Ezekiel 14
Bible Mutal (Kosraean)Translation
Bible Mutal (Kosraean)
Chinese Union Version, punctuated (Traditional)
1Kutu sin mwet kol lun Israel elos tuku nu yuruk in siyuk ke ma lungse lun LEUM GOD .
1有幾個 以色列 長老到我這裏來，坐在我面前。
2Na LEUM GOD El kaskas nu sik
2耶和華的話就臨到我說：
3ac fahk, “Kom, mwet sukawil moul la, mwet inge elos sang insialos nu ke ma sruloala, ac elos lela tuh ma sruloala uh in kololos nu ke ma koluk. Ya elos nunku mu nga ac topkolos?
3「人子啊，這些人已將他們的假神接到心裏，把陷於罪的絆腳石放在面前，我豈能絲毫被他們求問嗎？
4“Inge, kaskas nu selos ac fahk ma nga, LEUM GOD Fulatlana, fahk nu selos: Kutena mwet Israel su sang insial nu ke ma sruloala ac lela in kolol nu ke ma koluk, na tok el suk kasru sin sie mwet palu, el ac fah eis top sik — sie top ma fal nu ke pusien ma sruloala lal!
4所以你要告訴他們：『主耶和華如此說： 以色列 家的人中，凡將他的假神接到心裏，把陷於罪的絆腳石放在面前，又就了先知來的，我－耶和華在他所求的事上，必按他眾多的假神回答他，
5Ma sruloala inge nukewa oru insien mwet Israel uh forla likiyu. Tuh ke sripen topuk luk, sahp elos ac sifilpa forma ac akfulatyeyu.
5好在 以色列 家的心事上捉住他們，因為他們都藉着假神與我生疏。』
6“Na inge, fahkang nu sin mwet Israel ma nga, LEUM GOD Fulatlana, fahk nu selos: Kowos forma, ac fahsr liki ma sruloala srungayuk lowos.
6「所以你要告訴 以色列 家說：『主耶和華如此說：回頭吧！離開你們的偶像，轉臉莫從你們一切可憎的事。』
7“Kutena pacl sie mwet Israel, ku sie mwetsac su muta Israel, ac forla likiyu ac alu nu ke ma sruloala, na tok el som siyuk kas in kasru yurin sie mwet palu, nga LEUM GOD pa ac sang top nu sel uh!
7因為 以色列 家的人，或在 以色列 中寄居的外人，凡與我隔絕，將他的假神接到心裏，把陷於罪的絆腳石放在面前，又就了先知來要為自己的事求問我的，我－耶和華必親自回答他。
8Nga ac fah lainul. Nga fah sisella liki un mwet luk ac oru tuh elan sie mwe srikasrak in sensenkakin mwet ngia. Ouinge kowos fah etu lah nga pa LEUM GOD .
8我必向那人變臉，使他作了警戒，笑談，令人驚駭，並且我要將他從我民中剪除；你們就知道我是耶和華。
9“Sie mwet palu fin kiapweyukla ac orala sie top sutuu, nga LEUM GOD pa oru elan fahk ma tia pwaye uh. Nga ac sisella liki un mwet Israel.
9先知若被迷惑說一句預言，是我－耶和華任那先知受迷惑，我也必向他伸手，將他從我民 以色列 中除滅。
10Mwet palu sac ac mwet se ma suk kasru sel ah, ac fah kaiyuk eltal oana sie.
10他們必擔當自己的罪孽。先知的罪孽和求問之人的罪孽都是一樣，
11Nga fah oru ma inge tuh mwet Israel elos in tia sisyula, ac tia akfohkfokyalos sifacna ke orekma koluk lalos. Elos fah mwet luk sifacna, ac nga ac fah God lalos.” LEUM GOD Fulatlana pa fahk ma inge.
