Psalms 118
JPS Tanakh (Jewish Publication Society, 1917)
Tongan Bible, Revised West Version
1'O give thanks unto the LORD, for He is good, for His mercy endureth for ever.'
1Mou ʻatu ʻae fakafetaʻi kia Sihova he ʻoku angalelei ia: koeʻuhi ʻoku tolonga ʻo taʻengata ʻa ʻene ʻaloʻofa.
2So let Israel now say, for His mercy endureth for ever,
2Ke lea ni ʻe ʻIsileli, “ʻOku tolonga ʻo taʻengata ʻa ʻene ʻaloʻofa.”
3So let the house of Aaron now say, for His mercy endureth for ever.
3Ke lea ni ʻae fale ʻo ʻElone, “ʻOku tolonga ʻo taʻengata ʻa ʻene ʻaloʻofa.”
4So let them now that fear the LORD say, for His mercy endureth for ever.
4Tuku ke lea ni ʻakinautolu ʻoku nau manavahē kia Sihova, ʻoku tolonga ʻo taʻengata ʻa ʻene ʻaloʻofa.
5Out of my straits I called upon the LORD; He answered me with great enlargement.
5Naʻaku ui kia Sihova ʻi he mamahi: pea naʻe talia au ʻe Sihova, mo ne tuku au ki he potu ʻataʻatā.
6The LORD is for me; I will not fear; what can man do unto me?
6ʻOku kau maʻaku ʻa Sihova; ʻe ʻikai te u manavahē ko e hā ʻe faʻa fai ʻe he tangata kiate au.
7The LORD is for me as my helper; and I shall gaze upon them that hate me.
7ʻOku fai maʻaku ʻa Sihova mo kinautolu ʻoku nau tokoni au: ko ia te u mamata ai kiate kinautolu ʻoku nau fehiʻa kiate au.
8It is better to take refuge in the LORD than to trust in man.
8ʻOku lelei lahi ʻae falala kia Sihova ʻi he falala ki he tangata.
9It is better to take refuge in the LORD than to trust in princes.
9ʻOku lelei lahi ʻae falala kia Sihova ʻi he falala ki he ngaahi ʻeiki.
10All nations compass me about; verily, in the name of the LORD I will cut them off.
10Naʻe kāpui au ʻe he ngaahi puleʻanga kotoa pē: ka ʻi he huafa ʻo Sihova te u fakaʻauha ʻakinautolu.
11They compass me about, yea, they compass me about; verily, in the name of the LORD I will cut them off.
11Naʻa nau takatakai au; ʻio, naʻa nau kāpui au: ka ʻi he huafa ʻo Sihova te u fakaʻauha ʻakinautolu.
12They compass me about like bees; they are quenched as the fire of thorns; verily, in the name of the LORD I will cut them off.
12Naʻa nau kāpui au ʻo hangē ko e fanga pi; kuo tāmateʻi ʻakinautolu ʻo hangē ko e afi ʻi he ʻakau talatala: he te u fakaʻauha ʻakinautolu ʻi he huafa ʻo Sihova.
13Thou didst thrust sore at me that I might fall; but the LORD helped me.
13Kuo ke tekeʻi mālohi au koeʻuhi ke u hinga ai: ka naʻe tokoni au ʻe Sihova
14The LORD is my strength and song; and He is become my salvation.
14Ko hoku mālohi ʻa Sihova mo ʻeku hiva, pea kuo hoko ia ko hoku fakamoʻui.
15The voice of rejoicing and salvation is in the tents of the righteous; the right hand of the LORD doeth valiantly.
15Ko e lea ʻoe fiefia mo e fakamoʻui ʻoku ʻi he ngaahi fale fehikitaki ʻoe angatonu: ʻoku fai mālohi ʻae nima toʻomataʻu ʻo Sihova.
16The right hand of the LORD is exalted; the right hand of the LORD doeth valiantly.
16Kuo hiki hake ʻae nima toʻomataʻu ʻo Sihova: ʻoku fai mālohi ʻae nima toʻomataʻu ʻo Sihova.
17I shall not die, but live, and declare the works of the LORD.
17ʻE ʻikai te u mate, kae moʻui, ʻo fakahā ʻae ngaahi ngāue ʻa Sihova.
18The LORD hath chastened me sore; but He hath not given me over unto death.
18Kuo tautea fakamamahiʻi au ʻe Sihova: ka ʻoku teʻeki ai te ne tukuange au ki he mate.
19Open to me the gates of righteousness; I will enter into them, I will give thanks unto the LORD.
19Toʻo kiate au ʻae ngaahi matapā ʻoe māʻoniʻoni: te u hū ai, pea u fakamālō kia Sihova:
20This is the gate of the LORD; the righteous shall enter into it.
20Ko e matapā eni ʻo Sihova, ʻaia ʻe hū ai ʻae angatonu.
21I will give thanks unto Thee, for Thou hast answered me, and art become my salvation.
21Te u fakamālō kiate koe: he kuo ke ongoʻi au, pea kuo ke hoko ko hoku fakamoʻui.
22The stone which the builders rejected is become the chief corner-stone.
22Ko e maka naʻe liʻaki ʻe he kau tufunga kuo hoko ia ko e fungani maka ʻoe tuliki.
23This is the LORD'S doing; it is marvellous in our eyes.
23Ko e ngāue eni ʻa Sihova; pea ko e meʻa fakaofo ʻi hotau ʻao.
24This is the day which the LORD hath made; we will rejoice and be glad in it.
24Ko e ʻaho eni kuo ngaohi ʻe Sihova; te tau fiefia pea nekeneka ai.
25We beseech Thee, O LORD, save now! We beseech Thee, O LORD, make us now to prosper!
25ʻE Sihova, ʻoku ou kole kiate koe, ke ke fakamoʻui ni: ʻE Sihova, ʻoku ou kole kiate koe, ke ke tuku mai ni ʻae monūʻia.
26Blessed be he that cometh in the name of the LORD; we bless you out of the house of the LORD.
26Ke monūʻia ia ʻoku haʻu ʻi he huafa ʻo Sihova: kuo mau tāpuekina ʻakimoutolu mei he fale ʻo Sihova.
27The LORD is God, and hath given us light; order the festival procession with boughs, even unto the horns of the altar.
27Ko e ʻOtua ko Sihova ia, ʻaia kuo ne fakahā ʻae maama kiate kitautolu: mou nonoʻo ʻae feilaulau ʻaki ʻae ngaahi afo ki he ngaahi nifo, ʻoe feilaulauʻanga.
28Thou art my God, and I will give thanks unto Thee; Thou art my God, I will exalt Thee.
28Ko koe ko hoku ʻOtua, pea te u fakamālō kiate koe: ko koe ko hoku ʻOtua, te u fakahikihikiʻi koe.
29O give thanks unto the LORD, for He is good, for His mercy endureth for ever.
29Mou ʻatu ʻae fakafetaʻi kia Sihova he ʻoku angalelei ia: koeʻuhi ʻoku tolonga ʻo taʻengata ʻa ʻene ʻaloʻofa.
Tip: use the ← and → keys to turn chapters.