e loaa ai.
22נבהל להון איש רע עין ולא ידע כי חסר יבאנו׃
23O ka mea ao aku i ke kanaka, mahope iho e loaa ia ia ka lokomaikaiia mai, Mamua o ka mea malimali me kona alelo.
23מוכיח אדם אחרי חן ימצא ממחליק לשון׃
24O ke mea kaili wale i ka kona makuakane a me ka kona makuwahine, Me ka i ana ae, Aole ia he hewa, Oia ka hoa no ka pepehi kanaka.
24גוזל אביו ואמו ואמר אין פשע חבר הוא לאיש משחית׃
25O ka mea i haaheo ka naau, oia ka i hookonokono i ka hakaka; O ka mea paulele ia Iehova e lako loa oia.
25רחב נפש יגרה מדון ובוטח על יהוה ידשן׃
26O ka mea paulele i kona naau iho, oia ka mea naaupo: O ka mea hele ma ka naauao, e hoopakeleia oia.
26בוטח בלבו הוא כסיל והולך בחכמה הוא ימלט׃
27O ka mea haawi wale na ka mea ilihune, aole oia e nele; A o ka mea i uhi ae i kona mau maka, e nui kona hoinoia mai.
27נותן לרש אין מחסור ומעלים עיניו רב מארות׃
28I ke ku ana o ka poe hewa, ua huna ke kanaka ia ia iho; A make lakou, alaila mahuahua ka poe pono.
28בקום רשעים יסתר אדם ובאבדם ירבו צדיקים׃
Tip: use the ← and → keys to turn chapters.