11好使 以色列 家不再走迷離開我，不再因各樣的罪過玷污自己，只要作我的子民，我作他們的上帝。這是主耶和華說的。」
12LEUM GOD El kaskas nu sik
12耶和華的話臨到我說：
13ac fahk, “Mwet sukawil, fin oasr sie mutunfacl oru ma koluk ac tia pwaye nu sik, nga ac asroela pouk ac supwala sie pacl in sracl in uniya mwet ac kosro, oana sie.
13「人子啊，若有一國犯罪干犯我，我也向他伸手折斷他們的杖，就是斷絕他們的糧，使饑荒臨到那地，將人與牲畜從其中剪除；
14Finne Noah, Danel, ac Job wi muta we, a moul suwoswos lalos lukun molela na moul lalos sifacna.” LEUM GOD Fulatlana pa fahk ma inge uh.
14其中雖有 挪亞 、 但以理 、 約伯 這三人，他們只能因他們的義救自己的性命。這是主耶和華說的。
15“Ku sahp nga ac supwala kutu kosro lemnak in uniya mwet we ac oru facl sac in arulana sensen, na wangin mwet ku in fahsr sasla we.
15我若使惡獸經過糟踐那地，使地荒涼，以致因這些獸，人都不得經過；
16Oana ke nga LEUM GOD Fulatlana pa God moul, finne mwet tolu inge muta we, elos tia ku in molela moul lun tulik natulos, a moul na lalos sifacna. Na facl sacn ac fah sie acn mwesisla.
16雖有這三人在其中，主耶和華說：我指着我的永生起誓，他們連兒帶女都不能得救，只能自己得救，那地仍然荒涼。
17“Ku sahp nga ac oru tuh in oasr mweun in facl sac, ac supwala kufwen mwe mweun in sukela mwet ac oayapa kosro.
17或者我使刀劍臨到那地，說：刀劍哪，要經過那地，以致我將人與牲畜從其中剪除；
18Ac mwet tolu inge finne muta we — oana ke nga LEUM GOD Fulatlana pa God moul — elos ac tia ku in molela moul lun tulik natulos, a moul na lalos sifacna.
18雖有這三人在其中，主耶和華說：我指着我的永生起誓，他們連兒帶女都不能得救，只能自己得救。
19“Nga fin supwala sie mas upa nu in facl sac, ac uniya mwet puspis ac kosro puspis ke sripen kasrkusrak luk,
19或者我叫瘟疫流行那地，使我滅命的忿怒傾在其上，好將人與牲畜從其中剪除；
20finne Noah, Danel, ac Job muta we — oana ke nga LEUM GOD Fulatlana pa God moul — elos ac tia ku in molela moul lun tulik natulos. Moul suwoswos lalos ac molela na moul lalos sifacna.”
20雖有 挪亞 、 但以理 、 約伯 在其中，主耶和華說：我指着我的永生起誓，他們連兒帶女都不能救，只能因他們的義救自己的性命。」
21Pa inge ma LEUM GOD Fulatlana El fahk: “Nga ac supwala mwe akkeok akosr ma upa emeet luk nu fin acn Jerusalem — mweun, sracl, kosro lemnak, ac mas — in uniya mwet ac oayapa kosro.
21主耶和華如此說：「我將這四樣大災－就是刀劍、饑荒、惡獸、瘟疫降在 耶路撒冷 ，將人與牲畜從其中剪除，豈不更重嗎？
22Fin oasr mwet painmoulla su molela pac tulik natulos, kom in ngetang liyalos ke elos ac tuku nu yurum. Liye lupan koluk lalos, ac akilen lah pwaye fal mwe akkeok ma nga sang nu fin Jerusalem.
22然而其中必有剩下的人，他們連兒帶女必帶到你們這裏來，你們看見他們所行所為的，要因我降給 耶路撒冷 的一切災禍，便得了安慰。
23Na kom fah etu lah oasr sripa wo ke ma nukewa nga orala uh.” LEUM GOD Fulatlana El fahk ma inge.
23你們看見他們所行所為的，得了安慰，就知道我在 耶路撒冷 中所行的並非無故。這是主耶和華說的。」
Tip: use the ← and → keys to turn chapters.