Matthieu 24
Brezhoneg (Breton Gospels, 1827)Translation
Brezhoneg (Breton Gospels, 1827)
Douay-Rheims Bible, American Edition (1899)
1Evel ma'z ae Jezuz kuit eus an templ, e ziskibien a dostaas outañ, evit diskouez dezhañ savadurioù bras an templ.
1And Jesus being come out of the temple, went away. And his disciples came to shew him the buildings of the temple.
2Met eñ a lavaras dezho: Ha gwelout a rit an holl draoù-se? Me en lavar deoc'h e gwirionez, ne chomo ket anezho amañ maen war vaen na vo diskaret.
2And he answering, said to them: Do you see all these things? Amen I say to you there shall not be left here a stone upon a stone that shall not be destroyed.
3Hag evel ma oa azezet war Venez an Olived, an diskibien a dostaas outañ, a-du, o lavarout: Lavar deomp pegoulz e c'hoarvezo kement-se, ha pehini e vo ar sin eus da zonedigezh hag eus fin ar bed?
3And when he was sitting on mount Olivet, the disciples came to him privately, saying: Tell us when shall these things be? and what shall be the sign of thy coming, and of the consummation of the world?
4Jezuz a respontas dezho: Diwallit na dromplfe den ac'hanoc'h.
4And Jesus answering, said to them: Take heed that no man seduce you:
5Rak meur a hini a zeuio dindan va anv, o lavarout: Me eo ar C'hrist; hag e tromplint kalz a dud.
5For many will come in my name saying, I am Christ: and they will seduce many.
6Klevout a reot komz eus brezelioù, ha brud eus brezelioù, lakait evezh na vefec'h spontet; rak ret eo e teufe an traoù-se, met kement-se ne vo ket c'hoazh ar fin.
6And you shall hear of wars and rumours of wars. See that ye be not troubled. For these things must come to pass, but the end is not yet.
7Rak ur bobl a savo a-enep ur bobl all, hag ur rouantelezh a-enep ur rouantelezh all; hag e vo e meur a lec'h, naonegezhioù, [bosennoù] ha krenoù-douar;
7For nation shall rise against nation, and kingdom against kingdom; and there shall be pestilences, and famines, and earthquakes in places:
8an traoù-mañ ne vo nemet ar penn-kentañ eus ar gloazioù.
8Now all these are the beginnings of sorrows.
9Neuze e roint ac'hanoc'h evit bezañ poaniet, hag e lazhint ac'hanoc'h, hag e viot kasaet gant an holl bobloù, abalamour da'm anv.
9Then shall they deliver you up to be afflicted, and shall put you to death: and you shall be hated by all nations for my name’s sake.
10Neuze ivez, meur a hini a gouezho, en em drubardo, hag en em gasaio an eil egile.
10And then shall many be scandalized: and shall betray one another: and shall hate one another.
11Kalz a fals-profeded a savo, hag a dromplo kalz a dud.
11And many false prophets shall rise, and shall seduce many.
12Dre ma vo kresket an direizhder, karantez meur a hini a yenaio.
12And because iniquity hath abounded, the charity of many shall grow cold.
13Met an hini a gendalc'ho betek ar fin, a vo salvet.
13But he that shall persevere to the end, he shall be saved.
14An Aviel-mañ eus ar rouantelezh a vo prezeget er bed a-bezh, evit reiñ testeni d'an holl bobloù; neuze e teuio ar fin.
14And this gospel of the kingdom, shall be preached in the whole world, for a testimony to all nations, and then shall the consummation come.
15Dre-se, pa welot an euzhusted eus ar glac'har, m'en deus komzet ar profed Daniel anezhi, deuet el lec'h santel (ra gompreno an neb a lenn),
15When therefore you shall see the abomination of desolation, which was spoken of by Daniel the prophet, standing in the holy place: he that readeth let him understand.
16neuze ar re a vo e Judea, ra dec'hint war ar menezioù,
16Then they that are in Judea, let them flee to the mountains:
17an hini a vo war an doenn, ra ne ziskenno ket da gemer ar pezh a zo en e di,
17And he that is on the housetop, let him not come down to take any thing out of his house:
18hag an hini a vo er parkeier, ra ne zistroio ket a-dreñv da gemer e vantell.
18And he that is in the field, let him not go back to take his coat.
19Gwalleur d'ar gwragez brazez, ha d'ar magerezed en deizioù-se!
19And woe to them that are with child, and that give suck in those days.
20Pedit evit na erruo ket ho tec'h er goañv, nag e deiz ar sabad.
20But pray that your flight be not in the winter, or on the sabbath.
21Rak bez' e vo neuze ur glac'har ken bras, evel n'eus ket bet adalek penn-kentañ ar bed betek vremañ, ha ne vo biken.
21For there shall be then great tribulation, such as hath not been from the beginning of the world until now, neither shall be.
22Ha ma ne vije ket bet berraet an deizioù-se, den ebet ne vije salvet; met abalamour d'ar re zibabet, an deizioù-se a vo berraet.
22And unless those days had been shortened, no flesh should be saved: but for the sake of the elect those days shall be shortened.
23Neuze, mar lavar unan bennak deoc'h: Setu, ar C'hrist a zo amañ, pe aze, na gredit ket.
23Then if any man shall say to you: Lo here is Christ, or there, do not believe him.
24Rak fals-kristed ha fals-profeded a savo; hag e raint sinoù ha burzhudoù da dromplañ, ma vije gallet, zoken ar re zibabet.
24For there shall arise false Christs and false prophets, and shall show great signs and wonders, insomuch as to deceive (if possible) even the elect.
25Setu, em eus e lavaret deoc'h a-raok.
25Behold I have told it to you, beforehand.
26Mar lavarer eta deoc'h: Setu, emañ el lec'h distro, n'it ket; setu, emañ er c'hambroù, na gredit ket.
26If therefore they shall say to you: Behold he is in the desert, go ye not out: Behold he is in the closets, believe it not.
27Rak, evel ma teu al luc'hedenn eus ar sav-heol ha ma he gweler betek ar c'huzh-heol, evel-se e vo donedigezh Mab an den.
27For as lightning cometh out of the east, and appeareth even into the west: so shall the coming of the Son of man be.
28E pep lec'h bennak ma vo ar c'horf marv, eno en em zastumo an erered.
28Wheresoever the body shall be, there shall the eagles also be gathered together.
29Raktal goude an deizioù a c'hlac'har-mañ, an heol a vo teñvalaet, al loar ne roio ket he sklêrijenn, ar stered a gouezho eus an oabl, ha galloudoù an neñv a vo brañsellet.
29And immediately after the tribulation of those days, the sun shall be darkened and the moon shall not give her light, and the stars shall fall from heaven, and the powers of heaven shall be moved:
30Neuze sin Mab an den en em ziskouezo en neñv, holl bobloù an douar a glemmo en ur skeiñ war boull o c'halon, hag e welint Mab an den o tont war goabr an neñv, gant ur galloud hag ur gloar bras;
30And then shall appear the sign of the Son of man in heaven: and then shall all tribes of the earth mourn: and they shall see the Son of man coming in the clouds of heaven with much power and majesty.
31Eñ a gaso e aeled gant an trompilh tregernus, da zastum e re zibabet eus ar pevar avel, adalek ur penn eus an neñv betek ur penn all.
31And he shall send his angels with a trumpet, and a great voice: and they shall gather together his elect from the four winds, from the farthest parts of the heavens to the utmost bounds of them.
32Deskit dre barabolenn ar wezenn-fiez: pa zeu he brankoù da vezañ tener hag he delioù da vountañ, ec'h anavezit eo tost an hañv;
32And from the fig tree learn a parable: When the branch thereof is now tender, and the leaves come forth, you know that summer is nigh.
33evel-se ivez, pa welot kement-se oc'h erruout, gouezit Mab an den a zo tost, hag ouzh an nor.
33So you also, when you shall see all these things, know ye that it is nigh, even at the doors.
34Me a lavar deoc'h e gwirionez, penaos ar rummad-mañ ne dremeno ket, ken na vo c'hoarvezet an holl draoù-se.
34Amen I say to you, that this generation shall not pass, till all these things be done.
35An neñv hag an douar a dremeno, met va gerioù ne dremenint ket.
35Heaven and earth shall pass, but my words shall not pass.
36Evit ar pezh a sell ouzh an deiz hag an eur, den n'o anavez, nag aeled an neñv, nag ar Mab, met an Tad hepken.
36But of that day and hour no one knoweth, not the angels of heaven, but the Father alone.
37Ar pezh a c'hoarvezas en amzer Noe, evel-se a c'hoarvezo ivez da zonedigezh Mab an den;
37And as in the days of Noe, so shall also the coming of the Son of man be.
38rak en deizioù a-raok an dour-beuz, an dud a zebre hag a eve, en em zimeze hag a zimeze o bugale, betek an deiz ma'z eas Noe en arc'h,
38For as in the days before the flood, they were eating and drinking, marrying and giving in marriage, even till that day in which Noe entered into the ark,
39hag ne ouezjont netra ken a zeuas an dour-beuz d'o c'has holl gantañ; evel-se e vo ivez da zonedigezh Mab an den.
39And they knew not till the flood came, and took them all away; so also shall the coming of the Son of man be.
40Neuze, e vo daou zen en ur park, unan a vo kemeret hag egile lezet,
40Then two shall be in the field: one shall be taken, and one shall be left.
41e vo div wreg o valañ en ur vilin, unan a vo kemeret hag eben lezet.
41Two women shall be grinding at the mill: one shall be taken, and one shall be left.
42Chomit dihun eta, rak n'ouzoc'h ket da bet eur e teuio hoc'h Aotrou.
42Watch ye therefore, because ye know not what hour your Lord will come.
43Gouezit mat, ma anavezfe mestr an ti da bet beilhadenn eus an noz e tlefe ar laer dont, e chomfe dihun ha ne lezfe ket toullañ e di.
43But know this ye, that if the goodman of the house knew at what hour the thief would come, he would certainly watch, and would not suffer his house to be broken open.
44Dre-se, c'hwi ivez, en em zalc'hit prest, rak Mab an den a zeuio d'an eur na soñjit ket.
44Wherefore be you also ready, because at what hour you know not the Son of man will come.
45Piv eo eta ar mevel feal ha poellek a zo bet lakaet gant e aotrou war e dud, evit reiñ dezho boued en amzer dereat?
45Who, thinkest thou, is a faithful and wise servant, whom his lord hath appointed over his family, to give them meat in season.
46Eürus ar mevel-se, pa zeuio en-dro e aotrou, mar bez kavet gantañ oc'h ober evel-se!
46Blessed is that servant, whom when his lord shall come he shall find so doing.
47Me a lavar deoc'h e gwirionez, e lakaat a raio war e holl vadoù.
47Amen I say to you, he shall place him over all his goods.
48Met, mar deo drouk ar mevel-se, ha ma lavar en e galon: Va aotrou a zale da zont en-dro,
48But if that evil servant shall say in his heart: My lord is long a coming:
49ha ma teu da skeiñ gant e genseurted, ha da zebriñ ha da evañ gant ar vezvierien,
49And shall begin to strike his fellow servants, and shall eat and drink with drunkards:
50aotrou ar mevel-se a zeuio d'an deiz na c'hortozo ket ha d'an eur ne ouezo ket,
50The lord of that servant shall come in a day that he hopeth not, and at an hour that he knoweth not:
51hag e tispenno anezhañ, hag e roio dezhañ e lod gant ar bilpouzed; eno eo, e vo goueladegoù ha grigoñsadegoù-dent.
51And shall separate him, and appoint his portion with the hypocrites. There shall be weeping and gnashing of teeth.
Tip: use the ← and → keys to turn chapters.